3/29/2024
Today from Hiiraan Online:  _
Wararka Maanta- Talaado, Sept 10, 2013
Natiijadii Imtixaankii Shahaadiga Dugsiyada Dhexe & Sare ee Somaliland oo si rasmi ah Maanta lagu dhawaaqay (SAWIRRO)


Talaado, September 10, 2013 (HOL) — Xafiiska Imtixaanaadka wasaaradda waxbarashadda Somaliland ayaa maanta ku dhawaaqay imtixaankii shahaadiga ahaa ee fasallada afaraad ee dugsiyadda sare iyo fasallada siideeddaad ee dugsiyada dhexe.

Guddoomiyaha xafiiska Imtixaanka Qaranka Daa’uud Axmed Faarax, ayaa maanta ku dhawaaqay imtixankaasi shahaadiga, waxaanu sheegay inay imtixaankaasi u fadhiisteen guud ahaan 19,452 arday (sagaal iyo toban kun, afar boqol iyo laba iyo konton arday), kuwaas oo kala ah 12,142 Arday waa dugsiyadda dhexe ee fasaladda 8aad, halka dugsiyada sare ee fasaladda 4aad yihiin 7,310 arday.

Guddoomiyaha imtixaanka ayaa sheegay sanad dugsiyeedka 2012/2013 ee imtixaanka gashay kala yihiin dugsiyadda dhexe 12142 arday, waxa gudbay 11679 arday, waxa dhacay 193 arday, waxa ka habsaamay 271 arday, halka dugsiyada sarana ay galeen 7310 arday, waxaana gudbay 7017 arday, waxa habsaamay 293 arday, wax dhacayna may jirin.

“Sannadkan wax dhibaato kama aanan kulmin imtixaanka diyaarintisa iyo sixitaankiisa iyo ilaalintiisaba oo si wanaagsan ayuu ilaahay noogu guuleeyey”ayuu yidhi Gudoomiyaha Imtixaanaadka Daa’uud Axmed oo ka hadlayey imtixaanka, waxaanu intaas ku daray “Barigii hore waxa imtixaanka nala gali jiray dhagoleyaasha, laakiin sanadkan waxa ku cusbaa indhooleyaasha iyo gacmoolayaasha oo dhibco wanaagsan ku gudbay, taasina waa guul usoo hoyotay Somaliland”.

“Haddii aad arki lahayd arday Mustafe la yidhaa sida uu ku galay imtixaanka ilaahay si fiican baad ugu mahadnaqi lahayd caafimaadka uu ku siiyey, inankaasi indho iyo gacmo toona ma lahayn oo lugaha ayuu wax ku qorayey, dhibco aad u sareeyana wuu keenay”ayuu yidhi gudoomiyaha oo ka hadlayey wiilkaasi labada laxaad aan lahayn ee imtixaanka la fadhiistay ardayda dugsiyada dhexe.

Waxaa xusid mudan in sanadkan ay imtixaanka u fadhiisteen ardayda dhagooleyaasha iyo indhooleyaasha, waxaana ku jiray sanadkan arday labadda laxaad ee ugu muhiimsan ka maqan yihiin, waxaanu lahayn indho iyo gacmo, waxaanu imtixaanka kaga shaqaynayey lugaha, waxaanu gudoomiyaha imtixaanku sheegay inuu ardaydaasi dhibco fiican keenay, isagoo dadweynaha ku baraarujiyey inay ardayda naafada ah ee guryaha u jooga waxbarashadda keenaan.

“Waxaan ka mid ahaa ardayda naafada ah ee indhaha iyo gacmaha lahayn ee imtixankaasi gashay, waxaana ku faraxsanahay in aan imtixaankaasi darajo fiican aan keeno”ayuu yidhi  Mustafe Maxamed Ciise oo ka socday dugsiga Indhooleyaasha magaaladda Hargeysa.

“Imtixaanka waxaan ku qorayey lugahayga oo aan isticmaalayey qalabka ay wax ku qoraan Indhooleyaasha, carabka ama dibnahana waan ku akhriyeyey”ayuu yidhi mar aan waydiiyey qaabka uu imtixaanka u galay madaama oo uu naafo ka yahay indhaha iyo labadda gacmoodba.

Si kastaba ha ahaatee, Ardayda dugsiyadda Sare iyo dhexe ayaa baryahanba sugayey in loogu dhawaaqo imtixaanka si ay waxbarashadooda u sii wataan, waxaana kaalinta koowaad u galay dugsiyada dhexe ee Somaliland Hoodo Khadar Jees oo ka socotay Imaamu shaafici ee magaaladda Hargeysa, waxaana dugsiyadda sare kaalinta kowaad galay Cabdisamad Suleemaan Hasan oo ka socday dugsiga SOS ee magaaladda Sheekh.



Barkhad-ladiif M. Cumar, Hiiraan online
[email protected]
Hargeysa, Somaliland













Click here
9/10/2013 1:58 PM EST
Talaado, September 10, 2013 (HOL) — Kaddib markii golaha malaaqyada Digil iyo Mirifle ay dhawaan amar ku bixiyay in wafdi ka socda dowladda Soomaaliya aysan imaan karin magaalada Baydhabo, ayaa waxaa loo diiday in magaaladaas ay galeen wafdi ka socday wasaaradda horumarinta iyo adeegga bulshada.

