3/18/2024
Today from Hiiraan Online:  _
Wararka Maanta- Axad, Mar 31, 2013
Xarakada Al-shabaab oo sheegtay inay guulo ka gaartay Weerarro kala duwan oo ka dhacay Gobolka Shabeellada Hoose

Axad, Maarso 31, 2013 (HOL) — Xarakada Al-Shabaab ayaa sheegay inay khasaare ugu geystay ciidamada dowladda Soomaaliya iyo kuwa AMISOM weerarro ay ku qaaday saldhigyo ay ku leeyihiin gobolka Shabeellada Hoose oo ay ku jirto degmada Marko.

Wakiilka Al-Shabaab ee Gobolka Shabellada Hoose, Sheekh Maxamed Abuu Cabdalla ayaa sheegay in dagaalladaas oo habeen hore iyo shalay ka dhacay deegaanka Shalanbood, Bariirre iyo duleedka Marka ay xoogagoodu ku bar-tilmaameedsadeen saldhigyo ay ciidamada dowladda iyo kuwa AMISOM ku lahaayeen halkaas.

“Dagaalladii u dambeeyay ee ku qaadnay goobaha ay cadowgu kaga sugan yihiin gobolka Shabeellada Hoose waxaan ku gaarsiinnay khasaarooyin kala duwan, waxaana kaga dilnay illaa sideed askari oo isugu jira kuwa dowladda iyo AMISOM, ”ayuu yiri Sheekh Abuu Cabdalla oo aan sheegin khasaaraha dhankooda soo gaaray.

Sidoo kale, wuxuu sheegay Sheekh Abuu Cabdalla inay jiraan ciidammo kale oo dhaawacyo u geysteen, isagoo xusay inay saldhigyadaas qaarkood ka saareen ciidamadii ku sugnaa ayna iyagu muddo kooban gacanta ku hayeen.

Abuu Cabdalla ayaa soo hadal-qaaday dagaalki dhawaan ka dhacay Marka, isagoo sheegay inay filayeen inay Marko iyo deegaanno kale oo dalka ka mid ah ay ka dhacayaan; wuxuuna shacabka ugu baaqay inay nabadgalyo u soo raadsadaan goobaha ay Al-shabaab ka taliso.

“Dhibaatadii ku dhacday shacabka Marko waan ka xunnahay, waana kuwo la filayay inay dagaalladaas oo kale dhacaan,” ayuu Abuu Cabdalla si kooban u yiri, isagaoo sheegay in weerarrada ay sii wadayaan inta ay dalka oo dhan ka saarayaan ciidamada AMISOM.

Ma jiro hadal kasoo baxay dhinaca dowladda oo ku saabsan dagaalladan ka dhacay gobolka Shabeellada Hoose, sidoo kalena ma jirto ilo madaxbanaan oo xaqiijinaya guulaha ay Al-shabaab ka sheegatay dagaalladaas.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/31/2013 12:56 PM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaamninayay ayaa caawa kulan la qaadanaya jaaliyadda Soomaaliyeed ee ku nool dalka isu-tagga Imaraadka Carabta.

3/31/2013 12:41 PM EST
Axad, Maarso 31, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin: wasiirada arrimaha gudaha iyo gaashaandhigga, xildhibaanno iyo saraakiil kale ayaa maanta si weyn loogu soo dhaweeyey xarunta gobolka Gedo ee Garbahaarey.

3/31/2013 11:56 AM EST
Axad, Maarso 31, 2013 (HOL) — Madaxweyaha Somaliland Mudane, Axmed Maxamed Maxamuud Siillaanyo, ayaa maanta ka qaybgalay aas Qaran oo loo sameeyey Marxuun Aadan Shire Faarax (Sanweyne) oo ahaa xildhibaan golaha guurtidda oo xalay ku geeriyooday jidka u dhexeeya Berbera iyo Hargeysa oo uu daad ku qaaday.

3/31/2013 8:22 AM EST
Axad, Maarso 31, 2013 (HOL) — Maxkamadda gobolka Hargeysa, ayaa maanta xukun iyo ganaax lacageed ku riday Sheekh Maxamuud Cabdilaahi Geelle oo dhaliilo usoo jeediyey laba wasiir oo xukuumadda Somaliland ka tirsan.

3/31/2013 8:05 AM EST
Axad, Maarso 31, 2013 (HOL) — Xisbiga taladda haya ee KULMIYE ayaa maanta yeeshay shirweyne aan caadi ahayn oo golaha dhexe ku ansixinayo in dib loo dhigo shirweynaha xisbiga iyo in golaha dhexe lagu soo kordhiyo xubno ka yimid ururadii siyaasadda ee doorashadda golaha deeganka ku hadhay.

3/31/2013 8:04 AM EST
Axad, Maarso 31, 2013 (HOL) — Laba mudane ayaa loo dhaariyay maanta kuraas ka bannaanayd baarlamaanka federaalka Soomaaliya, iyadoo labadan mudane ay buuxiyeen kursi uu mudane hore ka dhintay iyo kursi banneeyay mudane kale.

3/31/2013 7:52 AM EST
`Axad, Maarso 31, 2013 (HOL) — Shirkada xawaalada AMAANA ee magaalada Baladweyne ayaa gaarsiisay dadka la ildarran cudurka shuban-biyoodka deeqdii ugu ballaarneyd marka laga soo tago kaalmadii ugu danbeysay oo ay soo gaarsiiyeen dadka bukaanka ah dowladdaha Soomaaliya iyo Jabuuti.

3/31/2013 7:43 AM EST
Axad, Maarso 31, 2013 (HOL) — Hay’adda Bisha Cas ee dalka Turkiga ayaa sheegtay inay ka dhisayso Muqdisho iskuul xannaano iyo waxbarasho isugu jira, taasoa qayb ka ah gargaarka ay bani’aadamnimo ee ay kawaddo dalka Soomaaliya.

3/31/2013 6:56 AM EST
Axad, Maarso 31, 2013 (HOL) — Wafdigii uu hoggaaminayay ra’iisul wasaaraha Soomaaliya,Cabdi Faarax Shirdoon (Saacid) ayaa gaaray degmada Garbahaarey ee xarunta gobolka Gedo, iyadoo isgaarsiinta degmadaas hawada laga saaray.

3/31/2013 3:48 AM EST
Axad, Maarso 31, 2013 (HOL) — Shriweynihii seddexaad ee ururka suxufiyiinta Afrika Federation of African Journalist (FAJ) oo furmay maalitii Sabtida ahayd ayaa maalintii labaad ka socda magaalada Casablanca ee xarunta dalka Morocco.

3/31/2013 2:59 AM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud ayaa hambalyo u diray madaxweynaha Kenya Uhuru Kenyatta kaddib markii maxkamadda sare ee dalkaas ansixisay in Kenyatta uu ku guuleystay doorashadii madaxdnimo ee Kenya oo dhacday horraantii bishan.

3/31/2013 2:41 AM EST
Axad, Maarso 31, 2013 (HOL) —Allaha u naraxiistee waxaa shalay galinkii dambe dooxa weyn ee Lafa Ruug oo ku yaalla jidka mara Berbera iyo Hargeysa, uu qaatay xildhibaan Aaden Shirre Faarax (San-weyne) oo ka mid ahaa Golaha Guurtida Somaliland iyo afar qof oo la socday, inkastoo saddex ka mid ah shantaasi qof laga badbaadiyey.

3/31/2013 2:32 AM EST
Axad, Maarso 31, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saakay u amabaxay magaalada Garbahaarey ee gobolka, iyadoo si weyn loogu diyaar-garoobay soo dhaweyntiisa.