3/18/2024
Today from Hiiraan Online:  _
Wararka Maanta- Jimco, May 10, 2013
Dood cilmiyeed looga hadlayay saamaynta aaladaha cusub ee xiriirka bulshada oo Nairobi ka dhacday (SAWIRRO)
Dood-wadaag- Nairobi By SYAO (5).jpg


Jimco, May 10, 2013(HOL) - Dood-wadaagan oo looga hadlayay aaladaha ay ku wada xiriiraan bulshada sida Facebook, Paltalk, Twitter, myspace, MSN iyo wixii lamid ah ayaa waxaa lagu qabtay Magaalada Nairobi ee caasimada dalka Kenya.

Waxaa soo qaban qaabiyay dood wadaagan ururka u dooda xuquuqda dhalinyarada Soomaaliyeed ee SYAO, iyadoo ay ka soo qeyb galeen mas’uuliyiin, xildhibaano, siyaasiyiin, khuburo ku taqasusay aaladaha xiriirka bulshada (Social Media), dhalinyaro iyo haween.

Waxaana kamid ahaa marti sharafkii dood wadaaga ka qeyb galayay Dr. C/raxman Macalin C/lahi Baadiyow, aas aasihii Jaamacada Muqdisho, Eng. Axmed Macalin Fiqi, agaasimihii hore ee hay’adda Nabad Sugida Qaranka, Gudoomiyaha ururka SYAO Mohamed Ibrahim Cali (Mohamed Cajiib), Tervel okoko barre jaamacadeed ahna lataliyaha saxafiyiinta Africa, Cali Muse Cabdi oo ka tirsan wakaalada wararka ee (AFP), Ambasador Maxamed Xusen Owliyo, Safiirka Senegal ee dowlada Soomaaliya, Maxamuud Cali Ugaas C/lle, C/qaadir Dhaqane, Sayid Cali Mareeyihii hore ee Dekada Muqdisho, Shukri Afrax oo ah Saxafiyad, Siyaasiga C/nur Darmaan, Xildhibaan Salaad Cali Jeele, Qunsulka safarada Somaliya ee kenya Siyaad Maxamud Shire, Gudoomiyaha Kooxda Waayaha Cusub iyo Marti sharaf kale oo ka kala socday qeybaha ee bulshada.

Dood-wadaag- Nairobi By SYAO (7).jpg

Waxaa goobta lagu soo bandhigay faa’iidooyinka iyo khasaaraha ay leeyihiin aaladaha ay bulshada ku wada xiriiraan, waxaana la isla gartay in siyaabo badan oo xun loo adeegsado.

Dr Baadiyow ayaa waxa uu sheegay in siyaabo kala duwan loo isticmaalo adeegyadan, qaar ayaa u adeegsada siyaabo dadka lagu marin haabinaayo, dhinacyo badanna looga faa’iideysto.

Waxaa sidoo kale shaashadweyn lagu soo bandhigay tusaalayaal badan oo ku saleysnaa isticmaalka qaldan iyo adeegyadan iyo faa’iidoyinkooda.

Tusaale ahaan ayaa waxaa loo soo qaatay kooxaha Islaamiyiinta ee isticmaala aaladaha xiriirka bulshada (Social Media) kuna marin habaabiya qaar ka mid ah bulshada gaar ahaan dhalinyarada Soomaaliyeed ee ku nool wadamada caalamka, sida wadamada Yurub, America iyo Canada.

Dhalinyaradaan laga soo marin habaabiyo caalamka ayaa ku soo laabta dalka Somaliya iyagoo qaarkood ay ka qaybqaataan falal is qarxin ah, sidoo kale waxaa goobta lagu soo bandhigay film documentary ah oo ka hadlaya dhalinyaro lagu qalday aaladaha la iskula xiriiro.

Eng. Axmed Macali Fiqi oo isna ka hadlay goobta ayaa sheegay in aaladahan ay dalal badan ay kacdoono ka abuureen siyaabo fiican iyo siyaabo qaldana loo adeegsaday.

Cali Muuse Cabdi oo su’aalo goobta lagu soo bandhigay mid kamid ah oo quseysay saxaafada sharaxaad ka bixinayay ayaa kula taliyay warbaahinta soomaalida in ay ka fakaraan wararka lasoo dhigo aaladaha lagu xiriiro ayna hubiyaan.