9/10/2013 1:41 PM EST
Talaado, September 10, 2013 (HOL) — Dowladda Soomaaliya ayaa maanta heshiis iskaashi kula saxiixatay magaalada Sanca xukuumadda dalka Yemen kaddib kulammo maalmihii lasoo dhaafay ay halkaas ku yeelanayeen wafdi uu hoggaaminayo ra’iisul wasaaraha Soomaaliya iyo mas’uuliyiin ka tirsan dalka Yemen.

9/10/2013 1:26 PM EST
Talaado, September 10, 2013 (HOL) — Madaxweynaha Somaliland, Axmed Maxamed Maxmauud (Siillaanyo), ayaa maanta shahaadooyin gudoonsiiyey in ka badan kun arday oo ka qalinjabisay jaamacadda Golis ee magaaladda Hargeysa.

9/10/2013 1:20 PM EST
Talaado, September 10, 2013 (HOL) — Munaasabad qado sharaf ahayd oo lagu soo dhaweynayey wafdigii uu hoggaaminayay Sheekh Axmed Maxamed Islaan (Axmed Madoobe) ayaa maanta loogu sameeyay magaalada Muqdisho.

9/10/2013 1:16 PM EST
Talaado, September 10, 2013 (HOL) — Fanaanadda caanka ee Soomaaliyeed, Hibo Maxamed Gudoon (Hibo Nuura) ayaa dib ugu soo laabtay 22-sano kaddib magaalada Muqdisho ee xarunta Soomaaliya, kaddib casuumaad ay ka heshay maamulka gobolka Banaadir.

9/10/2013 1:00 PM EST
Talaado, September 10, 2013 (HOL) — Haweeney ayaa ku dhimatay laba qof oo kalena way ku dhaawacmeen qarax bambaano oo gellinkii dambe ee maanta ka dhacay gudaha suuqa Bakaaraha ee magaalada Muqdisho.

9/10/2013 9:38 AM EST
Talaado, September 10, 2013 (HOL) — Inkastoo ay ku adkeyd in helaan tasiilaadkii iyo taageeradii ay u baahnaayeen haddana waxaa la oran karaa guddiga Isboortiga gobolka Hiiraan iyo naadiyada kala duwan ee ka dhisan gobolka bilihii ugu danbeeyay waxaa ay sameeyeen hormar ballaaran kadib markii tartamo is daba joog ah oo sare u qaadaya mooralka iyo niyada cayaartooyda ay ku qabteen magaalada Beledweyne.

9/10/2013 9:05 AM EST
Talaado, September 10, 2013 (HOL) — Ra’isul Soomaaliya, Cabdi Faarax Shirdoon “Saacid” iyo wafdigiisa ayaa xalay ka qayb-galay munaasabad soo dhaweyn ah oo jaaliyadda Soomaaliyeed ee dalka Yemen ay u sameeyeen, xafladdan ayaa ahayd mid si weyn loo soo agaasimay waxaana lagu soo bandhigay gaaddo-ka-ciyaar, heeso iyo murti kala duwan. Iyadoo jaaliyadda Soomaalidu muujisay sida ay ugu hiloobeen dalkooda ayna ka shaqeynayaan sidii ay ugu laaban lahaayeen.

9/10/2013 9:05 AM EST
Talaado, September 10, 2013 (HOL) — Jaamacadda Muqdisho oo ka mid ah jaamacadaha ugu faca-weyn Soomaaliya ayaa shalay kusoo gaba-gabeysay magaalada Muqdisho tartan ay ugu magic-dartay todobaad dhaqanka kaasoo lagu soo dhaweynayay ardayda cusub ee ku soo biirtay jaamacadda.

9/10/2013 7:37 AM EST
Talaado, September 10, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa ku qaabiliay wafdi ka socday dalka Shiinaha oo uu hoggaaminayay safiirka Shiinaha ee Kenya, Liu Guangyuan ayaa waxaa ka mid ahaa khubaro ku xeel dheer qiimeynta dhismaha.

9/10/2013 7:23 AM EST
Talaado, September 10, 2013 (HOL) — Kal-fadhigii saddexaad ee baarlamaanka Somalia ayaa maanta ka furmay Muqdisho iyadoo uu hadal dheer ka jeediyay madaxweyne, Xasan Sheekh Maxamuud kaasoo uu kaga hadlay waxqabadka xukuumaddiisa tan iyo markii isaga la doortay.

9/10/2013 7:05 AM EST
Madaxweyne ku xigeenka Kenya William Ruto ayaa maanta la horgaynayaa maxkamada dambiyada dagaalka ee The Hague, halkaasoo uu kaga jawaabi doono dacwado loo heysto oo ku aadan rabshadihii ka dhashay doorashooyinkii la isku khilaafay ee sanadkii 2007-dii ka dhacay dalka kenya.

9/10/2013 2:22 AM EST
Talaado, September 10, 2013 (HOL) — Sheekh Axmed C/samad oo ka mid ah culummada ka qaybgalaya shirka looga xag-jirnimada ee Muqdisho ka socda ayaa sheegay in sababta loogu tukan la’yahay masaajidda Muqdisho ay tahay cabsi laga qabo Al-shabaab.

9/10/2013 1:58 AM EST
Talaado, September 10, 2013 (HOL) — Iyadoo maanta ay ku beegan tahay hal sano kaddib markii la doortay madaxweynaha Soomaaliya, Xasan Sheekh Maxamuud ayaa shacabka Soomaaliyeed waxay aragtiyo kala duwan ka bixiyeen waxqabadka dowladda halkii sano ee lasoo dhaafay.