3/28/2024
Today from Hiiraan Online:  _
Wararka Maanta- Isniin, Oct 24, 2011
Faahfaahin dheeraad ah oo ku saabsan duqeyntii shalay loo geystay Kismaayo iyo cabsi ka jirta Magaalada

Isniin, Oktoobar 24, 2011 (HOL) — Cabsi aad u xoogan ayaa lasoo darastay shacabka ku dhaqan magaalada Kismaayo, xilli ay diyaarado dagaal shalay duqeeyeen goobo katirsan magaalada Kismaayo ee xarunta gobolka J/hoose.

Diyaarado nooca dagaal oo loo yaqaan Miiga, ayaa shalay duqeymo ka geeystay afaafka hore ee marsadda caalamiga ah ee magaalada Kismaayo, iyadoona la sheegay in duqeymahaasi aysan geysan wax qasaaro sidaa u weyn.

Guddoomiyaha gobollada Jubooyinka Sheekh Abuukar Cali Aadan ayaa warbaahinta u sheegay in diyaaradaha wax duqeeyay ay lahayd dowladda Kenya, isagoona sheegay in aysan jirin habayaraatee wax qasaaro ah oo ay geysteen duqeymihaasi.

Guddoomiyaha oo ka hadlay idaacadda afka shabaab ku hadasha ee Andalus, ayaa sheegay in Duqeynta ay diyaaraduha ka geysteen magaalada Kismaayo ay muujineyso wax uu ku tilmaamay tallaabo fuleynimo ah oo uu sheegay in ay Kenya ku dooneyso in ay ku xasuuqdo shacabka Soomaaliyeed.

Inkastoo Xarakada Alshabaab ay duqeymahaasi ku eedeysan dowladda Kenya, ayaa hadana waxa arintaasi beeniyay afhayeenka dhinaca millitariga dowladda Kenya Emmanuel Chirchir, kaa oo sheegay in dowladda Kenya aysan wax lug ah ku lahayn duqeyntii shalay ka dhacday magaalada Kismaayo, balse laga yaabo in ay geysteen wadamada isbaheysiga kula ah dagaallada ay kula jiraan Shabaab.

Mid kamid ah dadka degan xaafadda Mariina oo kamid ah goobaha ay duqeymaha ka dhaceen ee magaalada Kismaayo ayaa HOL u xaqiijiyay in gantaalladii ay tuurtay diyaaradiii duqeysay afaafka hore ee dakadda, ay ku dhaceen buuraha ku yaal meesha loo yaqaan indhobararka ee dakadda iriddeeda ah, waxaana uu sheegay in uusan arkin cid kale oo wax ku noqotay, marka laga reebo wiil yar oo uu sheegay in uu ari ku raacayay goobtaasi oo uu dhaawac kasoo gaaray duqeynta, kaasoo loola cararay isbitalka.

"Magaalada maanta aad ayaa loo hadal hayaa duqeyntii shalay, iyadoona dadka ay is weydiinayaan tallabada tan xigi doonta, waxaana jiro cabsi ballaaran oo shacabka soo foodsaartay," ayuu yiri mid kamid ah dadka deegaanka oo magaciisa qariyay.

Dadka ka agdhow goobaha ay daganyihiin ciidamada sida saldhigga, ayaa iyagu bilaabay in ay halkaasi isaga guureen, iyagoo ka baqaya in ay bartilmaameedsadaan diyaaradaha wax duqeeya.

Dhanka kale dhaqdhaqaaqyo ciidan oo aad u xoogan ayaa waxa laga dareemayaa nawaaxiga degmada Afmadow ee gobolka J/hoose, kadib markii ciidamada dowladda KMG, kuwa Raaskaambooni iyo militariga dalka Kenya oo ku hubeysan hubka noocyadiisa kala duwan iyo taangiyo dagaal ay soo dageen meel waxyar u jirta degmada Afmadow. Xoogaga Alshabaab ayaa halkaasi ka wada diyaargarow aad u xoogan, iyadoona degmada Afmadow ay soo buuxdhaafiyeen gurmadyo xarakada Alshabaab uga yimid gobollada ay maamulaan ee dalka Soomaaliya.

Saraakiisha dhanka ciidamada ee dowladda Kenya ayaa sheegay in ay weerar ku qaadayaan fariismaha ay Alshabaab ku leeyihiin degmada Afmadow oo iyadu ah magaalo muhiim u ah isu socodka gaadiidka isaga kala goosha gobollada Jubooyinka.

Xasan Nuur, Hiiraan Online
[email protected]
Kismaayo, Soomaaliya













Click here
10/24/2011 2:59 PM EST
Isniin, October 24, 2011(HOL)-Magaalada Nairiobi ee caasimadda dalka Kenya ayaa waxaa goor dhaweyd ka dhacay labo qarax oo is-xigay, kuwaasi oo geystay khasaare dhimasho iyo dhaawac isugu jira.

