Madaxweynaha Soomaaliya oo sheegay in uu xukun deg deg ah galay Dalka Soomaaliya

Isniin, June 22, 2009(HOL): Madaxweynaha Dowladda Soomaaliya Shiikh Shariif Shiikh Axmed oo shir jaraa’id ku qabtay magaalada Muqdisho ayaa wuxuu shaaca ka qaaday in maanta laga bilaabo uu dalka Soomaaliya gelayo xukun deg deg ah.
 
Madaxweynaha ayaa sheegay in ay Dowladda tallaabadan qaadatay kaddib markii ay la soo gudbonaatay xaalad khatar ah, wuxuuna intaas ku daray in uu Baarlamaanka Soomaaliya ka rajeynayo in uu meel marin doono xukunkaas deg degta ah.
 
Maalmo ka hor ayay ahayd markii Golaha Wasiirrada Soomaaliya uu soo saaray go’aan ku saabsan in uu dalka Soomaaliya gelayo xukun deg deg ah, kaasi oo ka bilaabanaya marka uu Madaxweynaha shaaciyo.
 
Madaxweyne Shiikh Shariif oo intii uu shirka jaraa’id ka hadlayay la weydiiyay nooca ay yihiin Ciidamada ay dalbatay Dowladda Soomaaliya ayaa wuxuu sheegay in ay Ciidamadaas yihiin kuwo dowladda difaacaya, isla markaana aan wax dhibaato ah u geysaneynin shacabka Soomaaliyeed.
 
“Codsiga aan jeedinay wuxuu ku socday IGAD, Midowga Afrika, Jaamacadda Carabka, Ururka Islaamka, Midowga Yurub, Mareykanka iyo Qaramada Midoobay, wuxuuna ku saabsan yahay in laga difaaco Dowladda Soomaaliya khatar ku soo wajahan”ayuu yiri Madaxweynaha Soomaaliya oo shacabka Soomaaliyeed ugu baaqay in ay garab istaagaan Dowladda Soomaaliya, ayna difaacdaan Calankooda iyo Ciiddooda.
 
Ugu dambeyntiina  Madaxweynaha Soomaaliya wuxuu beesha Caalamka ka codsaday in ay gurmad deg deg ah la soo gaaraan dad badan oo ka barakacay dagaallada ka socda Soomaaliya, gaar ahaan kuwa Muqdisho ka dhacaya.
 