Dhamaan martidii goobta ka hadashay ayaa ku booriyay dadka Soomaaliyeed iney u adeegsadaan qaabka wanaagsan oo dalka lagu horumarin karo, fikirada qaldana laga fogaado.

Dood-wadaag- Nairobi By SYAO (3).jpg
Dood-wadaag- Nairobi By SYAO (11).jpg
Dood-wadaag- Nairobi By SYAO (10).jpg
Dood-wadaag- Nairobi By SYAO (13).jpg
Dood-wadaag- Nairobi By SYAO (3).jpg
Dood-wadaag- Nairobi By SYAO (15).jpg

Axmed C/samad, Hiiraan Online
[email protected]
Nairobi , Kenya











Click here
5/10/2013 7:17 PM EST
Jimco, May 11, 2013(HOL)—Madaxweynaha Dowladda Federaalka Soomaaliya Xasan Shiikh Maxamuud oo maalmahan booqasho ku joogay dalka Ingiriiska ayaa wuxuu caawa la hadlay Soomaalida ku nool magaalada Birmingham oo isugu yimid in ay dhegeystaan khudbadda madaxweynaha Soomaaliya.

5/10/2013 10:22 AM EST
Jimco, May 10, 2013 (HOL) — Ciidamada dowladda Somalia kuwa AMISOM oo wata gaaadiidka gaashaaman ee dagaalka ayaa la wareegay maanta deegaanka Awdiinle oo ka tirsan gobolka Bay, kaasoo Baydhabo u jira 30-km, waxaana deegaankan ku sugnaa xoogagga Al-shabaab.

5/10/2013 6:24 AM EST
Jimco, May 10, 2013(HOL)— Munaasabadan oo ay soo qabanqaayeen haweenka Soomaliyeed ee UK ayaa si diirran loogu soo dhaweeyey Marwo Sahra Cumar Xasan oo ah Marwada Madaxweynaha Soomaaliya, iyadoo munaasabaddana ay ka soo qeybgaleen qeybaha kala duwan ee Dumarka soomaliyed ee ku nool magaalada London iyo nawaaxigeeda.

5/10/2013 2:35 AM EST
Jimco, May 10, 2013 (HOL) — Qaramada Midoobay ayaa sheegtay in 3,000 oo askari oo ka tirasn ciidamada AMISOM lagu dilay gudaha Soomaaliya tan iyo sannadkii 2007 oo uu howlgalkan billowday, iyadoo sheegtay in askarta ugu badan ee la dilay ay ka socdeen dalalka Uganda iyo Burundi.

5/10/2013 2:32 AM EST
Jimco, May 10, 2013 (HOL) —Ururka horumarinta deegaanka iyo bulshada ee loona soo gaabiyo (SECO) SOMALILAND ENVIRONMENT COMMUNITY DEVELOPMENT ORGANIZATION (SECO ) oo la aasaasay bishii Abriil 2010 kana howlgala gobolllada Awdal iyo Salal ayaa gobolka Awdal ka sameeyay wacyi-gelin ku saabsan khatarta tahriibka.

5/10/2013 2:12 AM EST
Jimco, May 10, 2013 (HOL) — Magaalada Baydhabo ayaa maalmahan waxay ahayd mid ammaankeeda faraha ka baxay; sidaas awgeed rag ganacsato ah ayaa sameystay shirkad qaabilsan ammaanka oo lagu magacaabo Galeyr, (Galeyr Security Service Corp) taasoo loogu talogalay inay ilaalso hay’adaha samafalka ah eek a howgalla Baydhabo.

5/10/2013 2:04 AM EST
Jimco, May 10, 2013 (HOL) — Madaxweynihii hore ee Puntland Gen. Maxamuud Muuse Xirsi (Cadde) oo maanta shir-jaa’id ku qabtay guriga uu ka degen yahay magaalada Qardho ee xarunta gobolka Karkaar, ayaa ka hadlay arimo badan oo la xiriira xaaladda siyaasadeed ee ay xilligan Puntland ku sugan tahay.