3/28/2024
Today from Hiiraan Online:  _
Wararka Maanta- Sabti, May 11, 2013
Hay’adda SWDC oo Deeq ka kooban Qalab Waxbarasho iyo kuwo Caafimaad ku Wareejisay Wasaaradda Adeegga Bulshada (SAWIRRO)


Sabti, May 11, 2013 (HOL) — Xarunta SWDC (Somali Women Developments Center ayaa waxay maanta ku wareejisay deeq isugu jirta qalab waxbarasho iyo mid caafimaad ku wareejisay maanta oo Sabti ah wasaarada adeegga bulshada xukuumadda Soomaaliya, waxaa deeqdan ay ka mid timid dadka Mareykanka, taasoo ay ugu talogaleen inay ku caawiyaan Soomaaliya.

Ururinta deeqdan ayaa waxaa ka qayb qaadatay Hay’adda SOMCARE oo inta badan ka shaqeysa u gargaarka ummadda Soomaaliyeed, waxayna deeqdan ay soo gaarsiiyeen haya’dda SWDC oo maanta wareejisay.

Xiriiriyaha hay’adda SWDC, Maryan Daqal Xuseen ayaa deeqdan guddoonsiisay agaasimaha qaybta haweenka iyo caruurta ee wasaaradda adeegga bulshada, Maxamed Cumar. Agaasimaha oo goobta ka hadlay ayaa ugu horreyn u mahadceliyay dadkii soo dhiibay deeqdan isagoo sheegay in deeqdan ay u timid xilli caruurta Soomaaliyeed ay baahi weyn u qabeen.



Maxamed Cumar waxaa sidoo kale u mahadceliyay haya’daha SOMCARE iyo SWDC oo uu sheegey inay yihiin Hay’ado go’aansaday sidii shacabkooda ay u caawin lahaayeen, isagoo kula dardaarmay inay howlahooda halkaas kasii wadaan; deeqaha noocan oo kale ahna ay si aad ah ugu baahan yihiin dadka Soomaaliyeed.

Sidoo kale, Maryan Daqal Xuseen oo iyaduna goobta ka hadashay ayaa u mahad-celisay hayaadda SOMCARE oo ay sheegtay in la’aanteed aysan soo gaari lahayn deeqdan shacabka Soomaaliyeed, waxayna ku boorsisay inay halkaas kasii wadfo howlaha ay bulshada Soomaaliyeed ugu adeegayaan, waxayna sidoo kale mas’uuliyiinta ka socotay wasaaradda adeegga bulshada u soo jeediasay inay deeqdaas gaarsiiyaan dadkii loogu talo-galay.

Deeqdaan oo ka koobanayd qalab waxbarasho iyo mid caafimaad ayaa waxaa ka mid ahaa: buugaag, qalimaan iyo qalab kala duwan oo ay caruurtu ku ciyaaraan. Qalabka caafimaadka ayaa waxaa iyagana ka mid ahaa daawooyin loogu talo-galay dadka dhaawaca ah, kuwa nafaqada iyo noocyo kala duwan oo lagu tacaalo cudurrada kala duwan ee dalka ka jira.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/11/2013 4:33 PM EST
Sabti, May 11, 2013(HOL)—Waxaa maalintii labaad ka socda xarunta International Coffee Organization shir looga hadlayo hawlaha ay AMISOM ka waddo Soomaaliya iyo sida ay qurba joogta soomaaliyeed uga faa,ideysan karaan fursadaha shaqo iyo sidii ay dalkooda wax ugu qaban lahaayeen.

5/11/2013 2:27 PM EST
Magaalada Minneapolis ee dalka Mareykanka ayaa waxaa lagu qabtay dood aad u xiisa badneyd ee lagu falanqeynayey arrimaha la xiriira Federalka Soomaaliya. Doodaada ayaa waxaa ka qayb-galay: Prof. Axmed I Samatar, Dr. Abdinur Sheekh Mohamed iyo Dr. Hodan Ciise

5/11/2013 8:49 AM EST
Sabti, May 11, 2013 (HOL) — Taliyaha cusub ee ciidanka booliiska Somalia Jen. C/kariin Daahir Siciid (Saacid) oo toddobaad ka hor loo magacaabay xilkan ayaa si rasmi ah maanta ula wareegay xilkiisa, waxaana xafladdii lagu wareejinayay xilka ka qaybgalay ra’iisal wasaaraha Somalia, Cabdi Faarax Shirdoon (Saacid), guddoomiya maxkamadda sare, Avv. Caydiid Cabdullaahi Ilka-xanaf iyo wasiirka arrimaha guddaha iyo ammaanka Qaranka, C/kariin Xuseen Guuleed.

5/11/2013 8:34 AM EST
Jimco, May 10, 2013 (HOL) — Hay’adda UN-OCHA oo isku-dubaridka gargaarka bani’aadamnimo u qaabilsan Qaramada Midoobay ayaa sheegtay in daad ka dhashay roobab mahiigaan ah oo ka da’ay Koonfurta Soomaaliya ay dileen toddoba caruur ah, 50,000 oo kalena ku qasbay inay guryahooda ka barakaac, sidoo kalena ay u baaba’een daadadkaas 6,400 oo hektar oo dhul-beereed ah.

5/11/2013 8:28 AM EST
Sabti, May 11, 2013 (HOL) — Wsaaradda Boosaha iyo isgaadhsiinta Somaliland ayaa sheegtay inay ogolaatay lambaradda fureyaasha cusub ee shirkadda TELESOM ku soo kordhisay Mobile-keeda gacanta.

5/11/2013 2:26 AM EST
Sabti, May 11, 2013 (HOL) — Gaadiidleyda ka shaqeysa degmooyinka gobolka Shabeellada Hoose ayaa saakay ku dhaqaaqay shaqo-joojin, kaddib markii ay sheegeen in isbaarooyin fara badan lasoo dhigtay waddooyinka isku xira degmooyinka gobolka.

5/11/2013 2:04 AM EST
Sabti, May 11, 2013 (HOL) — Askari ka tirsan ciidamada dowladda Somalia iyo laba qof oo rayid ah ayaa xalay ku dhintay xaafadda suuqa xoolaha ee degmada Huriwaa, kaddib shaqaaqooyin is-daba socday oo xaafaddaas ka dhacay.

5/11/2013 2:01 AM EST
Sabti, May 11, 2013 (HOL) — Ugu yaraan 10-qof ayaa ku dhintay tiro intaas ka badanna way ku dhaawacmeen dagaal u dhexeeya laba beelood oo shalay ka dhacay deegaanka Raamo oo ku dhow degmada Mandheera ee gobolka Waqooyi-bari dalka Kenya.