3/28/2024
Today from Hiiraan Online:  _
Wararka Maanta- Isniin, Sept 16, 2013
Somaliland oo ka hadashay sababihii keenay inay ka Qaybgeli waydo shirkii Brussels ee dhaqaalaha loogu Ururinayay Somalia

Isniin, September 16, 2013 (HOL) — Xukuumadda Somaliland ayaa  sheegtay in sababta ay shirkaasi uga qaybgali wayday ahayd iyadoo loogu casuumay meeqaam ka hooseeya qaabkay rabtay.

“Shirka waxaan uga gaabsanay inaanu ka qayb-qaadano isaga oo aan Somaliland siinin mudnaanta iyo maqaamka ay leedahay. Isla markaana tixgelin rabitaanka shacabka Somaliland”ayaa lagu yidhi war-saxaafadeed uu soo saaray Afhayeenka Wasaaradda Arrimaha Dibadda Somaliland Md. Axmed Yuusuf Cilmi (Suudi) oo ka hadlayey sababta ay uga qaybgali waayeen shirkaasi, waxaana intaas lagu daray “ ka qaybgalka shirkaasi wuxuu muujinaya sawir khaldan oo ah in Dawlada Somalia ka taliso Somaliland. Dawlada Somaliland waa dawlad metesha shacabka ku doortay hab-dimuqraadi ah. Mana jiri karto cid kale oo sinaba ku meteli karta danaha shacabka Somaliland”.

Sidoo kale waxay xukuumaddu sheegtay in muhiimadda shirkaasi leeyahay aanay ka ilduufin ee ay shirkaasi u gudbisay qorsho u gaar ah oo lagu caawin karo Somaliland “Somaliland waxa ay u gudbaysaa weji cusub oo ah fullinta Qorshaha Horumarinta Qaranka. Shirka dhacaya Brussels ayay bulshada caalamku si rasmi ah ugu qoondaynaysaa hannaan gaar u ah Somaliland oo ku salaysan mabaadiida caalamiga ah ee Heshiiska Cusub ee lagula dhaqmayo wadamada tamarta yar . Hannaankan gaarka u ah Somaliland waxa uu noqon doonaa qaab-dhismeedka istaraatiijiyadda ay saaxiibada deeqbixiyeyaashu ku maalgelinayaan qaybaha mudan ee Qorshaha Horumarinta Qaranka Somaliland”.

“Hannaanka gaarka u ah Somaliland gebi ahaantiiba waa mid ka madaxbanaan ka Soomaaliya ee ay taageerayso bulshada caalamku. Mabaadiida iyo mudnaanta hagaya Hannaanka gaarka u ah Somaliland waxay ku dhisanyihiin go’aanka Dawladda Somaliland oo latashi buuxda la samaynaysa bulshada Somaliland. Waxaanu halkan u caddaynaynaa in Somaliland aanay aqbali doonin hanaan siyaasidaysan oo xambaarsan weedho daciifinaya ama dibindaabyeynayaa raadinta aqoonsiga ee Somaliland”ayaa lagu yidhi war-saxaafadeedka.

Wasaaradu waxay sheegtay inay u mahad celinayso  deeq-bixiyeyaasha sida ay u tixgeliyaan himiloyiinka shacabka Somaliland, iyo taageerada iskaashiga horumarinta ee tixgelisay duruufaha u gaarka ah Somaliland.“hannaanka Somaliland u gaarka ahi waxa uu xoojinayaa Sanduuqa Horumarinta Somaliland (SHS) ee ay aasaaseen xukuumadaha Denmark iyo UK sannadkii 2012, kaas oo xaqiijiyaanaya maamul wanaag iyo xisaab celin laba geesooda ah ,isla markaana suurta gelinaaya in xukuumada Somaliland iyadu hogaamiso harumarka dalka”ayuu yidhi.

“Somaliland waxa ay seeska u dhigtay mustaqbal isbedel iyo koboc dhaqaale ku salaysan. Waddanku waa mid nabdoon oo xasilan; caruurteenu waxa ay haystaan fursad waxbarashada dugsiyada hoose oo bilaash ah; waxa aanu fidinay adeegyada caafimaad iyo biyo miyi iyo maagaalaba; muwaadiniintayaduna waxa ay si joogto ah uga qaybqaataan doorashooyinka dimuqraadiyadeed. Mahad waxa iska leh hannaanka adag ee maareynta xisaabaadka qaranka, kordhinta dakhliga cashuuraha iyo ka-hor-tagidda musuq-maasuqa. Miisaaniyadda Somaliland ee 2013 waatii ugu ballaadhnayd ee uguna dheeli-tirnayd ee soomarta taariikhda Somaliland”ayaa la raaciyey qoraalka.

