Dagaal khasaare badan dhaliyay oo Maamulka Koonfur-galbeed iyo Al-shabaab ku Dhexmaray Iidaale
Axad, September 25, 2016 (HOL) —
Ugu yaraan 10 qof oo dhinacyadii dagaalamay ka mid ah ayaa ku dhintay, tiro ka badan intaasna way ku dhaawacmeen
dagaal culus oo ciidamada Koonfur-galbeed iyo xoogaga Al-shabaab ku
dhexmaray deegaanka Iidaale ee Gobolka Bay.
Dagaalkan ayaa qarxay,
kaddib markii ciidamada maamulka Koonfur-galbeed ay ku qadeen weerar fariisimo
ay Al-shabaab Iidaale ku lahayd, iyadoo Dagaalku uu socday mudo dhawr saacadood
ah.
Sidoo kale, Jen. Ibraahim
Yaroow oo ah taliyaha ciidanka xooggad daka Qaybta 60-aad ee Dowladda Somalia ayaa
xaqiijiyay Dagaalka ay ku dileen Al-shabaab ka tirsan, laakiin ma uusan
sheegin khasaaraha dhankooda soo gaaray.
Dhanka kale, taliye ku-xigeenka Booliiska maamulka Koonfur-galbeed Somalia, Maxamed Isaaq Cara-Cas,
ayaa sheegay in Weerarkaas uu ahaa mid aan lagu sii Talo-gelin, uuna ahaa Dagaalku ahaa
mid ay Al-shabaab uga saarayaan deegaanada ay gacanta ku hayaan.
“Ciidanka Koonfur-galbeed waxay
weerar Qorsheysan oo gaadmo ah ku qaadeen saldhigyo ay Al-shabaab ka lahaayeen Deegaanka Iidaale,
iyaga ma filayn, Waxaana Dagaalkaas uga dilnay illaa toddoba ruux,” ayuu yiri Maxamed
Cara-cas.
Ugu dambeyntii, Al-shabaab
ayaan weli ka Hadlin Dagaalkaan la sheegay in uu Iidaale ku dhexmaray Xoogaggooda iyo Ciidamada Maamulka Koonfur-galbeed ee Soomaaliya.
Maxamed X. Xuseen, Hiiraan Online
[email protected]
Muqdisho, Soomaaliya