 Salaad Iidow Xasan (Xiis), Hiiraan Online
sxiis@hiiraan.com
Muqdisho, Soomaaliya

	Midowga Afrika oo mid xaq ah ku tilmaamay codsigii Dowladda Soomaaliya ee ahaa in loo soo gurmado 6/22/2009 1:05 PM EST Isniin, June 22, 2009(HOL): Midowga Afrika ayaa shaaca ka qaaday in uu taageersan yahay codsigii Dowladda Soomaaliya ee ahaa in ay dalalka Soomaaliya la deriska ah ay ciidamo u diraan Soomaaliya si ay uga badbaadiyaan khatar ku soo fool leh. Wasiirro iyo Waxgarad Soomaaliyeed oo Xus Baroordiiq ah u Sameeyey Cumar Xaashi (SAWIRO) 6/22/2009 1:04 PM EST LONDON, UK (HOL) - Shan xubnood oo ka tirsan Golaha Wasiirada, siyaasiyiin hore iyo waxgaradka jaaliyadda London ee UK ayaa munaasabad baroordiiq ah Magaalada Beledweyne oo laga dareemayo qaban qaabo loogu jiro soo dhaweynta Xildhibano iyo Saraakiil ka tirsan Dowaladda Somalia 6/22/2009 12:42 PM EST Isniin, 22, June, 2009 (HOL) Magaalada Beledweyne ee xarunta u ah Goballka Hiiraan saacadihii aynu soo dhaafnay waxaa ka jira qaban qaabo iyo dhaq dhaqaaqyo u muuqda kuwo lagu soo dhaweynayo Xildhibaano iyo Saraakiil ka tirsa Dowladda Federaalka oo lagu wado in ay gaaraan Magaalada Waqtiyada ina soo aadan. Cudurka Hargab-doofaarka oo soo gaadhay Dalka deriska ee Itoobiya & Xog la’aanta Xukuumadda Somaliland 6/22/2009 12:35 PM EST Isniin, 22 June 2009 (HOL): Xukuumadda Somaliland ayaa u muuqata mid ka xog la’ Cudur loo magac bixiyay Hargab-Doofaarka oo muddooyinkii u dambeeyay faro-baas ku hayay dalalka Dunida, isla markaana hadda soo gaadhay dalka aynu Ganacsi-wadaagta iyo deriskaba nahay ee Itoobiya. Golaha Guurtida oo ka dooday Xaaladda ka taagan Soomaaliya & saamaynta Somaliland 6/22/2009 12:34 PM EST Isniin, 22 June 2009 (HOL): Mudanayaal ka tirsan Golaha Guurtida ayaa ka digay khatar ay sheegeen in ay Somaliland kaga soo fool leedahay dhinaca Koonfurta Soomaaliya, isla markaana waxay ku baaqeen in la xidho Xuduudaha Somaliland ee dhinacyada Badda iyo berrigaba. Waxaanay Axsaabta Mucaaradka ah ugu baaqeen in ay ka baxaan yooyootanka Siyaasadeed oo loo hawl-galo sidii laysaga kaashan lahaa arrimaha difaaca dalka. Naafada Xooggii Dalka Soomaaliya ee ku sugan Isbitaalkii Martiini ee Magaalada Muqdisho oo nolol xumo sheegtay 6/22/2009 12:34 PM EST Isniin, June 22, 2009(HOL): Naafada Ciidankii Xoogga Dalka Soomaaliyeed ee ku nool ISbitaalkii Martiini ee magaalada Muqdisho ayaa waxay shaaca ka qaadeen in ay la soo deristay xaalad nolol xumo ah, sidaas darteedna waxay ka codsadeen shacabka Soomaaliyeed iyo cid kasta oo wax u heli karta in ay u soo gurmadaan. Madaxweyne ku-xigeenka oo magacaabay guddi soo baadha eedaymo loo jeediyay laba Xubnood oo Komishanka ka tirsan & UCID oo ku gacan-saydhay 6/22/2009 12:33 PM EST Isniin, 22 June 2009 (HOL): Madaxweyne-ku-xigeenka Somaliland Axmed Yuusuf Yaasiin, ayaa la sheegay in uu magacaabay Guddi soo baadha eedaymo loo jeediyay laba xubnood oo ka tirsan Komishanka Doorashooyinka Qarnaka, kuwaas oo xubnaha kale ee Komishanku soo jeediyeen in Xilka laga qaado. Waxaana arrintaa jawaab ka bixiyay Xisbiga Mucaaradka ah ee UCID oo sheegay in aanu ku kalsoonayn. Deeq-bixiyayaasha Caalamiga ah oo mar kale digniin ka soo saaray dib-u-dhac ku yimaadda Doorashada Somaliland & jawaabta Axsaabta Mucaaradka ah 6/22/2009 12:32 PM EST Isniin, 22 June 2009 (HOL): Deeq-bixiyayaasha Caalamiga ah ee Somaliland ka taageera arrimaha Doorashada, ayaa qoraal ay soo saareen kaga hadlay burburka Wada-hadalladii u socday saddexda Xisbi Qaran iyo khilaafaadka Siyaasadeed ee halkoodii ku noqday, isla markaana waxay baaq ugu jeediyeen Axsaabta Siyaasadda in maalmaha soo socda xal laga gaadho. Iyaga oo Axsaabta Mucaaradka ahi ay ka jawaabeen Qoraalka ka soo baxay Deeq-bixiyayaasha Caalamiga ah.