12/14/2019
Today from Hiiraan Online:  _
Wararka Maanta- Arbaco, Mar 3 , 2010
Qaar ka mid ah Siyaasiinta Puntland oo ka soo horjeestay isku shaan-deyn uu Madaxweyne Faroole ku sameeyay Golahiisa Wasiirrada


Arbaco , March 03, 2010(HOL): Madaxwaynaha DGPL Dr C/raxmaan Maxamed Maxamuud Faroole ayaa si gaar ah ula dar daarmay Wasiirro ku Cusub Xukuumada oo uu dhawaan soo magacaabay ,ka dib kulan ka dhacay Madaxtooyada Garowe.

Madaxwaynaha oo khudbad u jeediyay Xubnaha cusub ayaa la sheegay in uu ku boorriyay Isbadal Maamulkiisa ah ,iyadoo Wali uu taagan yahay Muran ku aadan isku shaandaynta uu Madaxwaynaha Sameeyay.

Warar hoose oo laga helay ilo ku dhow dhow Madaxtooyada Garowe ayaa lagu sheegay in qaar ka mid ah Wasiirada la casilay ay ka biyo diideen xil ka qaadistii lagu sameeyay ,Waxaana arintaa laga dareemay Caasimada Puntland ee Garowe.

Dhawaan Wareegto uu soo saaray Madaxwaynaha Waxaa uu ku casilay Wasiiro ka tirsanaa Maamulkiisa ,isagoo soo magacaabay Wasiirro Cusub oo aan horay loogu arkin jirin Saaxada Siyaasada,waxaana arintaa ay sababtay jawi cusub oo uu galo Maamulka.

Madaxwaynaha Puntland oo la hadlay warbaahinta ayaa soo hadal qaaday maqnaanshaha Qaar ka mid ah Golihiisa Wasiirada ,wuxuuna wasiirada u sheegey in looga baahan yahay wasiir kasta in uu Xafiiskiisa joogo hadii aysan jirin xaalad deg deg ah oo ku kalifaysa inuu aado gobolo kale ama Dalka Dibadiisa,wuxuuna si gaar ah u soo hadal qaaday Wasiirada Boosaaso jooga oo uu u sheegey in aanan taasi loo dul qaadan doonin.

Maamulka Puntland ayaaa iminka laga dareemayaa isbadal cusub oo dhanka Shaqada ah ,waana talaabadii ugu horaysay oo uu qaado Madaxwaynaha tan iyo intii loo Magacaabay Xilkan.

Ugu dambayntii Madaxwaynaha Puntland Dr Faroolle ayaa rajo wanaagsan ka muujiyay shaqada ay hayaan Golihiisa Wasiirada ,iyadoon la ogayn halka ay sal dhigan doonto Cabashada ay muujiyeen qaar ka mid ah Xubnihii laga casilay Maamulka.
 
Faisel Maxamed Hassan (Boston), Hiiraan Online
[email protected]
Boosaaso, Soomaaliya










Click here
3/3/2010 7:52 AM EST
Arbaco, Mar 03, 2010 (HOL) Shacabka Magaalada Muqdisho ku nool ayaa siyaabo kala duwan uga hadlay amarkii ay Xarrakatul Shaababul Mujaahidiin kaga mamnuucday hay'adda WFP inay ka shaqeyso deegaannada ay gacanta ku hayaan oo ay ku sugan yihiin dad badan oo ku tiirsan gargaarrada caalamiga ah.

3/3/2010 7:51 AM EST
Arbaco, Mar 03, 2010 (HOL) Ra'iisul wasaare ku xigeenka Soomaaliya ahna wasiirka Tamarta iyo Shiddaalka C/waaxid Cilmi Cumar (Goon-jeex) oo maanta shir jaraa'id ku qabtay Muqdisho ayaa sheegay in maamul goboleedyada dalka ka jira aysan wax heshiisyo ah la geli karin shirkadaha shidaalka qoda.

3/3/2010 7:51 AM EST
Arbaco, Mar 03, 2010 (HOL) Burcadbadeed Soomaali ah ayaa afduub ku qabsaday Isniintii Markab nooca shidaalka qaada ah oo laga leeyahay dalka Saudi Arabia iyo 14-shaqaale ah oo la socday, kaasoo aan wadin wax xamuul ah.

3/3/2010 5:00 AM EST
Arbaco, Mar 03, 2010 (HOL) Madaxweynaha Soomaaliya Sheekh Shariif Sheekh Axmed ayaa lagu wadaa inuu booqasho rasmi ah ku tago dalka Mareykanka marka la gaaro todobaadka soo socda.

3/3/2010 4:59 AM EST
Arbaco, Mar 03, 2010 (HOL) Waxaa sii kordhaya tirada dadkii ku dhintay dagaallo xooggan oo ilaa xalay fiidkii ka socday Magaalada Muqdisho, kuwaasoo u dhexeeyay ciidamada Dowladda Soomaaliya oo kaashanaya kuwa AMISOM iyo xoogagga kasoo horjeeda.

3/3/2010 4:58 AM EST
Arbaco, Mar 03, 2010 (HOL) Maxkamad ku taalla dalka Mareykanka ayaa lagu wadaa inay maanta dhageysato dacwad ka dhan Madaxweyne ku xigeenkii hore ee Soomaaliya Gen. Maxamed Cali Samatar oo dalkaas ku noolaa wixii ka dambeeyay burburka.

3/3/2010 4:58 AM EST
Arbaco, Mar 03, 2010 (HOL) Wasiirka wafaafinta Soomaaliya Sheekh Daahir Max'ud Geelle oo ku sugan dalka Mareykanka ayaa kulammo la qaatay Jaaliyadda ku nool Gobolka Minnesota ee dalkaas, wuxuuna ka hadlay xaaladda uu dalku marayo.

3/3/2010 4:57 AM EST
Talaado, Feb, 3, 2010 (HOL) Maamulka Culma'udiinka Ahlu Sunna Waljameeca ee gacanta ku haya Goballka Galgaduud ayaa markii ugu horeesay waxaa amar ku siiyeen Suxufiyiinta ka howl-gasha Goballka in ay isa soo diiwaan galiyaan.