10/24/2011 12:04 PM EST
Isniin, October 24, 2011 (HOL) - Madaxweynaha Soomaaliya Sheekh Shariif Sheikh Axmed ayaa cambaareeyey joogitaanka ciidmada Kenya ee Koonfurta dalka Soomaaliya.

10/24/2011 11:23 AM EST
Isniin, October 24, 2011Diyaarado nooca dagaal oo aan la aqoon cida rasmiga ah ee iska leh ayaa goordahawayd duqeymo ka geeystay qaar katirsan jaziiradaha ku yaal galbeedka gobolka J/hoose.

10/24/2011 10:07 AM EST
Wakiilo kakala socda qaar kamid ah maamul goboleedyada dhawaanahan looga dhawaaqayay bartamaha iyo koonfurta Soomaaliya oo isugu yimid magaalada Nairobi ayaa ka dhawaajiyay inay isku afgarteen midaynta maamulka ee deegaamada ay ku dhawaaqeen inay ka taliyaan, si loo helo hal maamul goboleed oo tayo leh.

10/24/2011 9:39 AM EST
Isniin, Oktoobar 24, 2011 (HOL) — Wasiir-ku-xigeenka wasaaradda caafimaadka DKMG ah ee Soomaaliya, Faysal Xuseen Daahir ayaa tababar soconaya muddo 30 maalmood ah maanta u furay illaa 30 umulisooyin ah oo ka kala yimid gobollada dalka Soomaaliya.

10/24/2011 9:23 AM EST
Taliyaha ciidamada booliska ee magaalada Nairobi Antony Kibuchi oo shir jaraa;id ku qabtay Nairobi ayaa ku tilmaamay qaraxii ka dhacay baar lagu caweeyo oo kuu yaalla Nairobi inuu ahaa mid ka dhashay bam-gacmeed.

10/24/2011 8:41 AM EST
Isniin, Oktoobar 24, 2011 (HOL) — Madaxweynaha Soomaaliya, Sheekh Shariif Sheekh Axmed ayaa maanta booqday furumaha dagaalka ee degmada Dayniile oo maalmahan ay ku dagaalamayeen ciidammada DKMG ah iyo kuwa AMISOM oo dhinac ah iyo xoogagga Xarakada Al-shabaab.

10/24/2011 8:37 AM EST
Isniin, Oktoobar 24, 2011 (HOL) — Booliiska dalka Kenya ayaa sheegay in qaraxii bambaano ee xalay ka dhacay baar lagu caweeyo oo ku yaalla bartamaha Kenya ay mas'uul ka tahay Xarakada Al-shabaab, iyagoo sheegay in weerarkan uu la xiriiro hanjabaaddii Al-shabaab.

10/24/2011 7:24 AM EST
Isniin, Oktoobar 24, 2011 (HOL) — Askari ka tirsan ciidanka DKMG ah ee Soomaaliya ayaa maanta toogasho ku dilay laba haween ah oo ka mid ahaa dad raashin loogu qaybinayay siliggii hore ee Mareykanka oo ka tisran degmada Wadajir, iyadoo ay ku dhaawacantay rasaastaas haweeney kale.

10/24/2011 7:15 AM EST
Isniin, Oktoobar 24, 2011 (HOL) — Maamulka Ahlu Sunna Waljameeca ee bartamaha Soomaaliya ayaa eedeyn kulul u jeediyay dowladda KMG, kadib markii sida uu maamulku sheegay dowladda Idhaha ka qabsatay wax u qabashada shacabka ku dhaqan gobollada bartamaha Soomaaliya.

10/24/2011 5:54 AM EST
Isniin, Oktoobar 24, 2011 (HOL) — Warsaaxafadeed ay Xarakada Al-shabaab soo saartay maanta oo Isniin ah ayaa waxay digniin ugu dirtay shacabka dalka Burundi oo ay kumannaan ciidammo ah ka joogaan Soomaaliya.

10/24/2011 4:53 AM EST
Isniin, Oktoobar 24, 2011 (HOL) — Weerar bam-gacmeed ah oo xalay lagu weeraray goob lagu caweeyo oo ku taalla bartamaha magaalada Nairobi ee dalka Kenya ayaa sababtay dhaawacyada 13-qof sida ay sheegeen booliiska Kenya. Waxaan weerarkan uu imaanayaa iyadoo Xarakada Al-shabaab ay ku dhaawaqday inay Kenya ka aargudanayso.

10/24/2011 4:48 AM EST
Isniin, Oktoobar 24, 2011 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay ku sheegay in dagaalladii 20-kii bishan ka dhacya degmada Kismaayo ay ku qabseen inay joojiyaan howlo caafimaad oo ay ka wadeen degmadaas.

10/24/2011 3:46 AM EST
Isniin, Oktoobar 24, 2011 (HOL) — Xaflad balaadhan oo lagaga dhowaaqayey naadiga akhriska iyo Wax-qorista oo loogu magac-daray Alle ha naxariistee Abwaan Cabdi Iidaan Faarax (Iidaan Readers Club (IRC) ayaa xalay lagu qabtay magaalada Hargeysa.