3/29/2024
Today from Hiiraan Online:  _
Wararka Maanta- Sabti, Apr 5 , 2014
Madaxweynayaasha Soomaaliya iyo Kenya oo Maanta ku kulmay Nairobi


Sabti, Abriil 05, 2014 (HOL) — Madaxweynaha Somalia, Xasan Sheekh Maxamuud oo ku sugan magaalada Nairobi ee xarunta dalka Kenya ayaa maanta kula kulmay madaxweynaha Kenya, Uhuru Kenyatta, iyadoo waxyaabihii ay labada madaxweyne kawada hadleen ay ka mid ahaayeen dadka lagu xirxiray howlgallada magaalada Nairobi ka socda.

Danjiraha Somalia u fadhiya Kenya, Maxamed Cali Ameeriko ayaa u sheegay VOA-da in labada madaxweyne ay ku heshiiyeen in la joojiyo howlgallada lagu qab-qabanayo dadka Soomaaliyeed ee ku nool magaalada Nairobi.

“Labada madaxweyne waxay ku heshiiyeen in dadkii maalmahan lagu soo qabqabtay howl-gallada ka socda Nairobi baaritaan lagu sameeyo, wixii sharci lehna la sii daayo, wixii sharci aan lahaynna lagu wareejiyo dowladda Soomaaliya,” ayuu yiri danjire Ameerika.

Sidoo kale, dajiraha Maxamed Cali Ameerika ayaa sheegay in dad ku dhow boqol ruux ay weli xabsiyada Nairobi ku xir-xiran yihiin, isla markaana uu rajaynayo in lasii daayo dhawaan, inkastoo uusan waqti cayiman sheegin.

Dowlada federalka Soomaaliya ayaa dadaal siyaasadeed u gashay sidii wax looga qaban lahaa xiisadda ka dhalaytay qaraxyo toddobaadkii hore ka dhacay xaafadda Islii ee magaalada Nairobi, halkaasoo ay daggan yihiin dadka Sooamaliyeed ee ku nool magaalada Nairobi.

Ciidamada Kenya ayaa markii ay qaraxyo ka dhacaan magaalada Nairobi waxay si toos ah u beegsadaan dadka Soomaaliyeed, kuwaasoo ay ku sheegaan inay lug ku leeyihiin falalka qaraxyada ah ee Nairobi ka dhaca.

Xildhibaanada Soomaalida ah ee ku jira baarlamaanka Kenya ayaa waxay Jimcihii la kulmeen ganacsatada Soomaaliyeed ee Nairobi ku nool, iyagoo kala hadlay sidii ay uga wada-shaqeyn lahaayeen ammaanka magaaladaas, iyaguna ay u howlgelayaan sidii Soomaalida xirxiran looga sii dayn lahaa xabsiyada.

Inkastoo labada madaxweyne ee Soomaaliya iyo Kenya ay kawada hadleen sidii loo sii-dayn lahaa dadkii Soomaaliyeed ee lagu xirxiray Nairobi, ayaana haddana waxaa maanta ay ciidamada booliiska Kenya howlgallo ka sameeyeen isla xaafadda Islii oo ay ka qabqabteen tiro Soomaali ah.

Maxamed X. Xuseen, Hiiraan Online
[email protected]
Muqdisho, Soomaaliya













Click here
4/5/2014 3:07 PM EST
Sabti, Abriil 05, 2014 (HOL) — Inta la hubo 10-askari ayaa ku dhintay dagaal tiro kalena way ku dhaawacmeen dagaal u dhexeeyay askar kawada tirsan dowladda Soomaaliya oo maanta ka dhacay deegaanka Ceel-cadde ee gobolka Shabeellada Dhexe.

4/5/2014 1:53 PM EST
Sabti, Abriil 05, 2014 (HOL) — Madaxweynaha maamulka Koonfur-galbeed ee lxida gobol ka kooban, Madoobe Nuunow Maxamed ayaa maanta dhameystiray golihiisa wasiirrada oo tiradoodu tahay13 xubnood.

4/5/2014 1:50 PM EST
Sabti, Abriil 05, 2014 (HOL) — Kulan looga hadlayay dhibaatada tahriibta iyo sidii looga hortegi lahaa ayaa maanta lagu qabtay dugsiga sare ee Samatar Baxnaan ee magaalada Buuhoodle.

