Cudurka Hargab-doofaarka oo soo gaadhay Dalka deriska ee Itoobiya & Xog la’aanta Xukuumadda Somaliland

Isniin, 22 June 2009 (HOL): Xukuumadda Somaliland ayaa u muuqata mid ka xog la’ Cudur loo magac bixiyay Hargab-Doofaarka oo muddooyinkii u dambeeyay faro-baas ku hayay dalalka Dunida, isla markaana hadda soo gaadhay dalka aynu Ganacsi-wadaagta iyo deriskaba nahay ee Itoobiya.
 
Dhiilada Caalamka:
 
Muddooyinkii u dambeeyay waxa Dalalka iyo dawladaha duniduba ay la tacaalayeen Xanuun markii u horraysay la sheegay in lagu arkay Dalka Mexico ee Koonfurta Qaaradda Maraykanka. Kaas oo in ka badan 80 dal oo Dunida ah hadda laga soo sheegayo in lagu arkay. Warbixinaha laga helayo Xarumaha iyo Hay’adaha Caafimaadka Dunida, ayaa sheegay in Cudurkani uu yahay mid si xawli ah u socda, waxaanay Hay’adda Caafimaadka Dunida ee WHO ku dhawaaqday toddobaadkii tegay in Cudurkani yahay mid ilaa ah. iyada oo qaylo-dhaan ay Hay’addani soo saartay ku sheegtay in Dal waliba Garoomadiisa Diyaaradaha iyo sidoo kale meel kasta oo kale oo laga galo iyo dadka ka soo galayaba uu ka hubiyo Cudurkan, si looga hor tago in Dunida oo dhan uu ku fido Cudurkan Hargab-Doofaarku, kaas oo Afka qalaad loo yaqaano Influenza A H1N1.
 
Sida aanu ka soo xiganay Wakaaladda Wararka ee AP, Jimcihii la soo dhaafay oo kaliya waxa Dalalka Dunidu ku dhawaaqeen in la arkay 44,000 oo qof oo Cudurkan qaba, halka ilaa muddooyinkii uu soo if-baxay Cudurkani ay u dhinteen 180 Qof oo badankoodu u kala dhasheen Dalalka Mexico iyo Maraykanka oo ka mid ah dalalkii ugu horreeyey ee Cudurkan lagu arko.
 
Dhawaaqa Itoobiya:
 
Siday Warbixinuhu sheegayaan, inkasta oo ay Dawladda Itoobiya dedaallo badan ay samaysay, isla markaana Garoomada Diyaaradaha ay dhigtay Kooxo Caafimaad oo si tabaruc ah uga qayb gala ka hor-tagga Cudurkan, haddana sida uu maalinimaddii Jimcihii ku dhawaaqay Wasiirka Caafimaadka Itoobiya Mr. Tewdros Adhanom, laba qof oo u dhashay dalkaas ayaa lagu arkay Cudurkan Hargab-Doofaarka, kuwaas oo la sheegay inay ka soo laabteen dalka Maraykanka oo ka mid ah dalalka uu Cudurkani ka jiro. Siday faafisay Wakaaladda Wararka ee AP oo aanu Warkan ka soo xiganay, Wasiirku wuxuu sheegay in labadan qof oo ah Arday ay Itoobiya dib ugu soo noqdeen 13-kii Bishan June ee aynu ku jirno. Inkasta oo uu Wasiirku ka gaabsaday in uu shaaciyo Magacyada labadan qof ee Cudurkan laga helay, haddana wuxuu sheegay in lala tacaalayo hadda oo ay daawayn u jiifaan Cusbatal ku yaala Magaalada Addis-Ababa ee dalka Itoobiya. Isla markaana Xaaladdooda caafimaad wacan tahay.
 
Dhoy-la’aanta Somaliland:
 
Inkasta oo dalalka Dunida ee dhaqaale ahaan iyo aqoon ahaanba hore uga maray ay ka qaylinayaan Cudurkan Hargab-Doofaarka loogu waqlalay, isla markaana uu soo gaadhay dalka aynu xuduud-wadaagta nahay ee Itoobiya oo xidhiidh iyo isu-socod toos ah oo aan hakasho lahayni ka dhaxeeyo Somaliland, haddana Dawladda Somaliland ayaa u muuqata mid ka dhoy-la’, kana war qabin khatarta uu Cudurkani ku keeni karo Bulshada Abaaraha, Sicir-bararka iyo Dhaqaale-xumadu daashatay ee Somaliland, marka loo eego sida aan loo arag mar kaliya Masuul ka tirsan Dawladda Somaliland oo ka hadlay arrintan iyo khatarta ay dalka ku keeni karto. Waxaanad moodda in Dalka oo dhan, Siyaasi, aqoonyahan, Masuul iyo marti-sharaf kaleba, lagu wada mashquulsan yahay Siyaasad iyo tartan Kursiyeed, isla markaana Indhaha Siyaasiyiinta Mucaarad iyo Muxaafad-ba aanay qaban Shaashadaha Telefishanada Dunida ee goor walba iyo goob walba ka hadlaya khatarta Cudurkan. Hase ahaatee, waxa lays weydiin karaa, haddiiba Alle ma keenee uu dalka yimaaddo Cudurkani, ma jiraysaa Umad lagu tartamo Codadkoodu? Mise waxa dhacaysa in xaalad ka adag muranka Siyaasadeed oo naf-go’ ahi dalka soo wajahdo?
 
