Somaliland oo sheegtay inay maxkamada saari doonto ciidamadii ka goostay ee ku biirey Puntland
Sabti, June, 01 2019 (HOL)- Wasiirka Gaashaandhiga Somaliland Cabdiqani Maxamuud Caateeye ayaa sheegay inuu maxkamada ciidamada saari doonaan saraakiil ka goostay ciidamda Somaliland oo ku biirey Puntland, waxaanu xusay in aanay dib dambe u dhici doonin ciidamo kolba dhinac u carara.
“Ciidamadii ka goostay Somaliland waxay noqdeen qaran dumis
wixii maanta laga bilaabana waxa lagu maxkamadayn doona maxkamada ciidamada,
waad aragtay inta uu bari halkan soo gallo ayuu barina balkaasi galayaa (marna
Somaliland marna Puntland) maalinta uu
yimaado ayaa lagu qaadi doona xukunkaasi “ayuu yidhi wasiir Caateeye.
Wasiirku wuxu sheegay in ciidanku dhulka Somaliland meesha
uu doono uu tagi doona, isla markaana
aanay mar damabe kolba dhinac u carari doonin.
Deegaanadan bariga Sanaag waxa maalmo dhowayd dagaalo goos goos ahi ku
dhexmaray ciidanka Somaliland iyo Puntand, taas oo cabsi galisay dadka
deegaanka.
Sidoo kale, waxay Somaliland sheegtay inay hadda laga bilaabo
joojisay in ciidamo kolba dhinac u goosta oo marna Puntland galla marna Somaliland,
waxaanay soo saartay go’aan ah ciidankii ka goosta Somaliland inay maxkamada
ciidamada la saari doonno marka uu dib usoo noqdo, taas oo ka duwan nidaamyadii
hore u jirijirey.
Barkhad-ladiif M. Cumar, Hiiraan Online
[email protected]
Hargeysa, Somaliland.