1/29/2023
Today from Hiiraan Online:  _
Wararka Maanta- Isniin, Oct 24, 2011
Bam-gacmeed lagu weeraray Caweys ku yaalla Magaalada oo ay ku dhaawacmeen in ka badan 12-qof (SAWIRRO)


Isniin, Oktoobar 24, 2011 (HOL) — Weerar bam-gacmeed ah oo xalay lagu weeraray goob lagu caweeyo oo ku taalla bartamaha magaalada Nairobi ee dalka Kenya ayaa sababtay dhaawacyada 13-qof sida ay sheegeen booliiska Kenya. Waxaan weerarkan uu imaanayaa iyadoo Xarakada Al-shabaab ay ku dhaawaqday inay Kenya ka aargudanayso.

Goobjoogayaal ay warbaahinta Kenya soo xigatay ayaa sheegay in weerarku uu dhacay saqdii dhexe ee xalay, iyadoo ninkii bamka ku tuuray goobta uu si dhaqso leh uga baxday halkaas.

"Waxay ahayd bam-gacmeed. ma jiro cid ku dhimatay," ayuu yiri taliyaha booliiska bartamaha Nairobi Eric Mugambi oo la hadlay warbaahinta, isagoo sheegay in 13-qof oo ka mid ahaa 40 qof oo goobtaas ku sugnaa ay ku dhaawacmeen weerarka.

"Dhaawacyada dadka waxay u badan yihiin kuwo ka gaabay lugaha, gacmaha iyo wajiga, shan ka mid ahna dhaawacyo halis ah ayay qabaan," ayuu Mugambi hadalkiisa ku daray.

Xarakada Al-shabaab ayaa ku hanjabtay toddobaadkii hore inay weerarro aargudasho ah la beegsanayso dalka Kenya, taasoo ay sheegtay inay kaga jawaabayso ciidamada Kenya ee kasoo talllaabay soohdinta Koonfureed ee u dhexeysa Soomaaliya iyo Kenya.

"Qarax weyn ayaa dhacay, goobta uu dhanna mugdi ayay noqotay, waxaan arkay dad badan oo dhiig ka da'ayo, anigana waxaan ka dhaawacmay lugaha iyo gacmaha, waxaana goobta naga soo qaadday gaari kuwa gargaarka ah," ayuu yiri Jacob Musembi oo ka mid ahaa dadkii ku sugnaa goobtaas caweyska ah.

"Aad ayaan ugu baqay nafteyda, maxaa yeelay ma ogeyn cidda la beegsan doono qaraxa kaddib," ayuu hadalkiisa ku daray Musembi oo xilligaas yaallay mid ka mid ah sariiraha isbitaalka guud ee Kenyata isagoo si xun uga dhaawacan wajiga.

Dhaqaatiirta isbitaalka Kenyata ayaa sheegay inay daweeyeen 13-qof oo dhaawacyo kala duwan qabay, kuwaasoo qaarkood ay si xun u dhaawacnaayeen, iyadoo intooda badan ay qabeen dhaawacyo madaxa ah.

Inkastoo aysan weerarkan sheegan Xarakada Al-shabaab ayaa hadana wuxuu kusoo beegmay xili ay hanjabaad u dirtay Kenya, iyadoo dowladda Kenya ay ciidamadeeda u dirtay Soomaaliya si ay ula dagaalamaan Al-shabaab oo ay ku eedeeyeen inay falal ammaanka ka baxsan oo ay afduubyo ku jiraan ay ka geystay dalkooda.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/24/2011 2:59 PM EST
Isniin, October 24, 2011(HOL)-Magaalada Nairiobi ee caasimadda dalka Kenya ayaa waxaa goor dhaweyd ka dhacay labo qarax oo is-xigay, kuwaasi oo geystay khasaare dhimasho iyo dhaawac isugu jira.

10/24/2011 12:04 PM EST
Isniin, October 24, 2011 (HOL) - Madaxweynaha Soomaaliya Sheekh Shariif Sheikh Axmed ayaa cambaareeyey joogitaanka ciidmada Kenya ee Koonfurta dalka Soomaaliya.

10/24/2011 11:23 AM EST
Isniin, October 24, 2011Diyaarado nooca dagaal oo aan la aqoon cida rasmiga ah ee iska leh ayaa goordahawayd duqeymo ka geeystay qaar katirsan jaziiradaha ku yaal galbeedka gobolka J/hoose.