Gunaanad:
 
Si kastaba ha ahaatee, waxa lamaga maarmaan ah, Dalkana shacab, Xukuumad, Mucaarad iyo Muxaafad-ba looga baahan yahay in sida haddiiba khilaafaad Siyaasadeed yimaaddo loogu baratamo in guddi loo saaro dhexdhexaadinta murankaas, hadda loogu baahan yahay in laga tashado sida loo wajahayo Cudurkan iyo ka hor-taggiisa, lana magacaabo guddi Qaran oo ka hawl-gasha wacyi-gelinta iyo hubinta Cudurkan Hargab-Doofaarka.
 
Barkhad M. Kaariye  Hiiraan Online
barqad@hiiraan.com
Hargeisa, Somaliland

	Midowga Afrika oo mid xaq ah ku tilmaamay codsigii Dowladda Soomaaliya ee ahaa in loo soo gurmado 6/22/2009 1:05 PM EST Isniin, June 22, 2009(HOL): Midowga Afrika ayaa shaaca ka qaaday in uu taageersan yahay codsigii Dowladda Soomaaliya ee ahaa in ay dalalka Soomaaliya la deriska ah ay ciidamo u diraan Soomaaliya si ay uga badbaadiyaan khatar ku soo fool leh. Wasiirro iyo Waxgarad Soomaaliyeed oo Xus Baroordiiq ah u Sameeyey Cumar Xaashi (SAWIRO) 6/22/2009 1:04 PM EST LONDON, UK (HOL) - Shan xubnood oo ka tirsan Golaha Wasiirada, siyaasiyiin hore iyo waxgaradka jaaliyadda London ee UK ayaa munaasabad baroordiiq ah Magaalada Beledweyne oo laga dareemayo qaban qaabo loogu jiro soo dhaweynta Xildhibano iyo Saraakiil ka tirsan Dowaladda Somalia 6/22/2009 12:42 PM EST Isniin, 22, June, 2009 (HOL) Magaalada Beledweyne ee xarunta u ah Goballka Hiiraan saacadihii aynu soo dhaafnay waxaa ka jira qaban qaabo iyo dhaq dhaqaaqyo u muuqda kuwo lagu soo dhaweynayo Xildhibaano iyo Saraakiil ka tirsa Dowladda Federaalka oo lagu wado in ay gaaraan Magaalada Waqtiyada ina soo aadan. Madaxweynaha Soomaaliya oo sheegay in uu xukun deg deg ah galay Dalka Soomaaliya 6/22/2009 12:36 PM EST Isniin, June 22, 2009(HOL): Madaxweynaha Dowladda Soomaaliya Shiikh Shariif Shiikh Axmed oo shir jaraa’id ku qabtay magaalada Muqdisho ayaa wuxuu shaaca ka qaaday in maanta laga bilaabo uu dalka Soomaaliya gelayo xukun deg deg ah. Golaha Guurtida oo ka dooday Xaaladda ka taagan Soomaaliya & saamaynta Somaliland 6/22/2009 12:34 PM EST Isniin, 22 June 2009 (HOL): Mudanayaal ka tirsan Golaha Guurtida ayaa ka digay khatar ay sheegeen in ay Somaliland kaga soo fool leedahay dhinaca Koonfurta Soomaaliya, isla markaana waxay ku baaqeen in la xidho Xuduudaha Somaliland ee dhinacyada Badda iyo berrigaba. Waxaanay Axsaabta Mucaaradka ah ugu baaqeen in ay ka baxaan yooyootanka Siyaasadeed oo loo hawl-galo sidii laysaga kaashan lahaa arrimaha difaaca dalka. Naafada Xooggii Dalka Soomaaliya ee ku sugan Isbitaalkii Martiini ee Magaalada Muqdisho oo nolol xumo sheegtay 6/22/2009 12:34 PM EST Isniin, June 22, 2009(HOL): Naafada Ciidankii Xoogga Dalka Soomaaliyeed ee ku nool ISbitaalkii Martiini ee magaalada Muqdisho ayaa waxay shaaca ka qaadeen in ay la soo deristay xaalad nolol xumo ah, sidaas darteedna waxay ka codsadeen shacabka Soomaaliyeed iyo cid kasta oo wax u heli karta in ay u soo gurmadaan. Madaxweyne ku-xigeenka oo magacaabay guddi soo baadha eedaymo loo jeediyay laba Xubnood oo Komishanka ka tirsan & UCID oo ku gacan-saydhay 6/22/2009 12:33 PM EST Isniin, 22 June 2009 (HOL): Madaxweyne-ku-xigeenka Somaliland Axmed Yuusuf Yaasiin, ayaa la sheegay in uu magacaabay Guddi soo baadha eedaymo loo jeediyay laba xubnood oo ka tirsan Komishanka Doorashooyinka Qarnaka, kuwaas oo xubnaha kale ee Komishanku soo jeediyeen in Xilka laga qaado. Waxaana arrintaa jawaab ka bixiyay Xisbiga Mucaaradka ah ee UCID oo sheegay in aanu ku kalsoonayn. Deeq-bixiyayaasha Caalamiga ah oo mar kale digniin ka soo saaray dib-u-dhac ku yimaadda Doorashada Somaliland & jawaabta Axsaabta Mucaaradka ah 6/22/2009 12:32 PM EST Isniin, 22 June 2009 (HOL): Deeq-bixiyayaasha Caalamiga ah ee Somaliland ka taageera arrimaha Doorashada, ayaa qoraal ay soo saareen kaga hadlay burburka Wada-hadalladii u socday saddexda Xisbi Qaran iyo khilaafaadka Siyaasadeed ee halkoodii ku noqday, isla markaana waxay baaq ugu jeediyeen Axsaabta Siyaasadda in maalmaha soo socda xal laga gaadho. Iyaga oo Axsaabta Mucaaradka ahi ay ka jawaabeen Qoraalka ka soo baxay Deeq-bixiyayaasha Caalamiga ah.