3/29/2024
Today from Hiiraan Online:  _
Wararka Maanta- Talaado, Mar 5 , 2013
Uhuru Kenyatta oo weli haya hogaanka doorashada, iyadoo la tiriyay codadka Afar Milyan oo ka mid ah kuwii la dhiibtay

Talaado, March 05, 2013(HOL) - Uhuru Kenyatta ayaa wali hogaaminaya doorashada, isagoo helay 54% codadka la tiriyay oo gaaraya 4 milyan oo cod.

Kenyan election 4.jpg
Uhuru Kenyatta iyo ku xigeenkiisa William Rut

Waxaana ku soo xiga Ra’iisul wasaaraha haatan Mr. Raila Odinga oo helay 40% codadka la tiriyay.

Natiijada ayaan wali si rasmi ah aan loo ogaan Karin, maadaama ay shalay codeeyeen in ka badan 10 milyan oo Kenyan ah, iyadoo doorashadana ay isu diwaan galiyeen dad kor u dhaafaya 14 milyan.

Hadii wareega koowaad lagu kala adkaan waayo waxay noqonaysaa in la aado wareeg labaad oo noqonaysa inay dhacdo 5-ta bisha soo socota ee April.

Balse hadii uu wareegan koowaad xaqiijiyo mid kamid ah musharrixiinta inuu helo 51% codadka guud ee la dhiibtay, kana helo 25%, 25 county oo kala duwan, waxaa uu noqonayaa madaxweynaha afraad ee Kenya, waxaana la dhaarinayaa 26-ka bishan March.

Dadweynaha dalka Kenya ayaan manta aan u soo bixin dibadda, guryahoodana ka fiirsanaya tirinta codadka, iyadoo socodkuna uu yaryahay magaalooyinka kala duwan ee dalka.

Caasimadda Nairobi wali waxaa xiran ganacsiyadii, waxayna dadweynuhu u dhag taagayaan waxa kasoo bixi kara natiijada doorashada, iyadoo dad badani ay ka cabsi qabaan in rabshado ay dhacaan marka lagu dhawaaqo natiijada rasmiga ah.

Xaafada Islii ee Soomaalidu ay ku badanyihiin ayaa iyadana ay wali xiranyihiin inta badan ganacsiyada marka laga reebo meelaha qaar ee lagu qaxweeyo, halkaas oo ay Soomaalidu kaga doodayaan doorashadii dhacday, iyagoo kala taageeraya musharrixiinta ay u kala codeeyeen.

Axmed C/samad, Hiiraan Online
[email protected]
Nairobi , Kenya













Click here
3/5/2013 3:38 PM EST
Talaado, March 05, 2013(HOL): Munaasabad lagu soo dhaweynayay Wasiirka Wasaaradda Horumarinta iyo Adeegga Bulshada Drs. Maryan Qaasim ayaa lagu qabtay magaalada London ee caasimadda dalka Britain.

3/5/2013 1:08 PM EST
Talaado, Maarso 05, 2013 (HOL) — Ra'iisal wasaaraha Soomaaliya, Cabdi Faarax Shirdoon ayaa maanta booqday goob maqaaxi ah oo xildhibaanno ka tirsan baarlamaanka ay ku geeriyoodeen, kuwaasoo kala ahaa: Yuusuf Mire Seeraar iyo C/weli Ow-Maxamuud, kadib markii qof waxyaabaha qarxa isku soo xiray uu isku qarxiyay 02, May 2012, xilli ay halkaas xildhibaannadu u joogeen howlo shaqo.

3/5/2013 12:51 PM EST
Talaado, Maarso 05, 2013 (HOL) — Madaxweynaha Soomaaliya, Xasan Sheekh Maxamuud oo safar ku jooga dalka Qatar ayaa khudbad dhinacyo badan taabanaysay ka jeediyay caawa telefishinka Al-jazeera, isagoo markii dambena su’aalo uga jawaabay dadkii dhageysanaya khudbadiisa.

