Arbaco, June, 05, 2019 (HOL)- Inkastoo guud ahaan
marka la eego dunida Mulimka iyo inta
badan Soomaaliya maalintii shalay u aheyd maalintii koowaad ee Ciidul Fidriga
ayaa dhinaca kale qeybo ka mid ah dalka Soomaaliya waxaa ay maanta u tahay
maalintii koowaad ee Ciidul Fidriga.
Deegaanadaas ayaa waxaa ka mid ah degmooyinka, Dhuusa-Mareeb,
Guri-ceel iyo degmooyin kale oo ka tirsan Galmudug,balse ay gacanta ku hayaan maamulkii
gobolada Dhexe ee ahlusunna oo ku biiray maamulka Galmudug.
Madaxa Xukuumadda Maamulka Galmudug Maxamed
Shaakir Cali Xassan ayaa Hambalyo ku aadan Ciidul Fidriga u diray Shacabka
Soomaaliyeed gaar ahaan Shacabka Reer Galmudug
Inta badan deegaanada ay gacanta ku hayaan maamul
gobolka gobollada Dhexe ee Ahlu Sunna oo
ku biiray maamulka Galmudug ayaa hal maalin ka dambeeya dunida kale ee caalamka
Islaamka, waxaana Bishii soon ay bilaabeen Talaado halka dunida kale oo ay
Soomaaliya ku jirto laga soomay maalin Isniin ah.
C/raxmaan Diini, Hiiraan Online
[email protected]
