11/21/2019
Today from Hiiraan Online:  _
Wararka Maanta- Talaado, Dec 27, 2011
Ururrada Bulshada Rayidka Soomaaliya oo sheegay inay kordheen kufsiga loo geystay haweenka Barakacayaasha ah


Talaado, December 27, 2011 (HOL) − Tirada haweenka barakacayaasha ah ee ku jira xeryaha Muqdisho oo sare u kacday, sida ay sheegeen ururrada bulshada rayidka Soomaaliyeed, iyagoo xusay haweenka barakacayaasha ah ay cabsidu ku korortay.

Barakacayaal badan oo uga soo cararay deegaannadii ay ku noolaayeen oo ku yaalla bartamaha iyo koonfurta Soomaaliya abaaro iyo colaado ku habsaday iyagoo u yimid Muqdisho si ay u helaan cunno iyo nabadgalyo.

"Waxaan magaaladan ka jira dhibaato kufsi, waana middii ugu badnayd ee aan abid aragno," ayay tiri Mama Xaawo Xaaji oo ka mid ah urur u dhaqdhaqaaqa haweenka. "Tusaale ahaan, labadii maalmood ee lasoo dhaafay oo keliya waxaan isbitaallada geynay 32 haween ah oo la kufsaday; sidoo kale afartii bilood ee lasoo dhaafay waxaan diiwaangellinay 80-kiis oo kufsi ah."

Mama Xaawo waxay sheegtay in tirada ay sare u sii soconayso, waxayna intaas ku dartay inay jiraan haween badan oo qarsada kufsiga loo geystay, iyagoo ka baqdin qaba in kuwii kufsaday ay mar kale dhibaatooyin u geystaan.

"Inta badan kufsiga waxaa geysta ciidamada dowladda KMG ah ee loogu talogalay inay ilaaliyaan haweenka ku jira xeryaha; tanina waa mid cabsida haweenka ku jira xeryahaas kordhinaysa," ayay Mama Xaawo hadalkeeda ku dartay.

Mama Xaaji waxay hadalkeeda ku dartay in dadka ku jira kaamamka aysan haysan ilaalo lagu kalsoonaan karo, ayna haweenku qarka u saaran yihiin in la kufsado.

Sidoo kale, Maxamed Mooge oo ah dhaqdhaqaaqe dhinaca xuquuqda aadanah ah ayaa sheegay in xukuumadda KMG ah ee Soomaaliya aysan koontaroolin askarteeda.

"Dowladdu awood uma lahan xitaa inay koontaroosho xoogaggeeda. Taasi waxay keentay in la boobo raashinka gargaarka ah, dhibaataduna ma ahan oo keliya kufsi loo geysto haweenka," ayuu Mooge u sheegay IRIN.

Mid ka mid ah mas'uuliyiinta ururrada bulshada rayidka ah oo codsaday inaan la sheegin magaciisa ayaa us heegay wakaaladda wararka Qaramada Midoobay ee IRIN in xerada Badbaado oo ah midda ugu weyn ee Muqdisho ku taalla oo ay maamusho DKMG ah uu ku dhintay cunug yar kaddib markii ay ku istaagtay haweeney ka cararaysay in la kufsado.

Guddoomiyaha hay'adda maareynta musiibooyinka Qaranka, C/llaahi Maxamed Shirwac ayaa sheegay inay u gudbiyeen xukuumadda qorshe ku saabsan sidii lagu difaaci lahaa barakacayaasha ku jira kaamamka Muqdisho.

"Waxaan xukuumadda kula talinay in la sameeyo koox gaar ah oo ilaalisa kaamamka; sidoo kale waxaan ku talinay in qof walba oo ka mid ah ciidamada amaanka ama aan ahayn oo kufsi geysta in la xiro si dhaqso ahna loo xukumo," ayuu yiri Shirwac.

Mudane Shirwac wuxuu sheegay in hay'adoodu ay sugayso jawaabta ay golaha wasiirrada DKMG ah ka bixiyaan qorshooda ku aaddan difaacidda barakacyaasha. "Waxaan rajeynaynaa inay sida ugu dhaqsiyaha badan uga soo baxdo jawaab wax ku ool ah."

Ugu dambeyn, Maama Xaawo Xaaji ayaa sheegtay inay ugu baaqayso ragga Soomaaliyeed inay ogaadaan in hooyooyinkood ay yihiin hween, gabdhahoodu ay yihiin haween, walaalahood iyo xaasaskooduna ay yihiin haween sidaas darteedna ay joojiyaan kufsiga ay haweenka u geysanayaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
12/27/2011 12:34 PM EST
Talaado, December 27, 2011(HOL): Shil baabuur oo ah midkii uu waxyeellada badnaa ayaa wuxuu 6-dii maqribnimo ee waqtiga geeska Afrika ka dhacay magaalada Muqdisho, gaar ahaan Isgoyska Shaqaalaha ee Waddada Makka Al-Mukarrama, iyadoo shilkaasna uu geystay dhimashada dad ka badan 10 ruux iyo dhaawac ka badan 30 ruux oo kale.

12/27/2011 10:30 AM EST
Talaado, December 27, 2011(HOL): Munaasabada oo ka dhadcay Magaalada Phoenix Arizona ee Dalka Mareykanka oo ay ka qeybgaleen Mas'uuliyiin ka socotay Jaaliyadaha Gobalka iyo weliba mas'uuliyiin kale oo ka socotay Ururrada Bulshada Rayidka, Saxaafadda qeybaheeda kala duwan ayaa lagu cambareyaay dilalka gaadmada ah ee loo geysta Culuma'udiinka, Aqooyahannada, waxgaradka iyo Suxufiyiinta Soomaaliyeed.

