11/13/2019
Today from Hiiraan Online:  _
Wararka Maanta- Talaado, Dec 27, 2011
Cabsida laga qabo in ay xirmaan xawaaladaha Soomaalida ee Gobolka Minnesota oo sii korortay



Talaado, December 27, 2011(HOL): Cabsida ah in ay xirmaan xawaaladaha Soomaalida ee gobolka Minnesota ayaa ah mid taagneyd mudooyinkii ugu dambeeyey, hasa ahaate waxaa ay cirka isku sii shareertay kadib markii bangigii horay ugu dhawaaqay in uu joojinayo adeegyada uu u sameeyo xawaaladaha uu sii adkeeyey go’aankiisi, waxaana warqad qoraal ah oo uu bangigaan jimcadii u soo diray xarumaha xawaaladaha uu ku sheegay in aysan wali waxba iska badalin go’aankiisi uu horay u gaaray, isla mar ahaantaasina uu si kama dambeys ah u xiri doono guud ahaan xisaabadkooda 30-ka bishaan December.

Garaad Khaliif, oo xubin ka ah gudi ay xawaaladuhu ku midaysan yihiin oo la hadlay Hiiraan online, ayaa ku tilmaamay go’aanka kama dambeysta ah ee bangigu qaatay in uu yahay mid laga xumaado, islamar ahaantaasina niyad jab ku ah dadaalkii iyo wada hadaladii la waday mudooyinkii ugu dambeeyey ee u dhexeeyey iyaga iyo bangiga.

"Runtii arintaan waa wax laga xumaado mana aanan filayn, hase ahaatee waa mid si guud iyo gaar ahaanneedba noo taabanaysa. Labadii istuuc ee la soo dhaafay waxaan wadnay dadaalo isdaba joog ah kuwaasi oo aan ku doonaynay in aan xal ku helno, laakiin illaa iyo hada waxba nooba suuroobin", ayuu yiri Garaad Khaliif.

Bangigaan, waxaa uu ahaa midka kaliya ee sadexdii sano ee la soo dhaafay ay isticmaalayeen xawaaladaha Soomaalida ee ka furan gobolka Minnesota, waxaana isagoo ka cabsi qaba in uu saameeyo sharciga Mareykanka ee maalgalinta argagixisada uu ku dhawaaqay horaantii bishaan in uu guud ahaan joojinayo adeegyada uu u sameeyo xawaaladaha Soomaalida, islamar ahaantaasina uu xirayo guud ahaan xisaabadkooda.

Tan iyo markii bangigu uu go’aankaasi qaatay ayaa waxaa qeybaha kala duwan ee Soomaalida ku dhaqan gobolka Minnesota, sida hor-joogeyaasha bulshada, madaxda xawaaladaha ee ay arintu saamaysay iyo waliba sharci yaqaanadu, ay bilaabeen dadaal iyo juhdi farabadan marxalada lagu xalilayo. Waxaana ay kulamo la qaateen qeybaha dowladda sida wasaaradda lacagta iyo madaxda laga soo doorto gobolka si ay uga dhaadhiciyaan saameynta ay arintani yeelankarto iyo sida loogu baahan yahay in wax looga qabto, hase ahaatee ma muuqato ilaa hada wax miro-dhal ah oo ka soo baxay kulamadaasi.

Xasan Warsame, oo dhinaca sharciga kala taliya xawaaladaha Soomaalida ayaa ku saleynaya xal u helid la’aanta dhibaatada, cabsi guud oo laga qabo Soomaaliya iyo halka ay tagayaan lacagaha wadanka Mareykanka ka baxaya ee ay xawaaladuhu gudbinayaan.

"Bangigi, ma oranayo xawaaladuhu sharciga wadanka ayey jabiyeen, dowladduna ma oranayso, ee waa cabsi guud oo laga qabo Soomaaliya, ha noqoto Al-Shabab ama burcad badeedda," ayuu yiri Xasan Warsame.

DHEGEYSO WAREYSIGA XASAN WARSAME
Waxaa Wareystay: Maxamed Faarax Talyaani

Haddii ay guud ahaan xirmaan Xawaaladaha ka furan wadanka Mareykanka waxaa ay saameyn ku yeelan doontaa kumanaan qoysas Soomaaliyeed oo ku dhaqan gudaha wadanka, kuwaasi oo ay noloshoodu ku tiirsaneyd dhaqaalaha yar ee ay u soo diri-jireen xubnaha qoyskooda ee dibada ku soo maqan.

