Wararka Maanta: Talaado, Feb 22, 2011-C/qani Jeenyo oo loo magacaabay la-taliyaha Ra’iisal Wasaaraha Soomaaliya ee Arrimaha Dhalinyarada iyo Isboortiga

C/qani Jeenyo oo loo magacaabay la-taliyaha Ra’iisal Wasaaraha Soomaaliya ee Arrimaha Dhalinyarada iyo Isboortiga

C/qani C/llaahi Hilowle (C/Qani Jeenyo)

Talaado, February 22, 2011(HOL): Ra’iisul Wasaaraha Xukuumadda Federaalka Soomaaliya Maxamed C/llaahi Maxamed (Farmaajo) ayaa maanta xil la-taliyenimo u magacaabay C/qani C/llaahi Hilowle (C/Qani Jeenyo) oo ah Guddoomiyaha Dhalinta cusub ee Soomaaliyeed (Somali New Generation).

Ra’iisal Wasaaraha ayaa C/qani Jeenyo u magacaabay la-taliyaha Ra’iisal Wasaaraha ee Arrimaha Dhalinyarada iyo Isboortiga, waxaana lagu doortay sida ku xusan Dikreetada lagu magacaabay aqoon uu arrimahaas u leeyahay.

C/qani C/llaahi Hilowle (C/qani Jeenyo) oo ka mid ahaa Naadigii Kubadda Kolayga Jeenyo ayaa in muddo ah waxaa uu ku howlanaa Horumarinta Dhalinyarada iyo Isboortiga, wuxuuna dalka dibaddiisa ka aas-aasay Kooxo Isboorti, halka uu caawiyo Kooxo ka dhisan dalka Soomaaliya gudahiisa.

Dhanka kalena, C/qani Jeenyo ayaa Ra’iisal Wasaaraha Soomaaliya Maxamed C/llaahi Maxamed (Faarmaajo) uga mahadceliyay xilka uu u magacaabay, isagoo Allaah ka baryay in uu u fududeeyo xilka loo magacaabay.

Wareegtada lagu magacaabay ayaa u qorneyd sidan:

Hiiraan Online