4/5/2014 1:01 PM EST
Sabti, Abriil 05, 2014 (HOL) — Waxaa maanta dib ugu soo laabtay Muqdisho ciidan gaar ah iyo saraakiil lagu soo tababaray dalka Imaaraatka Carabta, ciidamadaas oo loo soo tababaray ilaalinta madaxtooyada Soomaaliya iyo goobaha muhiimka ah ee caasimmadda.

4/5/2014 12:39 PM EST
Sabti, Abriil 05, 2014 (HOL) — Magaalada Gaalkacyo ayaa waxaa ku sugan wafdi isgu jira wasiirro, xildhibaanno iyo taliyeyaal ciidan oo ka socda Puntland, waxayna kulan kulmeen magaalada bulshada qaybaheeda iyo maamulka gobolka Mudug.

4/5/2014 12:15 PM EST
Sabti, Abriil 05, 2014 (HOL) — Guddoomiyaha magaalada Kismaayo, Ibraahim Maxamed Yuusuf (Timojilic) iyo wafdi uu hogaaminayo ayaa maanta soo kormeeray garoonka kubadda cagta ee degmada Kismaayo ee loo yaqaan Waamo Studium, kaasoo mudooyinkii u danbeeyay ay ku socdeen howlo dib u dhis ah.

4/5/2014 12:02 PM EST
Sabti, Abriil 05, 2014 (HOL) — Wasiirka Duulista hawadda iyo gaadiidka cirka Somaliland, Maxamuud Xaashi Cabdi, oo maalmihii u dambeeyey hawlo shaqo u joogay dalka Turkiga ayaa la kulmay wasiirka Duulista Hawadda ee dalkaasi,waxaanu ka dalbaday sidii Diyaaradda Turkigu u iman lahayd Somaliland.

4/5/2014 11:57 AM EST
Sabti, Abriil 05, 2014 (HOL) — Barlamaanka dalka Jarmalka ayaa meel-mariyay qorshe muddo badan lagu muran sanaa oo la xiriira in tababarayaal ka socda dowladdaas ay si toos ah uga howl-galaan magaalada Muqdisho ee caasimadda Soomaaliya.

4/5/2014 11:54 AM EST
Sabti, Abriil 05, 2014 (HOL) — Kooxo bastoolado ku hubeysan oo mooto wata ayaa shalay gellinkii hore ku toogtay magaalada Nairobi ee xarunta dalka Kenya, mid ka mid ah ganacsatada Soomaaliyeed oo lagu magacaabi jiray, Siciid Abuukar Cumar Caddaan.

4/5/2014 8:27 AM EST
Sabti, April 05, 2014(HOL) - Kulan ay maanta isugu yimaadeen xildhibaanada baarlamanka Soomaaliya ayay uga doodeen magacaabista maamullada degmooyinka gobollada dalka iyo shuruuc ay hore baarlamanka u ansixiyeen oo ku saabsanayd hindise sharciyeedka maamul u sameynta gobollada dalka.

4/5/2014 3:26 AM EST
Sabti, Abriil 05, 2014 (HOL) — Dowladda Soomaaliya ayaa wadda qorshe ah sidii lagu mideyn lahaa culummada, si ay ugu adeegsato inay ka wacyigeliyaan shacabka fikradaha Al-shabaab oo ay dowladdu dagaal kula jirto.

4/5/2014 3:03 AM EST
Sabti, Abriil 05, 2014 (HOL) — Guddoomiyaha maxkamadda sare ee dalka Kenya, Willy Mutunga ayaa shalay ku dhawaaqay shaqo-joojin lagu sameeyay afar mas'uul oo sar-sare oo ka tirsan garsoonka si looga cafiyo baaritaanno lagu la xiriira arrimo musuqmaasuqa la xiriira oo lagu tuhmay iyo ku-takrifalka garoonka dalka.

4/5/2014 2:46 AM EST
Sabti, Abriil 05, 2014 (HOL) — Xukuumadda Jabuuti ayaa heshiis iskaashi la saxiixatay maamulka Somailland, kaasoo ku saabsan sidii ay labada dhinac isaga kaashan lahaayeen ka hortagga isku gudbinta maandooriyaha, tahriibka iyo kooxaha argagaxiada ah.

4/5/2014 2:24 AM EST
Sabti, Abriil 05, 2014 (HOL) — Xildhibaannada Soomaalida ah ee ku jira baarlamaanka Kenya ayaa shalay oo Jimco ahayd la kulmay bulshada Soomaaliyeed ee ku nool xaafadda Islii ee magaalada Nairobi, iyadoo kulankaas looga hadlay sidii looga hortegi lahaa kuwa dhibaatooyinka ka dhex-geysanaya Soomaaliya.