3/29/2024
Today from Hiiraan Online:  _
Wararka Maanta- Sabti, Nov 16, 2019
Golaha Guurtida Somaliland oo loo soo gudbiyey muddo kordhin loo sameeyo Baarlamaanka

 

Sabti, November 16, 2019 (HOL )– Golaha Guurtida Somaliland ayaa sheegay inay soo gaadhay qoraal lagu dalbanayo in muddo kordhin loo sameeyo Baarlamaanka maadaama oo mudadii loogu tallogalay inay doorasho dhacdo ay dib uga dhacday.

Gudoomiyaha golaha Guurtidda Saleebaan Maxamuud Aadan ayaa sheegay inuu guddi ka soo talobixisa muddo kordhintaasi u magacaabi doono golaha si ay usoo darsan mudadda loo kordhin karo goleyaasha qaranka.

"Muddo kordhintii Golaha Wakiilada ayaa ina soo gaadhay iskama gudo galayno ee guddi soo darista oo talo inagu kordhisa ayaynu u saari doonaa gudida bari ayaan Magacyadooda idiin sheegi doonaa,"ayuu yidhi Guddoomiyaha Golaha Guurtida Somaliland Saleebaa Maxamuud Aaden.

Muddo kordhintan loo qorshaynayo in loo sameeyo golaha Wakiilada iyo Guurtida ayaa noqonaya markii lixaad ee muddo kordhin loo sameeyo, waxaanay hadda kuraasta fadhiyaan in ka badan 12 sanno.

Doorashadii loo qoondeeyey inay dhacdo bishan aynu ku jirno ee November ayaa dib u dhacday ka dib markii muran badani ka dhashay guddidii hore ee doorashooyinka, taas oo muddo xileedkeedu kaga eekaa horaantii bishan aynu ku jirno.

Guddida doorashooyinka ayaa madaxweynaha usoo gudbiya in aanay wakhtigeedii doorasho ku dhacayn, madaxweynuhuna wuxuu Guurtidda ka dalbadaa inay muddo kordhin u sameeyaan goleyaasha.

Barkhad-ladiif M. Cumar, Hiiraan Online

[email protected]

Hargeysa, Somaliland.












Click here
11/16/2019 3:02 PM EST
Sabti, November, 16, 2019 (HOL)-Waxaa laga dayrinayaa xaaladda amni ee Jaamacadda Diridhabe, iyadoo haatan maraysa meel xasaasi ah.

11/16/2019 10:51 AM EST
Sabti, November, 16, 2019 (HOL)-Waxaa koonfurta gobolka Mudug ka ambo baxay gaadiid badan oo gurmad u siday magaalada Baladweyne, kuwaas oo muddo saddex cisho ah lagu haystay degaano katirsan Galmudug.

11/16/2019 10:21 AM EST
Sabti, November, 16, 2019 (HOL)-Ciidamadii maleyshiyo beeleedka ahaa ee uu hogaaminayay Ciise Yulux, kuwaas oo maalmo ka hor Bosaso xoog ku galay, ayaa maanta dib uga laabtay magaalada Bosaso, kadib heshiis is afgarad ah oo laga gaaray xiisadihii ka aloosanaa gobolka Bari.

11/16/2019 9:52 AM EST
Sabti, November 16, 2019 (HOL )– Isbahaysiga ururada bulshada madax banaan ee ISCO ayaa soo jeediyey in xubnaha lagu muransan yahay is casilaan,isla markaana waxay talooyin usoo jeediyeen madaxweynaha iyo xisbiyda mucaaradka ah.

11/16/2019 9:25 AM EST
Sabti, November, 16, 2019 (HOL)-Koox dhaqaatiir ah oo ka socotay dalka Sacuudi Carabiya ayaa maanta lagusoo dhoweeyay magaalada Garowe ee caasimadda dowlad goboleedka Puntland.

11/16/2019 8:59 AM EST
Sabti, November 16, 2019 (HOL )– Madaxweyne Muuse Biixi ayaa maanta ka jawaabay muranka ka jira xubnaha gudida cusub ee Komishanka doorashooyinka, kuwaas oo xisbiyada mucaaradku sheegeen inay qaadaceen oo aanay la shaqayn doonin.

11/16/2019 8:21 AM EST
Sabti, November, 16, 2019 (HOL)-Madaxweynaha Puntland Mudane Siciid Cabdullaahi Deni ayaa maanta Qasriga Madaxtooyada ee Garoowe ku qaabilay Safiirka Dowladda Ingiriiska u qaabilsan Soomaaliya Danjire Ben Fender iyo Wafdi uu hogaaminayo.

11/16/2019 3:34 AM EST
Sabti, November, 16, 2019 (HOL)-Barlamaanka dowlad goboleedka Puntland ayaa maanta meel mariyay guddiga kumeel gaarka ah ee doorashooyinka Puntland ee nidaamka axsaabta badan.

11/16/2019 2:38 AM EST
Sabti, November, 16, 2019 (HOL)-Golaha Amaanka Qarramada Midoobey ayaa kulan ay ku yeesheen magaalada New York waxaa dood adag ka yeesheen qaraar ay soo gudbisay dowladda Britain oo la xiriira cunaqabateynta hubka ee saaran Soomaaliya

11/16/2019 12:12 AM EST
Sabti, November, 16, 2019 (HOL)- Maanta oo Sabti ah ayaa lagu wadaa in mudanayaasha Baarlamaanka Soomaaliya ku yeeshaan xarunta Villa Hargeysa ee magaalada Muqdisho.

11/16/2019 12:09 AM EST
Sabti, November, 16, 2019 (HOL)-Madaxweynaha dowlad gobolleedka Hirshabeelle Maxamed Cabdi Waare ayaa ku dhawaaqay guddiga sida uu sheegay maareyn doona dhaqaalaha loogu talagalay dadka ay Fatahaadu saameysay.

11/16/2019 12:05 AM EST
Sabti, November, 16, 2019 (HOL)- Wasiirka Wasaaradda Cadaallada Dowladda Soomaaliya Xassan Xusseen Xaaji ayaa ugu baaqay shacabka Soomaaliyeed in aysan cadaallad iyo Garsoor u doonan deegaannada ay maamulaan Al-shabaab.

11/16/2019 12:02 AM EST
Sabti, November, 16, 2019 (HOL)- Qoysaskii ka barakacay fatahaadii cusleyd ee dhawaan ku dhufatay magaalada Beledweyne ayaa hadda bilaabay in ay si tartiib tartiib ah u soo guryo nodaan, kaddib markii ay magaalada ka baxeen biyihii ku dhuftay