3/28/2024
Today from Hiiraan Online:  _
Wararka Maanta- Arbaco, Mar 29, 2023
Gabdho asal ahaan kasoo jeeda Soomaaliya oo xiriir la lahaa ISIS oo lagu xiray Norway

Arbaco, Maarso, 29, 2023 (HOL) - Hay’adda nabad sugidda iyo sirdoonka dalka Norway ee PST ayaa shaacisay in la xiray labo gabdhood oo walaalo ah oo Soomaaliya kasoo jeeda, kuwaas oo ka soo laabtay dalka Suuriya horraantii Arbacada, iyaga iyo carruurtooda.

Maamulka Norway ayaa gabdhaha walaalaha ah ku soo oogay dacwad ah in ay ka tirsan yihiin ururka ISIS.

Norway waxay ku dhawaaqday inay dib u celinayso labada gabdhood ee walaalaha ah, Ayaan iyo Leila Juma, iyo saddex carruur ah oo ay dhaleen oo laga keenay xero qaxooti Suuriyaan ah, iyadoo sabab uga dhigtay xaaladda xun ee xarunta ay ku jireen.

Gabdhaha walaalaha ah ee ah Soomaalida Norway ayaa sanadkii 2013-kii ka tagay dalka Norway iyaga oo dhalinyaro ah, si ay ugu biiraan kacdoonka looga soo horjeedo Madaxweyne Bashaar Al-Asad.

Haatan da’ahaan waa 29 iyo 25 jir, dumarkan waxay haystaan saddex gabdhood, oo ay aabbe u yihiin dagaalyahannada Daacish, sida uu qoray wargeyska Verdens Gang ee Norway ka soo baxa.

Carruurta ayaa lagu soo waramayaa inay da’doodu kala tahay lix, toddobo, iyo siddeed jir.

Wasiirka arrimaha dibadda Anniken Huitfeldt ayaa yiri, "Xaaladda nololeed ee ka jirta xeryaha waa mid aad u xun oo khatar ah, carruurtan waxay muddo dheer ku noolaayeen xeryahaas oo aan ahayn in carruurtu ku noolaadaan." Huitfeldt ayaa intaa ku daray in gabdhaha walaalaha ah ay dalbadeen in laga caawiyo sidii ay Norway ula soo laaban lahaayeen caruurtooda, iyagoo og inay wajihi doonaan xarig marka ay yimaadaan.

Kurdiyiinta oo gacanta ku haya xerada Al-Roj ee ku taal waqooyi bari Suuriya ayaa talaadadii ku dhawaaqay in gabdhaha walaalaha ah lagu wareejiyay diblumaasi u dhashay dalka Norway.

Waxaa la saaray diyaarad loo qorsheeyay inay ka degto garoonka diyaaradaha ee Gardermoen ee magaalada Oslo saacadu markay tahay 12:40 subaxnimo Arbacada.

Hay’adda nabad sugida Norway ayaa xidhay labada haween markii ay yimaadeen.

Kiiskan ayaa u eg kuwa kale oo ay ku lug leeyihiin dhallinyaro reer Yurub ah oo u safray Suuriya, oo ay ku jirto Shamima Begum, oo ah muwaadin British ah oo laga xayuubiyay dhalashadeeda ka dib markii ay ku biirtay ISIS iyada oo dhalinyaro ah.












Click here
3/29/2023 4:34 PM EST
Arbaco, Maarso, 29, 2023 (HOL) - Safiirka Maraykanka ee Soomaaliya ayaa sheegay in uu madaxweynaha Somaliland ku dhiirigaliyay in uu kala fogeeyo ciidamada Laascaanood ku dagaalamaya, isla markaana uu jeexo kharidad doorasho.

3/29/2023 11:06 AM EST
Arbaco, Maarso, 29, 2023 (HOL) - Warar dheeraad ah ayaa kasoo baxaya dil argagax badan ku beeray dadka ku nool deegaanka Garasbaaleey ee duuleedka magaalada Muqdisho, kaasoo uu geystay nin Mu'adin Masjid ahaa, islamarkaana dil u geystay imaamkii Masaajidka.

3/29/2023 3:59 AM EST
Arbaco, Maarso, 29, 2023 (HOL) - Sacuudi Carabiya ayaa qorsheyneysa inay dejiso shuruucdeeda lahaanshaha hantida ee ajaanibta iyadoo Boqortooyada ay indhaha ku hayso inay soo jiidato maalgashi ay ku sameyso qaybta hantida maguurtada ah taasoo qayb ka ah istaraatiijiyadeeda ay kor ugu qaadayso dhaqaalaheeda.

3/29/2023 3:36 AM EST
Arbaco, Maarso, 29, 2023 (HOL) - Isimada gobolka Sool ee SSC ayaa waxay beeniyeen inay wax heshiis ah ama wada hadala la galeen ergada nabadeed ee ka yimid magaalada Muqdisho ee xalka nabadeed u raadinaya colaadda ka aloosan magaalada Laascaanood.

3/29/2023 2:32 AM EST
Arbaco, Maarso, 29, 2023 (HOL) - Warar dheeraad ah ayaa kasoo baxaya dagaal aroornimadii hore ee saakay ku dhexmaray deegaanka Baardheere ee gobolka Hiiraan ciidamada di xoreynta deegaanka oo garab ka helaya ciidanka dowladda Soomaaliya iyo Ururka Al-shabaab.

3/29/2023 2:25 AM EST
Arbaco, Maarso, 29, 2023 (HOL) - Ciidamada qaabilsan amniga xarunta lagu dhaqan celiyo dadka kasoo goosta Alshabaab, ayaa ka cabanaya mushaar la'aan dhowr bilood ah.

3/29/2023 2:13 AM EST
Arbaco, Maarso, 29, 2023 (HOL) - Isimada dhaqanka ee ku sugan magaalada Laascaanood ayaa sheegay in ay aqbaleen xabad joojin ay ka codsadeen madax dhaqameed ka yimid magaalada Muqdisho.

3/29/2023 2:07 AM EST
Arbaco, Maarso, 29, 2023 (HOL) - Millateriga Somaliland, ayaa sheegay in uu wado howlgal lagu soo dabaalayo nabadii iyo daganaanshihii magaalada Laascaanood iyo gobolka Sool.