3/28/2024
Today from Hiiraan Online:  _
Wararka Maanta- Axad, May 12, 2013
Aqoon is-weydaarsi la xiriira Baad-doonka Nabadda oo ka Socda Magaalada Laascaanood ee Gobolka Sool (SAWIRRO)


Axad, May 12, 2013 (HOL) — Aqoon is-weydaarsi la xiriira xalinta khilaafaadka iyo kobcinta nabada oo ay ka qayb-qaadanayaan qaar ka mid ah culummada diinta iyo madaxda dhaqanka ayaa lagu qabtay Magaaladda Laascaanood xarunta gobolka Sool.

Aqoon is-weydaarsigan oo ay soo qaban-qaabiyeen ururka wadaniga ah ee Xaqsoor ayaa socon doona laba maalmood iyadoo lagu lafa-guri doono xalinta khilaafaadka bulshada dhexdeeda ah sida uu sheegay masuulka ururka Xaqsoor Cali Cartan.

Madaxa xafiiska ururka ee gobolka Sool, Carab Maxamed oo goobta ka hadlay ayaa isaguna ka warbixiyay qaabka la doonayo inay culummada iyo odayaasha dhaqanku iskula jaan-qaadaan si khilaafaadyada bulshada dhexdeeda ah loo xalliyo.

Ugu dambeyn, waxaa aqoon is-weydaarsigan furay guddoomiyaha gobolka Sool, Maxamed Faarax Aadan oo ka codsaday labada qaybood ee kulankan ka qayb-qaadanaya sidii ay ugu gudbi lahaayeen waxqabad oo dhibaatooyin uu sheegay inay gobolka ka jiraan wax uga qaban lahaayeen.

Aqoon is-weydaarsigan ayaan guud ahaan looga arkaa gobolka Sool mid macna badan ku fadhiya ama mira-dhal noqon kara; iyadoo uusan jirin xiriir u dhexeeya madaxdii dhaqanka marka laga reebo dhawr caaqil oo loogu talo-galay inay wax ka qabtaan deggaanno xiisado duuqoobay iyo kuwo haatan cusubiba ay ka taagan yihiin.



Seynab C. Warsame, Hiiraan Online
[email protected]
Laascaanood, Gobolka Sool













Click here
5/12/2013 8:49 AM EST
Shirka Soomaaliya wuxuu ka dhacay Lancaster House 7 Maajo 2013, waxaa si wadajir ah u martigeliyay Boqortooyada Ingiriiska iyo Soomaaliya, waxaana ka soo qayb-galay konton-iyo-afar saaxiibada iyo shariikyada Soomaaliya ah.

5/12/2013 8:35 AM EST
Axad, May 12, 2013 (HOL) — Shirkadda diyaaradaha Air Uganda ayaa lagu wadaa inay diyaaradaheedu ku yimaadaan Muqdisho duulimaadyo caalami, iyadoo noqonaysa diyaaraddii labaad oo caalami ah oo magaalada Muqdisho ku timaadda duulimaadyo caalami ah, marka laga reebo Turkish Airlines.

5/12/2013 8:08 AM EST
Axad, May 12, 2013 (HOL) — Sarkaal booliis ah ayaa lagu dilay degmada Mandheera ee gobolka Waqooyi-bari ee dalka Kenya, mid kalena dhaawac ayaa loo geystay; kaddib markii ruux hubeysan uu weerar ku qaaday saldhigga degmadaas oo ku dhow soohdinta ay wadaagaan Soomaaliya iyo Kenya.

5/12/2013 7:45 AM EST
Axad, May 12, 2013 (HOL) — Gaadiidleyda ka shaqeysa deegaannada gobolka Shabeellada Hoose oo maalmahan ka cabanayay isbaarooyin lacago looga qado oo ay sheegeen inay u yaallaan ciidamada dowladda Soomaaliya ayaa maanta xiray jidadka soo gala magaaladaas, taasoo keentay inay kulan la yeesheen ciidamada AMISOM ee ku sugan degmada Afgooye.

5/12/2013 7:24 AM EST
Axad, May 12, 2013 (HOL) — Ciidammo booliis ah oo fara badan ayaa lasoo dhigay waddooyinka waaweyn ee magaalada Muqdisho sida isgoyska KM-4 kuwaasoo kala hagayay gaadiidka, waxaana la sheegay in ciidamadan ay ka mid yihiin ciidammo ay dowladdu u diyaarisay inay sugto ammaanka guud ee caasimadda Soomaaliya.

5/12/2013 6:20 AM EST
Axad, May 12, 2013 (HOL) - Maalin kaddib markii uu xilka la wareegay taliyaha cusub ee booliiska Soonaaliya, Jen. C/karii Daahir Siciid (Saacid) ayuu ballanqaaday inuu adkayn doono amniga dalka, gaar ahaa caasimadda iyo gobollada kale ee ay dowladdu gacanta ku hayso.

5/12/2013 2:17 AM EST
Axad, May 12, 2013 (HOL) — Dowladda Suudaan ayaa Soomaaliya ugu deeqday hal milyan oo Euro si ay qayb uga noqoto barnaamijka lagu horumarinayo Soomaaliya oo dhawaan shirkiisa lagu qabtay magaalada London ee dalka Britain.