1/29/2023
Today from Hiiraan Online:  _
Wararka Maanta- Isniin, Oct 24, 2011
Hay'adda MSF oo sheegtay in dagaalladii Dayniile ay hakad geliyeen olole Tallaal oo ay degmadaas kawadday

Isniin, Oktoobar 24, 2011 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay ku sheegay in dagaalladii 20-kii bishan ka dhacya degmada Kismaayo ay ku qabseen inay joojiyaan howlo caafimaad oo ay ka wadeen degmadaas.

MSF waxay sheegtay in degmadaas ay ka wadday howlo 35,000 oo caruur ah looga tallaalayay cudurka jadeecada, kaasoo loogu talogalay inuu socdo muddo saddex todobaad ah. Iyadoo qorshahan uu qayb ka ahaa qorshe cudurkan looga tallaalay 60,000 oo caruur Soomaaliyeed ah labadii bilood ee lasoo dhaafay.

"Cudurka jadeecadu waa midka ugu weyn ee dila caruurta Soomaaliyeed," ayuu yiri Duncan McLean oo ah madaxa howlaha MSF ee Soomaaliya. "Talaalka oo keliya ayaa lagu joojin karaa fiditaanka cudurkan."

Degmada Dayniile ayaa waxaa tan iyo Khamiistii lasoo dhaafay ka socday dagaallo culus oo u dhexeeya ciidamada DKMG ah oo garabsanaya kuwa AMISOM iyo xoogagga Xarakada Al-shabaab, waxaana dagaalladaas ay ku qasbeen dadkii ku noolaa degmada Dayniile inay ka barakacaan.

"Shantii maalmood ee ugu horreeyay ololaha tallaalka waxaa la tallaalay 4,831 cunug oo ay da'doodu u dhexeysay lix sano illaa 15-sano, kuwaasoo ku noolaa xaafadaha kala duwan ee degmada Dayniile," ayaa lagu yiri warsaxaafadeedka MSF. Iyadoo ay intaas ku dartay hay'addu in dagaalladii dhacay ay hakad geliyeen ololaha tallaalka.

"Ololaha tallaalka xilligan dib looma billaabi karo Dayniile, waayo xaaladdu ma ahan mid lagu shaqeyn karo," ayuu yiri madaxa MSF ee Somalia McLean. "Waxaan ku fikiraynaa in aan howshan ka billowno goobaha ay shacabkii ku noolaa degmadaas u barakaceen, waayo kumannaankii qof ee degmadaas ku noolaa dhammaantood way barakaceen."

Dhanka kale, hay'adda MSF waxay sheegtay in 83-qof oo ku dhaawacmay dagaalladii ka dhacay degmada Dayniile ay koox shaqaalahooda ka tirsan kuwa daweeyeen isbitaalka Dayniile, waxaana dhaawacyada oo dhammaantood shacab ahaa ay hay'addu sheegtay inay ku dhaawacmeen qaraxyo iyo rasaastii la is-dhaafsanayay ayna 41-qof oo ka mid ah isbitaalka seexiyeen, halka intii kale ay iska baxeen.

Hay'adda MSF ayaa waxay taageeraysay isbitaalka Dayniile tan iyo bishii Ogoosto ee sannadkii 2007. Iyadoo hay'addu ay sheegtay in 24-caruur ah ay maalintiiba ku quudin jirtay isbitaalka, iyadoo dagaalladu ay qaseen sii socoshada howshaas.

Ugu dambeyn, hay'adda MSF waxay warsaxaafadeedkeeda ku sheegtay inay sii wadayso howlihii isbitaalka Dayniile, ayna shaqaalaheedu u qaybinayaan dadka barakacay u qaybinayaan dawooyin iyo raashinka nafaqada lagu soo celiyo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/24/2011 2:59 PM EST
Isniin, October 24, 2011(HOL)-Magaalada Nairiobi ee caasimadda dalka Kenya ayaa waxaa goor dhaweyd ka dhacay labo qarax oo is-xigay, kuwaasi oo geystay khasaare dhimasho iyo dhaawac isugu jira.

10/24/2011 12:04 PM EST
Isniin, October 24, 2011 (HOL) - Madaxweynaha Soomaaliya Sheekh Shariif Sheikh Axmed ayaa cambaareeyey joogitaanka ciidmada Kenya ee Koonfurta dalka Soomaaliya.

10/24/2011 11:23 AM EST
Isniin, October 24, 2011Diyaarado nooca dagaal oo aan la aqoon cida rasmiga ah ee iska leh ayaa goordahawayd duqeymo ka geeystay qaar katirsan jaziiradaha ku yaal galbeedka gobolka J/hoose.

