12/15/2018
Today from Hiiraan Online:  _
Wararka Maanta- Talaado, Dec 27, 2011
Shir looga soo horjeeday dilal qorsheysan ee loo geysto waxgaradka Soomaaliyeed oo lagu qabtay Gobolka Arizona (SAWIRRO)



Talaado, December 27, 2011(HOL): Munaasabada oo ka dhadcay Magaalada Phoenix Arizona ee Dalka Mareykanka oo ay ka qeybgaleen Mas'uuliyiin ka socotay Jaaliyadaha Gobalka  iyo weliba mas'uuliyiin kale oo ka socotay Ururrada Bulshada Rayidka,  Saxaafadda qeybaheeda kala duwan ayaa lagu cambareyaay dilalka gaadmada ah ee loo geysta Culuma'udiinka, Aqooyahannada, waxgaradka iyo Suxufiyiinta Soomaaliyeed.

Mas'uuliyiintii munaasabaddaas ka hadlay waxay dhamaantood cambareyeen Dilalka Foosha xun ee loo geysto dadka aan waxba galabsan ee ku noool deganada Gobalada Puntland iyo Koonfurta Soomaaliyaba .

Dhanka kale waxaa baaq wadajir ah loo jediyaay Maamullada Soomaalida sida Puntland, Somaliland, Ahlusunna Waljamaaca, Galmudug iyo Dowladda Soomaaliya sidii ay uga hortegi lahayeen dilalka nocaas ah ee lagu gumaadayo dadka waxgalka ah.
 

Waxaa Munasabadda ka hadlay Prof. Maxamed Cali Abukar Wasiirkii Beeraha ee Dolwadii Maxamed Siyad Bare ahne Gudoomiyaha Jaaliyadda Soomaalida ee Gobalka Arizona, wuxuuna xusay in ay tahay wax laga xumaado dilalka iyo  dagaallada intaba ka socda gudaha Soomaaliya isagoo sidoo kale taabtay in ay muhiim tahay ammaanka in la adkeeyo deegannada Maamullada ay ka jiraan si aay dadka ku nool u helaan Nabad waarta.

Sidoo kale waxaa hadal kooban ka jeediyaay Oday dhaqameed Jaamac Ciise, wuxuuna sheegay in uu ka xun yahay wixii ka dhacay Soomaaliya oo dhan gaar ahaan dadka ay abaaruhu ku habsadeen  walina lagu sii kor dagaallamayo iyo in la helo Dowlad ka shaqeysa baaritaanka dilaalka qorsheysan ee loo geysto dadka aan wax galabsan.

Ugu dambeyntiina waxaa xafladda ka hadlay Dr. Maxamed Jaamac oo sheegay in uu qaabkani oo kale uu yahay mid mudan ku dayasho mudan oo dhamaanna looga baahan yahay Jaaliyadaha Soomaalida ee ku nool Wadanka Mareykan si looga soo horjeesta dhibaatooyinka is-daba joogga ah ee malin walba ka dhacaya Gudaha Soomaaliya, lana gargaaro dadka ay abaaruhu aafeeyeen,  waxaana kulankan intii uu socday heeso nabadda iyo wadaniyadda ka hadlayay ka qaaday goobta Fannaanka Najiib Faarax Saciid.













Cabdiraxman D. Nur Hiiraan Online
[email protected]
Phoenix, Arizona, USA







Click here
12/27/2011 12:34 PM EST
Talaado, December 27, 2011(HOL): Shil baabuur oo ah midkii uu waxyeellada badnaa ayaa wuxuu 6-dii maqribnimo ee waqtiga geeska Afrika ka dhacay magaalada Muqdisho, gaar ahaan Isgoyska Shaqaalaha ee Waddada Makka Al-Mukarrama, iyadoo shilkaasna uu geystay dhimashada dad ka badan 10 ruux iyo dhaawac ka badan 30 ruux oo kale.

12/27/2011 9:38 AM EST
Talaado, December 27, 2011(HOL): Cabsida ah in ay xirmaan xawaaladaha Soomaalida ee gobolka Minnesota ayaa ah mid taagneyd mudooyinkii ugu dambeeyey, hasa ahaate waxaa ay cirka isku sii shareertay kadib markii bangigii horay ugu dhawaaqay in uu joojinayo adeegyada uu u sameeyo xawaaladaha uu sii adkeeyey go’aankiisi, waxaana warqad qoraal ah oo uu bangigaan jimcadii u soo diray xarumaha xawaaladaha uu ku sheegay in aysan wali waxba iska badalin go’aankiisi uu horay u gaaray, isla mar ahaantaasina uu si kama dambeys ah u xiri doono guud ahaan xisaabadkooda 30-ka bishaan December.