Hadalkan ayaa ku soo beegmaya qabsoomidda shirkan shirkan Brussels ee midowga yurub u qabatay Soomaaliya sidii dib loogu dhisi lahaa, taas oo loogu yaboohay $862 Milyan oo doolarka Maraykanka, haseyeeshee Somaliland aanay ka qaybgalin shirkaasi.

Barkhad-ladiif M. Cumar, Hiiraan Online
[email protected]
Hargeysa, Somaliland













Click here
9/16/2013 8:02 PM EST
DAAWO SAWIRADA: Shirkii Midowga Yurub iyo dowladda Soomaaliya looguna yaboohay dhaqaale gaaraya 860 Million oo Dollar.

9/16/2013 3:10 PM EST
Isniin, September 16, 2013 (HOL) — Bannaanbax looga soo horjeedo shirkii Brussels ee dhaqaalaha loogu ururinayay Soomaaliya iyo madaxweyne Xasan Sheekh Maxamuud ayaa maanta ka dhacay magaalada Baydhabo ee xarunta gobolka Bay.

9/16/2013 1:18 PM EST
Isniin, September 16, 2013 (HOL) — Shirkii looga hadlayay higsiga cusub ee Soomaaliya ayaa lagu soo gabgabeeyay magaalada Brussels iyadoo uu ka hadlay madaxweynaha Soomaaliya dhaqaalaha loogu deeqay Soomaaliya.

9/16/2013 1:16 PM EST
Isniin, September 16, 2013 (HOL) — Madaxweynaha Somaliland Axmed Maxamed Maxamuud Siilaanyo oo ku gudda jira safarkiisi shaqo, ayaa maanta mashaariic horumarineed oo laga hirgaliyey magaaladda Burco qaarna xadhiga ka jaray, kuwo cusubna dhagax dhigay.

9/16/2013 9:33 AM EST
Isniin, September 16, 2013 (HOL) — Madaxii warfaafinta ee ururkii Xisbul Islaam, Sheekh Maxamed Macallin Cali ayaa maanta sheegay in dowladda Soomaaliya ay qorsheynayso inay dhawaan maxkamad soo taagto Sheekh Xasan Daahir Aweys oo muddo bilooyin ah u xiran dowladda federaalka Soomaaliya.

9/16/2013 9:15 AM EST
Isniin, September 16, 2013 (HOL) — Guddoomiyaha guddiga reer Yurub, Jose Manuel Barroso ayaa sheegay in Midowga Yurub ay ku bixinayaan dib u dhiska Soomaaliya ugu yahoobay 862-milyan oo doollarka Mareyanka ah, isagoo sheegay in shirka Brussels uu yahay mid lagu xoojinayo horumarka ay ku tallaabsatay Soomaaliya.

9/16/2013 8:59 AM EST
Isniin, September 16, 2013 (HOL) — Xildhibaannada baarlamaanka Somalia ayaa kulan ay maanta ku yeesheen xaruntooda magaalada Muqdisho waxay ku dhageysteen warbixinno la xiriira safarro shaqo oo xildhibaanno ka tirsan baarlamaanka ay ku tageen gobollada dalka qaarkood, iyadoo isla kulankii maanta loogu qaybiyay xildhibaannada mooshin la xiriira qodob lagu kordhinayo xeer hoosaadka baarlamaanka.

9/16/2013 5:03 AM EST
Isniin, September 16, 2013 (HOL) — Shirka Somalia loogu qabanayo dalka Belgium ayaa goor dhow ka furmay magaalada Brussels ee xarunta dalkaas iyadoo uu hadal ka jeediyay madaxweynaha Soomaaliya, Xasan Sheekh oo ay shirka wada-guddoominayaan isaga iyo Chatherine Ashton.

9/16/2013 2:54 AM EST
Isniin, September 16, 2013 (HOL) — Ra'iisul Wasaarihii hore ee Somalia, Prof. Cabdiweli Maxamed Cali (Gaas) oo horay ugu dhawaaqay inuu yahay murashax u tartamaya xilka madaxweynimo ee maamulka Puntland ayaa sheegay inuu dhawaan tegi doono Puntland si uu ugu ololeedyo doorashada dhacaysa bisha Jannaayo 2014-ka.

9/16/2013 2:31 AM EST
Isniin, September 16, 2013 (HOL) — Madaxweynaha Somalia, Xasan Sheekh Maxamuud ayaa shirka Brussels ee maanta furmaya ka muujiyay rajo weyn, isagoo sheegay inuu yahay shirk a duwan kuwii Soomaaliya horay loogu qaban jiray.