Burhaan Rooble, oo ah Aabbe Soomaaliyeed oo xili ay HOL la Kulantay ku jiray mid ka mid ah xarumaha xawaaladaha, ayaa sheegey in sadex caruur ah oo uu dhalay iyo hooyadood oo uga soo tagay Soomaaliya uu haatan u sii xawilayo lacagtii uu diri lahaa bisha soo socota, si noloshooda ay ugu sii maareeyaan, isagoo ka cabsi qaba in ay xirmaan xawaaladaha oo ah dariiqa kaliya ee Burhaan uu wax ku gaarsiin jiray qoyskiisa.

"Aad iyo aad ayaan uga xumahay in ay xirmaan, waana ka naxay markii aan maqlay warkaasi. Lacagtaan waa tii aan diri lahaa bisha soo socota, maadaama anan garan karin sida xaalku noqon doono," ayuu yiri Xasan.

Qurba joogta Soomaalida ee dhaqan Mareykanka ayaa waxaa sanad waliba ay dib gudaha Soomaaliya ugu diraan ilaa 100 milyan oo doolarka Mareykanka ah, taasi ay ku caawinayaan dadkii ay ka soo tageen.Waxaana Xasan Warsame oo Dhinaca sharciga kala taliya xawaaladaha uu qabaa in haddii lacagtaasi ay bixi weydo dhibaatada hada ka jirta Soomaaliya ay ka sii dari karto.

"Haddii lacagaasi ay istaagaan waxaa laga yaabaa in ay sii kordhiso dhibaatada ka jirta Soomaaliya sida macaluusha,abaaraha iyo nabad galyo darida, waxaana danta guud ay ku jirtaa in lacagaasi ay baxaan oo ay gaaraan dadkii loogu talo galay," ayuu yiri Xasan Warsame.

Hay’adda Oxfam, ee ka shaqaysa dhinaca xaquuqda aadanaha oo dhawaan arintaan ka hadashay ayaa ku tilmaantay waqtigii ugu xumaa haddii ay istaagaan adeegyada xawaaladaha, maadaama wali dalka Soomaaliya ay jirto macaluul ba’an, qoysas badanna ay noloshoodu halis sii gali karto.
 
Maxamed Faarax (Talyaani)
Minneapolis, Minnesota










Click here
12/27/2011 12:34 PM EST
Talaado, December 27, 2011(HOL): Shil baabuur oo ah midkii uu waxyeellada badnaa ayaa wuxuu 6-dii maqribnimo ee waqtiga geeska Afrika ka dhacay magaalada Muqdisho, gaar ahaan Isgoyska Shaqaalaha ee Waddada Makka Al-Mukarrama, iyadoo shilkaasna uu geystay dhimashada dad ka badan 10 ruux iyo dhaawac ka badan 30 ruux oo kale.

12/27/2011 10:30 AM EST
Talaado, December 27, 2011(HOL): Munaasabada oo ka dhadcay Magaalada Phoenix Arizona ee Dalka Mareykanka oo ay ka qeybgaleen Mas'uuliyiin ka socotay Jaaliyadaha Gobalka iyo weliba mas'uuliyiin kale oo ka socotay Ururrada Bulshada Rayidka, Saxaafadda qeybaheeda kala duwan ayaa lagu cambareyaay dilalka gaadmada ah ee loo geysta Culuma'udiinka, Aqooyahannada, waxgaradka iyo Suxufiyiinta Soomaaliyeed.

12/27/2011 8:29 AM EST
Talaado, December 27, 2011 (HOL) − Ra'iisul wasaaraha Soomaaliya, Dr Cabdiweli Maxmed Cali iyo wafdi uu hoggaaminayo ayaa safar dhinaca dhulka ah ku tagay goor-dhaweyd magaalada Boosaaso ee xarunta gobolka Bari.

12/27/2011 8:17 AM EST
Talaado, December 27, 2011 (HOL) − Burcadbadeed Soomaaliyeed ayaa la sheegay inay afduub ku qabsadeen maanta oo Talaado ah markab kuwa shidaalka qaada ah oo laga leeyahay dalka Talyaaniga iyo 18-shaqaale ah oo la socda.