12/27/2011 8:29 AM EST
Talaado, December 27, 2011 (HOL) − Ra'iisul wasaaraha Soomaaliya, Dr Cabdiweli Maxmed Cali iyo wafdi uu hoggaaminayo ayaa safar dhinaca dhulka ah ku tagay goor-dhaweyd magaalada Boosaaso ee xarunta gobolka Bari.

12/27/2011 8:17 AM EST
Talaado, December 27, 2011 (HOL) − Burcadbadeed Soomaaliyeed ayaa la sheegay inay afduub ku qabsadeen maanta oo Talaado ah markab kuwa shidaalka qaada ah oo laga leeyahay dalka Talyaaniga iyo 18-shaqaale ah oo la socda.

12/27/2011 8:16 AM EST
Talaado, December 27, 2011 (HOL) − Ugu yaraan saddex qof oo mid ka mid ah uu yahay sarkaal ka tirsan ciidamada miino-baarista ee Puntland ayaa ku dhintay qarax maanta ka dhacay bartamaha magaalada Boosaaso ee xarunta gobolka Bari.

12/27/2011 8:16 AM EST
Talaado, December 27, 2011 (HOL) − Markab saanad ciidan u wada ciidamada dalka Jabuuti ayaa labadii casho ee lasoo dhaafay ku xirnaa dekedda Muqdisho iyadoo laga dajiyay qalabkaas oo ay ku jiraan gaadiidka dagaalka iyo sahayda ciidamada.

12/27/2011 7:18 AM EST
Talaado, December 27, 2011 (HOL) − Dowladda Kenya ayaa sheegtay inay 200-dagaalayahan oo ka tirsan Al-shabaab ay ku dishay duqeyn dhinaca cirka ah oo ay habeenkii Axadda ay u geysteen degmada Badhaadhe iyo deegaanka Kulbiyoow ee gobolka Jubbada hoose.

12/27/2011 7:14 AM EST
Talaado, December 27, 2011 (HOL) − Xaaladda qoysaska dan-yarta ah ee ku nool xeryaha barakacayaasha Beledweyne oo markii horeba iska ahayd mid liidata ayaa hadda la oran karaa waxaa dhibaatadii ugu darnayd ay soo food-saartay caruurta da’doodu ka yar tahay yar tahay shan sano ee ku nool xeryahaas.

12/27/2011 6:50 AM EST
Talaado, December 27, 2011 (HOL) − Qaxooti Itoobiyaan ah oo dhawaan ay xabsi u taxaabtay wasaaradda arrimaha guduhu Somaliland ayaa sheegay inay cuntadii ka soomeen kaddib markii ay sheegeen in cadaalad-darro lagu xidhay.

12/27/2011 6:46 AM EST
Talaado, December 27, 2011 (HOL) − Tirada haweenka barakacayaasha ah ee ku jira xeryaha Muqdisho oo sare u kacday, sida ay sheegeen ururrada bulshada rayidka Soomaaliyeed, iyagoo xusay haweenka barakacayaasha ah ay cabsidu ku korortay.

12/27/2011 6:44 AM EST
Talaado, December 27, 2011 (HOL) − Urur Siyaasadeed Cusub oo loogu magac-daray Damal oo maanta looga dhawaaqay hotel Maansoor ee magaaladda Hargeysa. Ku dhawaaqista ururkan cusub ayaa waxa ka soo qaybgalay boqolaal ka mid ah dhalinyarada, haweenka iyo Odayaal, kuwaas oo soo dhoweeyey ururkan cusub.

12/27/2011 5:40 AM EST
Talaado, December 27, 2011 (HOL) − Dagaal xooggan oo la isku adeegsaday hubka noocyadiisa kala duwan ayaa waxaa uu xalay, ilaa shalay galab uu ka soconayay deegaanka Jazriidda Buurgaabo ee koonfurta gobbolka Jubada hoose kaasoo u dhaxeeyay ciidamada dowladda Soomaaliya iyo Kenya ee isgarabsanaya iyo Alshabab.

12/27/2011 2:27 AM EST
Talaado, December 27, 2011 (HOL) − Madaxweynaha Soomaaliya, Sheekh Shariif Sheekh Axmed ayaa dadaal ugu jira sidii uu u dhexdhexaadin lahaa xildhibaannada baarlamaanka oo uu u dhexeeyo khilaaf ka dhashay xil ka qaadis lagu sameeyay guddoomiyaha abarlamaanka Shariif Xasan.

12/27/2011 2:19 AM EST
Talaado, December 27, 2011 (HOL) − Laba qof ayaa u geeriyooday, toddoba kalana waa ku dhaawacmayn ka dib markii Gaadhi weyn uu maanta duhurkii galay maqaaxi laga buuxay oo ku taallay xaafadda Qudhac dheer ee magaaladda Hargeysa.