3/5/2013 12:48 PM EST
Tuesday, March 05, 2013 (HOL) - Xilli la sugayo natiijada doorashada ayaa daqiiqado ka hor waxaa xaafada Islii ka dhacay labo qarax oo is daba joog ah.

3/5/2013 11:29 AM EST
Talaado, Maarso 05, 2013 (HOL) — Ra'iisal wasaaraha Soomaaliya, Cabdi Faarax Shir-doon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, gaashaandhigga, wasiir ku xigeenno, xildhibaanno iyo saraakiil ciidan ayaa gaaray degmada Caabudwaaq ee gobolka Galgaduud.

3/5/2013 10:51 AM EST
Talaado, Maarso 05, 2013 (HOL) — Golaha wasiirrada Puntland oo maanta isugu yimid kulankoodii todobaadlaha ahaa ayaa ka hadlay arimo dhowr ah oo ay kamid yihiin ammaanka, xaaladda abaaraha iyo maamul u sameynta gobollada Jubbooyinka iyo Gedo.

3/5/2013 9:00 AM EST
Talaado, Maarso 05, 2013 (HOL) — Maxkamadda ciidamada qalabka sida ee Puntland - laanteeda gobollada Bari, Karkaar iyo Sanaag- ayaa maanta xukun ku riddey sadex nin oo dhalinyaro ah, kuwaas oo lagu soo eedeeyey in ay ka tirsanaayeen ururka Al-shabaab.

3/5/2013 8:59 AM EST
Talaado, Maarso 05, 2013 (HOL) — Kooxo hubeysan ayaa xalay gurigiisa ka kaxaystay wiil dhallinyaro ah oo lagu magacaabi jiray, Maxamed Nuur Shacbaan oo 20-jir ahaa iyagoo toogtay markii ay guriga u jirsadeen hal KM, iyadoo ku dhuftay rasaas badan oo keentay in lagu aaso halkii lagu dilay.

3/5/2013 7:12 AM EST
Talaado, Maarso 05, 2013 (HOL) — Madaxweynaha Somaliland, Axmed Maxamed Maxamuud Siillaanyo, ayaa maanta qasriga madaxtooyadda ku soo dhoweeyey qaar ka mid ah ardayda dugsiyadda sare ee magaaladda Hargeysa.

3/5/2013 7:08 AM EST
Talaado, Maarso 05, 2013 (HOL) — Dagaalyahanno badan oo Al-shabaab ka tirsan ayaa ku dhintay qarax weyn oo shalay gellinkii dambe si lama filaan ah uga dhacay degmada Buulo-burte ee gobolka Hiiraan, iyadoo aanay jirin wax war ah oo Al-shabaab kasoo baxay.

3/5/2013 6:51 AM EST
Talaado, Maarso 05, 2013 (HOL) — Inta la ogyahay 10-qof oo dhinacyadii dagaalamay ah ayaa ku dhintay tiro intaas ka badanna dhaawacyo ayaa kasoo gaaray dagaal culus oo duleedka degmada Afgooye ku dhexmaray ciidamada dowladda Soomaaliya iyo kuwa Al-shabaab.

3/5/2013 2:11 AM EST
Talaado, Maarso 05, 2013 (HOL) — Tirinta doorashooyinka madaxnimo ee dalka Kenya ayaa waxaa weli ku horreeya Uhuru Muigai Kenyatta oo u tartamaya isbahaysiga Jubilee, iyadoo uu ku xigo ra’iisul wasaarihii Kenya, Raila Amollo Odinga.

3/5/2013 1:28 AM EST
Talaado, Maarso 05, 2013 (HOL) — Hay’adda xuquuqda aadanaha ee Amnesty International ayaa ugu digtay golaha ammaanka ee Qaramada Midoobay inay cunno-qabteynta hubka ee 21-ka sano saaran Soomaaliya ay ka qaadaan, taasoo xubnaha goluhu ay qorsheynayaan inay go’aan ka gaaraan berri oo Arbaco ah.