3/29/2024
Today from Hiiraan Online:  _
Wararka Maanta- Axad, May 26, 2013
Wasiirradii Xukuumadda Soomaaliya ee Shalay Baaqday oo Maanta Gaaray Magaalada Kismaayo ee Gobolka Jubbada Hoose

Axad, May 26, 2013 (HOL) — Wasiirradii xukuumadda Soomaaliya ee shalay ka baaqday safar ay ku tegi lahaayeen Magaalada Kismaayo ayaa maanta gaaray halkaas, iyadoo ay garoonka diyaaradaha kusoo dhaweeyeen xubno ka tirsan dowladda oo ku sugnaa Kismaayo.

Wafdigan oo ka kooban saddex wasiir ayaa waxaa hoggaaminayay wasiirka gaashaandhigga Soomaaliya, C/xakiin Maxamuud Xaaji Fiqi ayaa waxaa ka mid ah wasiirka warfaafinta, boostada iyo gaadiidka, C/llaahi Ciilmooge Xirsi iyo wasiirka garsoorka iyo cadaaladda, C/llaahi Abyan Nuur.

Xubnahan wasiirrada ayaa waxay garoonka diyaaradaha ee Kismaayo kulan kula leeyihiin saraakiisha ciidamada AMISOM ee ka socda dalka Kenya iyo xubno ka tirsan maamulka Sheekh Axmed Madoobe.

“Safarkeennu waa mid xaqiiqo raadin ah oo aan ugu kuurgalayno sidii aan wax badan uga ogaan lahayn xaaladda ka jirta magaalada,” ayuu yiri HOL u sheegay wasiirka gaashaandhigga Soomaaliya, C/xakiin Fiqi intii uusan ka dhoofin magaalada Muqdisho.

Lama oga inta casho ee ay ku sugnaan doonaan wasiirrada magaalada Kismaayo, waxaana sidoo kale safarkooda ku wehliya saraakiil ciidan iyo xubno kale oo dowladda ka tirsan.

Wasiirradan ayaa uga baaqday safarkii ay shalay ku tegi lahaayeen Kismaayo buuq ka dhashay booqashadooda, waxaase ay uu suurogashay inay gaaraan magaaladaas maanta oo Axad ah.

Socdaalka wasiirradan ka tirsan xukuumadda Soomaaliya ayaa wuxuu kusoo beegmayaa iyadoo maanta uu ka dhacay magaalada Kismaayo bannaanbax looga soo horjeedo dowladda Soomaaliya.

Maamulka uu hoggaaminayo Axmed Madoobe ee Jubaland ayaa shir ay shalay ku yeesheen Kismaayo waxay ku cambaareeyeen siyaasadda dowladda ee ku wajahan gobollada Jubbooyinka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/26/2013 8:16 PM EST
Wariye Ibraahim Cumar Baafo ayaa wareysi la yeeshay Sheekh Axmed Madoobe, Madaxweynaha Jubalanda ee dhawaan lagu doortay magaalada Kismayo.

5/26/2013 11:03 AM EST
Axad, May 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay maanta mowqifka dowladda Soomaaliya ee ku aaddan maamul u sameynta gobollada Jubbooyinka, isagoo sheegay in loo marayo qodobbo ay horay dowladdu u dejisay.

5/26/2013 9:28 AM EST
Axad, May 26, 2013 (HOL) — Kulan ay isugu yimaadeen wax-garadka kasoo jeeda gobollada Jubbooyinka, haweenka, culumada iyo dhallinyarada laguna taageerayay go’aannadii kasoo baxay shirkii IGAD ee maamul u sameynta Jubbooyinka ayaa maanta lagu qabtay Muqdisho.

5/26/2013 8:52 AM EST
Axad, May 26, 2013 (HOL) — Degmada Heliwaa ee gobolka Banaadir ayaa waxaa maanta ka dhacay kulan ay soo qabanqaabisay Hay'adda CCD oo looga hadlayay nabadda Soomaaliya, waxaana kulankaasi kasoo qyb-galay madax ka tirsan maamulka gobolka Banaadir, guddoomiyaha Heliwaa iyo dhallinyaro tiradoodu ka badan tahay 100-qof oo isugu jira rag iyo haween.

5/26/2013 7:50 AM EST
Axad, May 26, 2013 (HOL) — Kooxo hubeysan ayaa xadka ay wadaagaan Soomaaliya iyo Kenya ku dilay shan qof oo ay ku jiraan laba sarkaal oo ka tirsan booliiska dalka Kenay, sida ay maanta oo Axad ah sheegeen xubno ka tirsan booliiska Kenya.

5/26/2013 6:26 AM EST
Axad, 26 May, 2013(HOL) :- Waxaa maanta magaalada Kismaayo ka dhacay dibad bax ballaaran oo looga soo horjeedo madaxweeynaha dowladda Soomaaliya Mudane Xasan Sheekh Max’uud iyo weliba qodobadii kasoo baxa shirkii madaxda urur goboleedka IGAD ay ku yeesheen magaalada Adisababa ee dalka Itoobiya.

5/26/2013 3:32 AM EST
Axad, May 26, 2012(HOL) :- Dagaal culus ayaa xalay saqdii dhexe ka dhacay deegaanka Dhamaajaaleey oo ku yaal gudaha xadka ay Kenya ay la wadaagto Soomaaliya, waxaana dagaalkaasi uu u dhexeeya xoogagga Al-shabaab iyo cutubyo ka tirsan ciidamada Kenya oo ku sugnaa deegaankaasi.

5/26/2013 3:11 AM EST
Axad, May 26, 2013 (HOL) — Ciidamada booliiska Soomaaliya oo gacan ka helaya kuwa nabadsugidda iyo booliiska AMISOM ayaa howlgallo dad badan lagu qabqabtay ka sameeyay shalay xaafadda Buulo-xuubeey ee degmada Wadajir.