12/27/2011 9:38 AM EST
Talaado, December 27, 2011(HOL): Cabsida ah in ay xirmaan xawaaladaha Soomaalida ee gobolka Minnesota ayaa ah mid taagneyd mudooyinkii ugu dambeeyey, hasa ahaate waxaa ay cirka isku sii shareertay kadib markii bangigii horay ugu dhawaaqay in uu joojinayo adeegyada uu u sameeyo xawaaladaha uu sii adkeeyey go’aankiisi, waxaana warqad qoraal ah oo uu bangigaan jimcadii u soo diray xarumaha xawaaladaha uu ku sheegay in aysan wali waxba iska badalin go’aankiisi uu horay u gaaray, isla mar ahaantaasina uu si kama dambeys ah u xiri doono guud ahaan xisaabadkooda 30-ka bishaan December.

12/27/2011 8:29 AM EST
Talaado, December 27, 2011 (HOL) − Ra'iisul wasaaraha Soomaaliya, Dr Cabdiweli Maxmed Cali iyo wafdi uu hoggaaminayo ayaa safar dhinaca dhulka ah ku tagay goor-dhaweyd magaalada Boosaaso ee xarunta gobolka Bari.

12/27/2011 8:17 AM EST
Talaado, December 27, 2011 (HOL) − Burcadbadeed Soomaaliyeed ayaa la sheegay inay afduub ku qabsadeen maanta oo Talaado ah markab kuwa shidaalka qaada ah oo laga leeyahay dalka Talyaaniga iyo 18-shaqaale ah oo la socda.

12/27/2011 8:16 AM EST
Talaado, December 27, 2011 (HOL) − Ugu yaraan saddex qof oo mid ka mid ah uu yahay sarkaal ka tirsan ciidamada miino-baarista ee Puntland ayaa ku dhintay qarax maanta ka dhacay bartamaha magaalada Boosaaso ee xarunta gobolka Bari.

12/27/2011 8:16 AM EST
Talaado, December 27, 2011 (HOL) − Markab saanad ciidan u wada ciidamada dalka Jabuuti ayaa labadii casho ee lasoo dhaafay ku xirnaa dekedda Muqdisho iyadoo laga dajiyay qalabkaas oo ay ku jiraan gaadiidka dagaalka iyo sahayda ciidamada.

12/27/2011 7:18 AM EST
Talaado, December 27, 2011 (HOL) − Dowladda Kenya ayaa sheegtay inay 200-dagaalayahan oo ka tirsan Al-shabaab ay ku dishay duqeyn dhinaca cirka ah oo ay habeenkii Axadda ay u geysteen degmada Badhaadhe iyo deegaanka Kulbiyoow ee gobolka Jubbada hoose.

12/27/2011 7:14 AM EST
Talaado, December 27, 2011 (HOL) − Xaaladda qoysaska dan-yarta ah ee ku nool xeryaha barakacayaasha Beledweyne oo markii horeba iska ahayd mid liidata ayaa hadda la oran karaa waxaa dhibaatadii ugu darnayd ay soo food-saartay caruurta da’doodu ka yar tahay yar tahay shan sano ee ku nool xeryahaas.

12/27/2011 6:50 AM EST
Talaado, December 27, 2011 (HOL) − Qaxooti Itoobiyaan ah oo dhawaan ay xabsi u taxaabtay wasaaradda arrimaha guduhu Somaliland ayaa sheegay inay cuntadii ka soomeen kaddib markii ay sheegeen in cadaalad-darro lagu xidhay.

12/27/2011 6:44 AM EST
Talaado, December 27, 2011 (HOL) − Urur Siyaasadeed Cusub oo loogu magac-daray Damal oo maanta looga dhawaaqay hotel Maansoor ee magaaladda Hargeysa. Ku dhawaaqista ururkan cusub ayaa waxa ka soo qaybgalay boqolaal ka mid ah dhalinyarada, haweenka iyo Odayaal, kuwaas oo soo dhoweeyey ururkan cusub.

12/27/2011 5:40 AM EST
Talaado, December 27, 2011 (HOL) − Dagaal xooggan oo la isku adeegsaday hubka noocyadiisa kala duwan ayaa waxaa uu xalay, ilaa shalay galab uu ka soconayay deegaanka Jazriidda Buurgaabo ee koonfurta gobbolka Jubada hoose kaasoo u dhaxeeyay ciidamada dowladda Soomaaliya iyo Kenya ee isgarabsanaya iyo Alshabab.

12/27/2011 2:27 AM EST
Talaado, December 27, 2011 (HOL) − Madaxweynaha Soomaaliya, Sheekh Shariif Sheekh Axmed ayaa dadaal ugu jira sidii uu u dhexdhexaadin lahaa xildhibaannada baarlamaanka oo uu u dhexeeyo khilaaf ka dhashay xil ka qaadis lagu sameeyay guddoomiyaha abarlamaanka Shariif Xasan.

12/27/2011 2:19 AM EST
Talaado, December 27, 2011 (HOL) − Laba qof ayaa u geeriyooday, toddoba kalana waa ku dhaawacmayn ka dib markii Gaadhi weyn uu maanta duhurkii galay maqaaxi laga buuxay oo ku taallay xaafadda Qudhac dheer ee magaaladda Hargeysa.