Axad, June, 02, 2019 (HOL) – Ururada caawiyoa dadka uu hayo xanuunka dhimirka
yaa deeq dhar ah gaadhsiiyey shan boqol oo ka mid ah dadkaasi ee ku xidhan
cisbitaalka guud ee Hargeysa gaar ahaan qaybta dadka waalan lagu hayo.
Ururdan
oo ah kuwo ka shaqeeya dadka uu ku dhacay xanuunka dhimirka ee maskaxda ee ku
jira cisbitaalka guud ee Hargeysa iyo kuwo xaafadaha magaaladaba lagu hayo,
ayaa sheegay in dadka ay gaadhsiinayaan dharkan ciida iyo cuntooyinkaba ay dhan
yihiin shan boqol oo qof oo boqol iyo afartan qof ku jiraan cisbitaalka
Hargeysa.
“waxaan
maanta ku wareejin doonaa Cisbitaalka guud ee Hargeysa qaybta dhimirka dhar
ciidda iyo woxoogaa raashin iyo sharaab ah, waxaana caawin doonaa shan boqol oo
qof oo dadka waalan ah, boqol iyo afartan waa inta cisbitaalkan ku jirta,
saddex boqol iyo lixdan qofna waxa la gaadhsiin doona dhamaan xaafadaha
magaalada iyo labaatan qof oo dadka guryaha ku dhex xidhan ah ayaa la gaadhsiin
doonna”sidaas waxa yidhi Cumar Dheere oo ka mid ah ururadda caawiya dadka
dhimirka la nool.
Cisbitaalka
guud ee Hargeysa qaybta dhimirka ayaa isaguna soo dhoweeyey ururada caawinaya
dadka xanuunsanaya ee ku jira cisbitaalka dhimirka.
Sidoo
kale, waxa iyaguna ka hadlay ururada kale ee caawiya dadka xanuunka maskaxdi
hayo, kuwaas oo kala ah Somaliland Mental Health Support Oraginsation,
Nasteexo, Ajardoon, Bilis care.
Dadka
uu hayo xanuunka dhimirka ayaa ah dadka ugu dayacan wadanka dhexdiisa, isla
markaana aan helin cid u naxariisata ama caawisa, waxaana hadda soo baxaya
ururo u dhaqdhaqaaqa dadkaasi.
Sidoo
kale, waxa Hargeysa bisha ramaadaan quudiya dadka maskaxda ka xanuunsanaya
muwaadin isku xil qaamay oo u qaybiya raashin ay cunaan, maadaama oo aanay
jirin maqaayadihii ay wax ka cuni jireen, taas oo keeni karta inay gaajo u
dhintaan.
Barkhad-ladiif
M. Cumar, Hiiraan Online
[email protected]
Hargeysa,
Somaliland.
