3/19/2024
Today from Hiiraan Online:  _
Wararka Maanta- Sabti, Sept 14, 2013
Golaha Ammaanka ee Qaramada Midoobay oo Taageeray Heshiiskii ay kala Saxiixdeen Dowladda Somalia iyo Maamulka Jubba

Sabti, September 14, 2013 (HOL) — Golaha ammaanka Qaramada Midoobay  ayaa soo dhoweeyay heshiiskii ay magaalada Addis Ababa ee dalka Itoobiya ku kala saxiixdeen dowladda Soomaaliya iyo maamulka Jubba bishii Agoosto ee aynu soo dhaafnay, iyagoo labada dhinac ugu baaqay inay meel mariyaan qodobbadii lagu heshiiyey.

Kulan ay goluhu shalay yeesheen ayay sidoo kale ku cambaareeyeen qaraxyadii ay Al-shabaab ka geysteen bishan maqaayad ku taalla Muqdisho iyo kii lagu weeraray Sheekh Axmed Madoobe ee ka dhacay magaalada Kismaayo.

Xubnaha golaha ayaa warbixintooda ugu mahadceliyay dowladda Itoobiya iyo urur goboleedka IGAD oo ay sheegeen inay dadaal badan ku bixiyeen sidii heshiiskan ay u gaari lahaayeen dowladda Soomaaliya iyo maamluka Jubba una saxiixi lahaayeen.

Dowladda Soomaaliya iyo maamulka Jubba ayaa waxay xubnaha goluhu ugu baaqeen inay ka fogaadaan wax walba oo caqabad ku noqon kara heshiiskii ay kala saxiixdeen, ayna sida ugu dhaqsiyaha badan ku dhameystiraan inta dhiman.

Sidoo kale, goluhu wuxuu xusay in iyagoo ilaalinaya xorriyadda iyo madax-bannaanida dhuleed ee Soomaaliya ay dhinacyada ka codsanayaan inay ilaaliyaan cunno-qabteynta dhoofinta dhuxusha ee goluhu uu horay ugu soo rogay Soomaaliya.

Dhanka kale, golaha ammaanka ee Qaramada Midoobay ayaa sheegay inay cambaareynaynaa qaraxyadii ay Al-shabaab ka geysteen xarunta Somalia ee Muqdisho iyo magaalada Kismaayo, kuwaasoo ay ku dhinteen ku dhowaad 40-qof oo isugu jirey dad rayid ah iyo askar.

Goluhu wuxuu weerarradaas ku tilmaamay kuwo argagaxiso oo dhibaato loogu geystay shacab aan waxba galabsan oo Soomaaliyeed, iyagoo xusay in qaraxyadaasi ay qayb ka yihiin dhibaatooyinka ay Soomaaliya ka geysanayaan kooxaha argagaxisada ah.

Ugu dambeyn, golaha ammaanku wuxuu taageeray howgalka Midowga Afrika ee AMISOM iyo dagaallada ay kula jiraan Al-shabaab iyagoo kaashanaya ciidamada dowladda Soomaaliya. Golaha ayaa ku baaqay in lasii xoojiyo howlgalka iyo dagaalka lagula jiro Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/14/2013 3:02 PM EST
Sabti, September 14, 2013(HOL) :- Sakariye Yaquub Cabdi waa Wiil 4 sano jir ah ,waxuuna dhashey sanadkii 2010kii,isagoona ku dhashey Magaalada Luuq ee Gobolka Gedo,waxuuna tan iyo markii uu dhashey uu la xanuunsan yahay Cudurka Neerfaha oo jirkiisa oo dhan saameeyey,mana fadhiisan karo,waxaana dhibaya wax cunista waxa keliya ee uu isticmaalo ayaa ah Caanaha oo cabitaankooda ay ku adagtahay.

9/14/2013 1:44 PM EST
Sabti, September 14, 2013 (HOL) — Xarakada Al-shabaab oo dowladda kula jirta dagaal ayaa ka hadashay shir ay culummada Soomaaliyeed Muqdisho kusoo gabgabeeyeen, shirkaas oo laga soo saaray fadwo ka dhan ah ururka Al-shabaab.

9/14/2013 11:49 AM EST
Sabti, September 14, 2013 (HOL) — Fannaanada weyn ee Soomaaliyeed, Hibo Maxamed Gudoon (Hibo Nuura) ayaa maanta xaflad soo dhaweyn ah oo weyn loogu sameeyay xarunta Rugta ganacsiga Soomaaliyeed, iyadoo kulan la qaadatay mas’uuliyiinta rugta.

