Hoggaamiyaha ururka Xisbullah Xasan Nasrallah oo lagu dilay duqeyn ka dhacday dalka Lubnaan
Israel said it killed Hezbollah leader Hassan Nasrallah in an airstrike on Beirut
Sabti, September, 28, 2024 (HOL) - Ururka Xisbullah ee dalka Lubnaan ayaa xaqiijiyay in
hogaamiyahooda Xasan Nasrallah lagu dilay duqeyn Israa’iil ay habeenkii
Jimacaha ka fulisay dalka Lubnaan.
Ciidamada ayaa sheegay in ay "bartilmaameedsadeen"
xarumaha ururka Xisbullah, ee ku yaalla "meel dhulka hoostiisa oo laga
hoos dhisay dhismo deegaan ah oo ku yaalla aagga Dahieh ee magaalada Beirut.
"Sayid Xasan Nasrallah, Xoghayaha Guud ee Ururka
Xisbullah, wuxuu ku biiray saaxiibadiisa weynaa ee shahiiday, ee uu
hoggaaminayay muddo ku dhow 30 sano," ayaa lagu yiri bayaan ay soo saareen
kooxda ay taageerto Iran.
"Waxaan rajeyneynaa in tani ay wax ka beddesho
ficillada Xisbullah," Gaashaanle Dhexe Nadav Shoshani ayaa u sheegay
suxufiyiinta ka dib markii IDF ay sheegtay inay dishay Nasrallah.
Bayaanka ayaa lagu sheegay in Xisbullah ay wacad ku martay
inay sii wadi doonto dagaalka ka dhanka ah Israa’iil iyo taageerada ay siiso
Falastiin.
Dowladda Israa’iil ayaa dhanka kale sheegtay in ay heegan
sare ku jirto kadib dilka Nasrallah.
