Talaado, June, 04, 2019 (HOL) – Caasimadda DDS ee Jigjiga ayaa
maanta si wayn la isugu soo baxay Salaaddii Ciidda, iyadoo Shacabka magaalada
Jigjiga oo yar iyo waynba leh isugu soo baxeen goobta salaadda lagu tukanayay.
Haddaba Shacabkii salaadda ciidda
isugu soo baxay ayaa wajiyadooda farxad badan ka muuqatay iyadoo dadku isugu
hambalyaynayeen Ciidda.
Ciiddan ayaa sidoo kale waxaa joogay
mas'uuliyiinta u saraysa Degaanka oo uu kamid yahay Madaxwaynaha DDS Mustafe
cagjar.
Waa ciiddii u horeysay oo shacabku
si xor ah u ciidaan iyadoo ciidihii hore shacabku dhib kala kulmi jireen
xilligay Salaadda Ciidda imanayaan, dadkana laga ururin jiray wax walba oo ay
guryahooda kala yimaadeen sida Mobilada iyo wixii lamid ah, balse Ciiddan aan
dadka la dhibin.
Ciiddan ayaa sidoo kale Ciidihii hore
kaga duwan iyadoo dad isla dhashay oo kala maqnaa oo cabsi maamulkii hore ay ka
qabeen dalka uga baxay ay maanta kuwada Ciidayaan hal meel.
C/raxmaan Diini, Hiiraan Online
[email protected]