9/14/2013 11:19 AM EST
Sabti, September 14, 2013 (HOL) — Dowladda Soomaaliya iyo dalalka deeq-bixiyeyaasha ah ayaa lagu wadaa inay maalinta Isniinta ah ee soo socota ku saxiixaan magaalada Brussels ee xarunta dalka Belgium heshiis ku saabsan dib u dhiska Soomaaliya oo socon doona muddo saddex sano ah, iyadoo ay saraakiisha Midowga Yurub sheegeen in dib u dhiskaas ay ku bixi doonto in ka badan hal bilyan oo EURO.

9/14/2013 11:19 AM EST
Sabti, September 14, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa maanta xadhiga ka jaray dugsiga Tobabarka Saraakiisha Ciidamadda Militariga Somaliland ee Dararweyne ee gobolka Maroodi-jeex.

9/14/2013 9:42 AM EST
Sabti, September 14, 2013 (HOL) — Hay’adda samafalka Hormuud Telecom Foundation ayaa iyadoo ka jawaabaysa codsiga qaar ka mid xoogsatada ku xamaalata gaari-gacannada ayaa 40 ruux oo ka mid ah waxay u qaybisay gaari-gacanno ay ku shaqeystaan.

9/14/2013 8:47 AM EST
Sabti, September 14, 2013 (HOL) — Saraakiil ka socta ciidamada booliiska howlgalka midowgga Africa AMISOM oo maanta gaaray magaalada Beledweyne ayaa kulamo kala duwan waxaa ay la qaateen mas'uuliyiinta maamulka gobolka, saraakiisha ciidamada booliiska maamulka iyo kuwa Jabuuti ee howlgalka Midowga Afrika ee AMISOM.

9/14/2013 8:37 AM EST
Sabti, September 14, 2013 (HOL) — Iskaashatada gaadiidka BL-ka ee gobolka Bari, ayaa cabasho xooggan ka muujiyey ammarro ay dhowaan si wada jir ah usoo saareen wasaaradaha amniga; howlaha guud iyo gaadiidka iyo taliska ciidamada booliska ee Puntland.

9/14/2013 8:30 AM EST
Sabti, September 14, 2013 (HOL) — Wafdi uu horkacayo hogaamiyamaha maamulka KMG ah ee Jubba, Sheekh Axmed Maxamed Islaam (Sh. Axmed Madoobe) ayaa maanta ka duulay magaalada Kismaayo, waxaana wafdiga uu kusii jeeda magaalada Nairobi halkaasoo la filayo inuu uga sii ambabaxo magaalada Brussels ee dalka Biljimka.

9/14/2013 8:30 AM EST
Sabti, September 14, 2013 (HOL) — Kulan lagu taageerayay fatwadii laga soo saaray shirkii culumaa'uddiinka Soomaaliyeed ayaa maanta ka dhacay magaalada Muqdisho, iyadoo lagu dalbaday in la dhaqan-gelinayo qodobadii kasoo baxay shirkii culummada ee shanta maalmood socday Muqdisho.

9/14/2013 7:56 AM EST
Sabti, September 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa si weyn u cambaareeyay qaxayadii dhacaan ka dhacay magaalada Muqdisho iyo Kismaayo ee ay dadka badan naftooda ku waayeen, isagoo ku tilmaamay inay ahaayeen kuwo axmaqnimo ah oo lagu dilay dad shacab ah.

9/14/2013 3:16 AM EST
Sabti, September 14, 2013 (HOL) — Ergayga Qaramada Midoobay ee arrimaha Samalia, Nicholas Kay oo la hadlayay xubnaha golaha ammaanka ee Qaramada Midoobay Khamiistii lasoo dhaafay ayaa amaanay horumarka ay ku tallaabsatay Soomaaliya, isagoo xusay inaan la oran karin dhibaatadii Soomaaliya way dhammaantay.

9/14/2013 2:40 AM EST
Sabti, September 14, 2013 (HOL) — Xildhibaannada baarlamaanka Somalia ayaa waxay maanta kulan ay ku dhageysanayaan xaruntooda Muqdisho waxay ku dhageysan doonaan warbixinno ku saabsan xaaladaha gobollada dalka iyo nolosha dadka ku nool.