10/24/2011 10:07 AM EST
Wakiilo kakala socda qaar kamid ah maamul goboleedyada dhawaanahan looga dhawaaqayay bartamaha iyo koonfurta Soomaaliya oo isugu yimid magaalada Nairobi ayaa ka dhawaajiyay inay isku afgarteen midaynta maamulka ee deegaamada ay ku dhawaaqeen inay ka taliyaan, si loo helo hal maamul goboleed oo tayo leh.

10/24/2011 9:39 AM EST
Isniin, Oktoobar 24, 2011 (HOL) — Wasiir-ku-xigeenka wasaaradda caafimaadka DKMG ah ee Soomaaliya, Faysal Xuseen Daahir ayaa tababar soconaya muddo 30 maalmood ah maanta u furay illaa 30 umulisooyin ah oo ka kala yimid gobollada dalka Soomaaliya.

10/24/2011 9:23 AM EST
Taliyaha ciidamada booliska ee magaalada Nairobi Antony Kibuchi oo shir jaraa;id ku qabtay Nairobi ayaa ku tilmaamay qaraxii ka dhacay baar lagu caweeyo oo kuu yaalla Nairobi inuu ahaa mid ka dhashay bam-gacmeed.

10/24/2011 8:41 AM EST
Isniin, Oktoobar 24, 2011 (HOL) — Madaxweynaha Soomaaliya, Sheekh Shariif Sheekh Axmed ayaa maanta booqday furumaha dagaalka ee degmada Dayniile oo maalmahan ay ku dagaalamayeen ciidammada DKMG ah iyo kuwa AMISOM oo dhinac ah iyo xoogagga Xarakada Al-shabaab.

10/24/2011 8:37 AM EST
Isniin, Oktoobar 24, 2011 (HOL) — Booliiska dalka Kenya ayaa sheegay in qaraxii bambaano ee xalay ka dhacay baar lagu caweeyo oo ku yaalla bartamaha Kenya ay mas'uul ka tahay Xarakada Al-shabaab, iyagoo sheegay in weerarkan uu la xiriiro hanjabaaddii Al-shabaab.

10/24/2011 7:24 AM EST
Isniin, Oktoobar 24, 2011 (HOL) — Askari ka tirsan ciidanka DKMG ah ee Soomaaliya ayaa maanta toogasho ku dilay laba haween ah oo ka mid ahaa dad raashin loogu qaybinayay siliggii hore ee Mareykanka oo ka tisran degmada Wadajir, iyadoo ay ku dhaawacantay rasaastaas haweeney kale.

10/24/2011 7:15 AM EST
Isniin, Oktoobar 24, 2011 (HOL) — Maamulka Ahlu Sunna Waljameeca ee bartamaha Soomaaliya ayaa eedeyn kulul u jeediyay dowladda KMG, kadib markii sida uu maamulku sheegay dowladda Idhaha ka qabsatay wax u qabashada shacabka ku dhaqan gobollada bartamaha Soomaaliya.

10/24/2011 5:54 AM EST
Isniin, Oktoobar 24, 2011 (HOL) — Warsaaxafadeed ay Xarakada Al-shabaab soo saartay maanta oo Isniin ah ayaa waxay digniin ugu dirtay shacabka dalka Burundi oo ay kumannaan ciidammo ah ka joogaan Soomaaliya.

10/24/2011 4:53 AM EST
Isniin, Oktoobar 24, 2011 (HOL) — Weerar bam-gacmeed ah oo xalay lagu weeraray goob lagu caweeyo oo ku taalla bartamaha magaalada Nairobi ee dalka Kenya ayaa sababtay dhaawacyada 13-qof sida ay sheegeen booliiska Kenya. Waxaan weerarkan uu imaanayaa iyadoo Xarakada Al-shabaab ay ku dhaawaqday inay Kenya ka aargudanayso.

10/24/2011 3:55 AM EST
Isniin, Oktoobar 24, 2011 (HOL) — Cabsi aad u xoogan ayaa lasoo darastay shacabka ku dhaqan magaalada Kismaayo, xilli ay diyaarado dagaal shalay duqeeyeen goobo katirsan magaalada Kismaayo ee xarunta gobolka J/hoose.

10/24/2011 3:46 AM EST
Isniin, Oktoobar 24, 2011 (HOL) — Xaflad balaadhan oo lagaga dhowaaqayey naadiga akhriska iyo Wax-qorista oo loogu magac-daray Alle ha naxariistee Abwaan Cabdi Iidaan Faarax (Iidaan Readers Club (IRC) ayaa xalay lagu qabtay magaalada Hargeysa.