12/27/2011 8:16 AM EST
Talaado, December 27, 2011 (HOL) − Ugu yaraan saddex qof oo mid ka mid ah uu yahay sarkaal ka tirsan ciidamada miino-baarista ee Puntland ayaa ku dhintay qarax maanta ka dhacay bartamaha magaalada Boosaaso ee xarunta gobolka Bari.

12/27/2011 8:16 AM EST
Talaado, December 27, 2011 (HOL) − Markab saanad ciidan u wada ciidamada dalka Jabuuti ayaa labadii casho ee lasoo dhaafay ku xirnaa dekedda Muqdisho iyadoo laga dajiyay qalabkaas oo ay ku jiraan gaadiidka dagaalka iyo sahayda ciidamada.

12/27/2011 7:18 AM EST
Talaado, December 27, 2011 (HOL) − Dowladda Kenya ayaa sheegtay inay 200-dagaalayahan oo ka tirsan Al-shabaab ay ku dishay duqeyn dhinaca cirka ah oo ay habeenkii Axadda ay u geysteen degmada Badhaadhe iyo deegaanka Kulbiyoow ee gobolka Jubbada hoose.

12/27/2011 7:14 AM EST
Talaado, December 27, 2011 (HOL) − Xaaladda qoysaska dan-yarta ah ee ku nool xeryaha barakacayaasha Beledweyne oo markii horeba iska ahayd mid liidata ayaa hadda la oran karaa waxaa dhibaatadii ugu darnayd ay soo food-saartay caruurta da’doodu ka yar tahay yar tahay shan sano ee ku nool xeryahaas.

12/27/2011 6:50 AM EST
Talaado, December 27, 2011 (HOL) − Qaxooti Itoobiyaan ah oo dhawaan ay xabsi u taxaabtay wasaaradda arrimaha guduhu Somaliland ayaa sheegay inay cuntadii ka soomeen kaddib markii ay sheegeen in cadaalad-darro lagu xidhay.

12/27/2011 6:46 AM EST
Talaado, December 27, 2011 (HOL) − Tirada haweenka barakacayaasha ah ee ku jira xeryaha Muqdisho oo sare u kacday, sida ay sheegeen ururrada bulshada rayidka Soomaaliyeed, iyagoo xusay haweenka barakacayaasha ah ay cabsidu ku korortay.

12/27/2011 6:44 AM EST
Talaado, December 27, 2011 (HOL) − Urur Siyaasadeed Cusub oo loogu magac-daray Damal oo maanta looga dhawaaqay hotel Maansoor ee magaaladda Hargeysa. Ku dhawaaqista ururkan cusub ayaa waxa ka soo qaybgalay boqolaal ka mid ah dhalinyarada, haweenka iyo Odayaal, kuwaas oo soo dhoweeyey ururkan cusub.

12/27/2011 5:40 AM EST
Talaado, December 27, 2011 (HOL) − Dagaal xooggan oo la isku adeegsaday hubka noocyadiisa kala duwan ayaa waxaa uu xalay, ilaa shalay galab uu ka soconayay deegaanka Jazriidda Buurgaabo ee koonfurta gobbolka Jubada hoose kaasoo u dhaxeeyay ciidamada dowladda Soomaaliya iyo Kenya ee isgarabsanaya iyo Alshabab.

12/27/2011 2:27 AM EST
Talaado, December 27, 2011 (HOL) − Madaxweynaha Soomaaliya, Sheekh Shariif Sheekh Axmed ayaa dadaal ugu jira sidii uu u dhexdhexaadin lahaa xildhibaannada baarlamaanka oo uu u dhexeeyo khilaaf ka dhashay xil ka qaadis lagu sameeyay guddoomiyaha abarlamaanka Shariif Xasan.

12/27/2011 2:19 AM EST
Talaado, December 27, 2011 (HOL) − Laba qof ayaa u geeriyooday, toddoba kalana waa ku dhaawacmayn ka dib markii Gaadhi weyn uu maanta duhurkii galay maqaaxi laga buuxay oo ku taallay xaafadda Qudhac dheer ee magaaladda Hargeysa.