3/19/2024
Today from Hiiraan Online:  _
Wararka Maanta- Sabti, Sept 14, 2013
Xarrakada Al-shabaab oo ka Hadashay Shirkii Culummada ee Muqdisho lagu soo gabgabeeyay iyo Xaaladaha Jubbooyinka

Sabti, September 14, 2013 (HOL) — Xarakada Al-shabaab oo dowladda kula jirta dagaal ayaa ka hadashay shir ay culummada Soomaaliyeed Muqdisho kusoo gabgabeeyeen, shirkaas oo laga soo saaray fadwo ka dhan ah ururka Al-shabaab.

Sheekh Maxamed Dul-yadeyn oo ka mid ah saraakiisha Al-shabaab ayaa shir jaraa’id oo uu qabtay wuxuu ku sheegay in culummada ay yihiin kuwo lasoo adeegsaday oo la doonayo in lagula dagaalamo Al-shabaab.

“Culummada ku shiray Muqdisho waa kuwo ay gaalo soo adeegsatay, waana kuwo la doonayo in loo adeegsado dagaalka Al-shabaab lagula jiro,” ayuu ku yiri hadalkiisa Sheekh Dul-yadeyn oo intaas ku daray inay qorshe walba oo lasoo maleego ay ka hortagayaan.

Mas’uulkan oo si aad ah ugu dheeraaday ka hadalka shirkii Muqdisho lagu soo gabagabeeyay ayaa sheegay in qodobbadii kasoo baxay ay qaarkood ahaayeen kuwo aan waafaqsanayn diinta Islaamka.

Culummaa’uddiinkii Soomaaliyeed ee ku shiray Muqdisho ayaa qodobadii ay kasoo saareen shirkooda waxaa ka mid ahaa in manhajka ay Al-shabaab ku faafinayso dalka uusan ahayn mid waafaqsan diinta islaamka, iyagoo si cad uga digay in la taageero Al-shabaab.

Dhanka kale, Sheekh Dul-yadeyn ayaa ka hadlay xaaladda ay Jubbooyinka ku sugan yihiin, isagoo sheegay in ciidamada Kenya ay awood ahaan hoos u dhaceen ayna ku eg-yihiin oo keliya saldhigyada ay ku sugan yihiin.

“Ciidamada Kenya waxay daggan yihiin degmooyinka Kismaayo, Afmadow, Dhoobley iyo Badhaadhe, sidoo kalena ay deggen yihiin tuulooyin ay ka mid yihiin: Taabto, Qooqaani iyo Kulbiyoow,” ayuu hadalkiisa ku daray xilli uu ka hadlayay masaajid ku yaalla degmada Baraawe ee gobolka Shabeellada Hoose shalay oo Jimco ahayd.

Sarkaalku wuxuu sheegay in xoogagga Al-shabaab iyo shacabka ku nool gobollada Jubbooyinka ay isku xiran yihiin ayna wada-shaqeeyaan, ayna diyaar u yihiin inay ku weerari doonaan meel walba cadowgooda sida uu hadalka u yiri.

Hadalkan Sheekh Maxamed Dul-yadeyn ayaa wuxuu kusoo beegmayaa xilli Al-shabaab ay qaraxyo ka geysteen toddobaadkii hore magaalada Muqdisho iyo magaalada Kismaayo ee xarunta gobolka Shabeellada, kuwaaaso ay ku dhinteen in ka badan 35-qof oo shacab iyo ciidammo isugu jira.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/14/2013 3:02 PM EST
Sabti, September 14, 2013(HOL) :- Sakariye Yaquub Cabdi waa Wiil 4 sano jir ah ,waxuuna dhashey sanadkii 2010kii,isagoona ku dhashey Magaalada Luuq ee Gobolka Gedo,waxuuna tan iyo markii uu dhashey uu la xanuunsan yahay Cudurka Neerfaha oo jirkiisa oo dhan saameeyey,mana fadhiisan karo,waxaana dhibaya wax cunista waxa keliya ee uu isticmaalo ayaa ah Caanaha oo cabitaankooda ay ku adagtahay.

9/14/2013 11:49 AM EST
Sabti, September 14, 2013 (HOL) — Fannaanada weyn ee Soomaaliyeed, Hibo Maxamed Gudoon (Hibo Nuura) ayaa maanta xaflad soo dhaweyn ah oo weyn loogu sameeyay xarunta Rugta ganacsiga Soomaaliyeed, iyadoo kulan la qaadatay mas’uuliyiinta rugta.

