3/28/2024
Today from Hiiraan Online:  _
Wararka Maanta- Arbaco, May 8 , 2013
Somaliland oo soo dhaweynsay Go’aannadii ka soo baxay Shirkii London ee looga Hadlayay Horumarinta Somalia


Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

Wasiirka arrimaha dibadda Somaliland, Maxamed Cabdullaahi Cumar ayaa sheegay in xukuumadda Somaliland ay soo dhaweeyay war-murtiyeedkii ka soo baxay shirkii London, isagoo sheegay in shirkaas ay taageersan yihiin, balse go’aannadii kasoo baxay aysan ahayn kuwo quseeya Somaliland.

“Waxaan rajeeyneynaa in lagu guuleysto dhamaan go’aannadii kasoo baxay shirka. Innagu mar walba waxaan jecelnahay in Soomaaliya ay hagaagto oo ay noqoto meel ay nabadi ka jirto,” ayuu yiri wasiirka oo BBC-da qaybteeda afka Soomaaliga la hadlayay kaddib markii shirka lasoo gabagabeeyay.

Sidoo kale, wasiirku wuxuu sheegay in iyagu qodob ka mid ah kuwii kasoo baxay shirka ay soo dhaweynayaan, kaasoo ka hadlayay wadahadalladii ugu dambeeyay ee Soomaaliya iyo Somaliland ku dhexmaray dalka Turkiga.

“Innagu sidaan horayba u sheegtay qodobbada kasoo baxay shirkan waxay gaar u yihiin Soomaaliyaoo nabadgalyo xumo ay ka jirto, duniduna ay gacan ku siiso sidii ay uga bixi lahayeen dhibaatada. Marka go’aannadii shirkaas ka soo baxay ma ahan kuwo quseeya Somaliland, balse waxaan quuddarreynaynaa in dhaqaalaha faraha badan ee lagu deeqay ay Somaliland qaybteeda ka hasho, sida uu dhigayo shirkii lagu gaaray Ankara bishii hore," ayuu mar kale yiri wasiirka arriaha dibadd ee Somaliland.

Maamulka Somaliland ayaa horay u qaadacay ka qaybgalka shirka London ee loo qabanayay Soomaaliya, iyadoo sheegtay inuu yahay mid aanay dani ugu jirin, waxaase shirkaas uu ahaa mid yahoob dhaqaale loogu ururinayay Soomaaliya.

Boqolaal milyan oo doollarka Mareykanka ayaa lagu yaboohay shirkii shalay ka dhacay London, iyadoo beesha caalamka ay sheegtay inay Soomaaliya ka taageerayso saddex arrimood oo waaweyn, kuwaasoo kala ah, ammaanka, garsoorka iyo habeynta dhaqaalaha dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/8/2013 3:21 PM EST
Arboco, May 8, 2013 (HOL) - Madaxweyne Xasan Sheekh Maxamuud ayaa dhawaan la filayaa in kulan la qaato Jaaliyadda Soomaaliyeed ee magaalada London.

5/8/2013 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

5/8/2013 2:36 PM EST
Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

5/8/2013 1:36 PM EST
Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

5/8/2013 1:34 PM EST
Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

5/8/2013 8:40 AM EST
Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq la soo gaarsiiyay ciidamada maamulka gobolka Hiiraan.

5/8/2013 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

5/8/2013 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

5/8/2013 3:38 AM EST
Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

5/8/2013 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.