10/24/2011 10:07 AM EST
Wakiilo kakala socda qaar kamid ah maamul goboleedyada dhawaanahan looga dhawaaqayay bartamaha iyo koonfurta Soomaaliya oo isugu yimid magaalada Nairobi ayaa ka dhawaajiyay inay isku afgarteen midaynta maamulka ee deegaamada ay ku dhawaaqeen inay ka taliyaan, si loo helo hal maamul goboleed oo tayo leh.

10/24/2011 9:39 AM EST
Isniin, Oktoobar 24, 2011 (HOL) — Wasiir-ku-xigeenka wasaaradda caafimaadka DKMG ah ee Soomaaliya, Faysal Xuseen Daahir ayaa tababar soconaya muddo 30 maalmood ah maanta u furay illaa 30 umulisooyin ah oo ka kala yimid gobollada dalka Soomaaliya.

10/24/2011 9:23 AM EST
Taliyaha ciidamada booliska ee magaalada Nairobi Antony Kibuchi oo shir jaraa;id ku qabtay Nairobi ayaa ku tilmaamay qaraxii ka dhacay baar lagu caweeyo oo kuu yaalla Nairobi inuu ahaa mid ka dhashay bam-gacmeed.

10/24/2011 8:41 AM EST
Isniin, Oktoobar 24, 2011 (HOL) — Madaxweynaha Soomaaliya, Sheekh Shariif Sheekh Axmed ayaa maanta booqday furumaha dagaalka ee degmada Dayniile oo maalmahan ay ku dagaalamayeen ciidammada DKMG ah iyo kuwa AMISOM oo dhinac ah iyo xoogagga Xarakada Al-shabaab.

10/24/2011 8:37 AM EST
Isniin, Oktoobar 24, 2011 (HOL) — Booliiska dalka Kenya ayaa sheegay in qaraxii bambaano ee xalay ka dhacay baar lagu caweeyo oo ku yaalla bartamaha Kenya ay mas'uul ka tahay Xarakada Al-shabaab, iyagoo sheegay in weerarkan uu la xiriiro hanjabaaddii Al-shabaab.

10/24/2011 7:24 AM EST
Isniin, Oktoobar 24, 2011 (HOL) — Askari ka tirsan ciidanka DKMG ah ee Soomaaliya ayaa maanta toogasho ku dilay laba haween ah oo ka mid ahaa dad raashin loogu qaybinayay siliggii hore ee Mareykanka oo ka tisran degmada Wadajir, iyadoo ay ku dhaawacantay rasaastaas haweeney kale.

10/24/2011 7:15 AM EST
Isniin, Oktoobar 24, 2011 (HOL) — Maamulka Ahlu Sunna Waljameeca ee bartamaha Soomaaliya ayaa eedeyn kulul u jeediyay dowladda KMG, kadib markii sida uu maamulku sheegay dowladda Idhaha ka qabsatay wax u qabashada shacabka ku dhaqan gobollada bartamaha Soomaaliya.

10/24/2011 5:54 AM EST
Isniin, Oktoobar 24, 2011 (HOL) — Warsaaxafadeed ay Xarakada Al-shabaab soo saartay maanta oo Isniin ah ayaa waxay digniin ugu dirtay shacabka dalka Burundi oo ay kumannaan ciidammo ah ka joogaan Soomaaliya.

10/24/2011 4:48 AM EST
Isniin, Oktoobar 24, 2011 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay ku sheegay in dagaalladii 20-kii bishan ka dhacya degmada Kismaayo ay ku qabseen inay joojiyaan howlo caafimaad oo ay ka wadeen degmadaas.

10/24/2011 3:55 AM EST
Isniin, Oktoobar 24, 2011 (HOL) — Cabsi aad u xoogan ayaa lasoo darastay shacabka ku dhaqan magaalada Kismaayo, xilli ay diyaarado dagaal shalay duqeeyeen goobo katirsan magaalada Kismaayo ee xarunta gobolka J/hoose.

10/24/2011 3:46 AM EST
Isniin, Oktoobar 24, 2011 (HOL) — Xaflad balaadhan oo lagaga dhowaaqayey naadiga akhriska iyo Wax-qorista oo loogu magac-daray Alle ha naxariistee Abwaan Cabdi Iidaan Faarax (Iidaan Readers Club (IRC) ayaa xalay lagu qabtay magaalada Hargeysa.