9/14/2013 11:19 AM EST
Sabti, September 14, 2013 (HOL) — Dowladda Soomaaliya iyo dalalka deeq-bixiyeyaasha ah ayaa lagu wadaa inay maalinta Isniinta ah ee soo socota ku saxiixaan magaalada Brussels ee xarunta dalka Belgium heshiis ku saabsan dib u dhiska Soomaaliya oo socon doona muddo saddex sano ah, iyadoo ay saraakiisha Midowga Yurub sheegeen in dib u dhiskaas ay ku bixi doonto in ka badan hal bilyan oo EURO.

9/14/2013 11:19 AM EST
Sabti, September 14, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa maanta xadhiga ka jaray dugsiga Tobabarka Saraakiisha Ciidamadda Militariga Somaliland ee Dararweyne ee gobolka Maroodi-jeex.

9/14/2013 9:42 AM EST
Sabti, September 14, 2013 (HOL) — Hay’adda samafalka Hormuud Telecom Foundation ayaa iyadoo ka jawaabaysa codsiga qaar ka mid xoogsatada ku xamaalata gaari-gacannada ayaa 40 ruux oo ka mid ah waxay u qaybisay gaari-gacanno ay ku shaqeystaan.

9/14/2013 8:47 AM EST
Sabti, September 14, 2013 (HOL) — Saraakiil ka socta ciidamada booliiska howlgalka midowgga Africa AMISOM oo maanta gaaray magaalada Beledweyne ayaa kulamo kala duwan waxaa ay la qaateen mas'uuliyiinta maamulka gobolka, saraakiisha ciidamada booliiska maamulka iyo kuwa Jabuuti ee howlgalka Midowga Afrika ee AMISOM.

9/14/2013 8:37 AM EST
Sabti, September 14, 2013 (HOL) — Iskaashatada gaadiidka BL-ka ee gobolka Bari, ayaa cabasho xooggan ka muujiyey ammarro ay dhowaan si wada jir ah usoo saareen wasaaradaha amniga; howlaha guud iyo gaadiidka iyo taliska ciidamada booliska ee Puntland.

9/14/2013 8:30 AM EST
Sabti, September 14, 2013 (HOL) — Wafdi uu horkacayo hogaamiyamaha maamulka KMG ah ee Jubba, Sheekh Axmed Maxamed Islaam (Sh. Axmed Madoobe) ayaa maanta ka duulay magaalada Kismaayo, waxaana wafdiga uu kusii jeeda magaalada Nairobi halkaasoo la filayo inuu uga sii ambabaxo magaalada Brussels ee dalka Biljimka.

9/14/2013 8:30 AM EST
Sabti, September 14, 2013 (HOL) — Kulan lagu taageerayay fatwadii laga soo saaray shirkii culumaa'uddiinka Soomaaliyeed ayaa maanta ka dhacay magaalada Muqdisho, iyadoo lagu dalbaday in la dhaqan-gelinayo qodobadii kasoo baxay shirkii culummada ee shanta maalmood socday Muqdisho.

9/14/2013 7:56 AM EST
Sabti, September 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa si weyn u cambaareeyay qaxayadii dhacaan ka dhacay magaalada Muqdisho iyo Kismaayo ee ay dadka badan naftooda ku waayeen, isagoo ku tilmaamay inay ahaayeen kuwo axmaqnimo ah oo lagu dilay dad shacab ah.

9/14/2013 3:16 AM EST
Sabti, September 14, 2013 (HOL) — Ergayga Qaramada Midoobay ee arrimaha Samalia, Nicholas Kay oo la hadlayay xubnaha golaha ammaanka ee Qaramada Midoobay Khamiistii lasoo dhaafay ayaa amaanay horumarka ay ku tallaabsatay Soomaaliya, isagoo xusay inaan la oran karin dhibaatadii Soomaaliya way dhammaantay.

9/14/2013 2:40 AM EST
Sabti, September 14, 2013 (HOL) — Xildhibaannada baarlamaanka Somalia ayaa waxay maanta kulan ay ku dhageysanayaan xaruntooda Muqdisho waxay ku dhageysan doonaan warbixinno ku saabsan xaaladaha gobollada dalka iyo nolosha dadka ku nool.

9/14/2013 2:21 AM EST
Sabti, September 14, 2013 (HOL) — Golaha ammaanka Qaramada Midoobay ayaa soo dhaweeyay heshiiskii ay magaalada Addis Ababa ee dalka Itoobiya ku kala saxiixdeen dowladda Soomaaliya iyo maamulka Jubba bishii Ogoosto ee aynu soo dhaafnay, iyagoo labada dhinac ugu baaqay inay meel mariyaan qodobbadii heshiiskaas.