3/19/2024
Today from Hiiraan Online:  _
Wararka Maanta- Axad, Mar 31, 2013
Wafdigii Ra’iisul Wasaaraha Soomaaliya iyo wafdigiisii oo gaaray Garbahaarey iyo Isgaarsiinta Hawada laga saaray

Axad, Maarso 31, 2013 (HOL) — Wafdigii uu hoggaaminayay ra’iisul wasaaraha Soomaaliya,Cabdi Faarax Shirdoon (Saacid) ayaa gaaray degmada Garbahaarey ee xarunta gobolka Gedo, iyadoo isgaarsiinta degmadaas hawada laga saaray.

Intii aan isgaarsiinta la jarin ayaa goobjoogayaa iyo mas’uuliyiin waxay saxaafadda u sheegeen in ammaanka magaalada oo dhan aad loo adkeeyay lana dhigay waddooyinka muhiimka ah ciidammo fara badan oo amniga xaqiijiya.

Dadweyne badan ayaa kusoo dhaweeyay ra’iisul wasaaraha Garbahaarey, kuwaasoo ay ku jireen arday wax ka barta iskuullada ku yaalla degmadaas iyo dadweyne kale oo isugu jiray rag iyo dumar.

Booqashadan ayaa waxay qayb ka tahay booqashooyin ay uu ra’iisul wasaare Saacid sheegay inuu ku marayo dalka oo dhan si ay u ogaadaan xaaladaha ka jira iyo cabashooyinka ay dadku ka qabanaan maamullada.

Ra’iisul wasaaraha iyo wafdigiisa ayaa inta ay ku sugan yahay degmada Garbahaarey waxay kulammo kala duwan la qaadan doonaan shacabka iyo maamulka, iyagoo sidoo kalena u kuurgeli doona xaaladaha ka jira degmada iyo deegaannada ku hareeraysan.

Gobolka Gedo ayaa waxaa intiisa badan gacanta ku haya ciidamada Itoobiya iyo kuwo taageersan dowladda Soomaaliya, iyadoo dhowr jeer ay halkaas booqasho ku tageen wasiirro uu ku jiro wasiirka gaashaandhigga Soomaaliya.

Waa booqashadii saddexaad muddo toddobaad gudihiis ah oo uu ra’iisul wasaaraha Soomaaliya ku tago gobollada, iyadoo ra’iisul wasaaraha uusan weli safar dibadda ah u bixin tan iyo markii xilkan loo magacaabay b ishii November ee sannadkii hore.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/31/2013 12:56 PM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaamninayay ayaa caawa kulan la qaadanaya jaaliyadda Soomaaliyeed ee ku nool dalka isu-tagga Imaraadka Carabta.

3/31/2013 12:41 PM EST
Axad, Maarso 31, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin: wasiirada arrimaha gudaha iyo gaashaandhigga, xildhibaanno iyo saraakiil kale ayaa maanta si weyn loogu soo dhaweeyey xarunta gobolka Gedo ee Garbahaarey.

3/31/2013 11:56 AM EST
Axad, Maarso 31, 2013 (HOL) — Madaxweyaha Somaliland Mudane, Axmed Maxamed Maxamuud Siillaanyo, ayaa maanta ka qaybgalay aas Qaran oo loo sameeyey Marxuun Aadan Shire Faarax (Sanweyne) oo ahaa xildhibaan golaha guurtidda oo xalay ku geeriyooday jidka u dhexeeya Berbera iyo Hargeysa oo uu daad ku qaaday.

3/31/2013 8:22 AM EST
Axad, Maarso 31, 2013 (HOL) — Maxkamadda gobolka Hargeysa, ayaa maanta xukun iyo ganaax lacageed ku riday Sheekh Maxamuud Cabdilaahi Geelle oo dhaliilo usoo jeediyey laba wasiir oo xukuumadda Somaliland ka tirsan.

3/31/2013 8:05 AM EST
Axad, Maarso 31, 2013 (HOL) — Xisbiga taladda haya ee KULMIYE ayaa maanta yeeshay shirweyne aan caadi ahayn oo golaha dhexe ku ansixinayo in dib loo dhigo shirweynaha xisbiga iyo in golaha dhexe lagu soo kordhiyo xubno ka yimid ururadii siyaasadda ee doorashadda golaha deeganka ku hadhay.

3/31/2013 8:04 AM EST
Axad, Maarso 31, 2013 (HOL) — Laba mudane ayaa loo dhaariyay maanta kuraas ka bannaanayd baarlamaanka federaalka Soomaaliya, iyadoo labadan mudane ay buuxiyeen kursi uu mudane hore ka dhintay iyo kursi banneeyay mudane kale.

3/31/2013 7:52 AM EST
`Axad, Maarso 31, 2013 (HOL) — Shirkada xawaalada AMAANA ee magaalada Baladweyne ayaa gaarsiisay dadka la ildarran cudurka shuban-biyoodka deeqdii ugu ballaarneyd marka laga soo tago kaalmadii ugu danbeysay oo ay soo gaarsiiyeen dadka bukaanka ah dowladdaha Soomaaliya iyo Jabuuti.

3/31/2013 7:43 AM EST
Axad, Maarso 31, 2013 (HOL) — Hay’adda Bisha Cas ee dalka Turkiga ayaa sheegtay inay ka dhisayso Muqdisho iskuul xannaano iyo waxbarasho isugu jira, taasoa qayb ka ah gargaarka ay bani’aadamnimo ee ay kawaddo dalka Soomaaliya.

3/31/2013 7:12 AM EST
Axad, Maarso 31, 2013 (HOL) — Xarakada Al-Shabaab ayaa sheegay inay khasaare ugu geystay ciidamada dowladda Soomaaliya iyo kuwa AMISOM weerarro ay ku qaaday saldhigyo ay ku leeyihiin gobolka Shabeellada Hoose oo ay ku jirto degmada Marko.

3/31/2013 3:48 AM EST
Axad, Maarso 31, 2013 (HOL) — Shriweynihii seddexaad ee ururka suxufiyiinta Afrika Federation of African Journalist (FAJ) oo furmay maalitii Sabtida ahayd ayaa maalintii labaad ka socda magaalada Casablanca ee xarunta dalka Morocco.

3/31/2013 2:59 AM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud ayaa hambalyo u diray madaxweynaha Kenya Uhuru Kenyatta kaddib markii maxkamadda sare ee dalkaas ansixisay in Kenyatta uu ku guuleystay doorashadii madaxdnimo ee Kenya oo dhacday horraantii bishan.

3/31/2013 2:41 AM EST
Axad, Maarso 31, 2013 (HOL) —Allaha u naraxiistee waxaa shalay galinkii dambe dooxa weyn ee Lafa Ruug oo ku yaalla jidka mara Berbera iyo Hargeysa, uu qaatay xildhibaan Aaden Shirre Faarax (San-weyne) oo ka mid ahaa Golaha Guurtida Somaliland iyo afar qof oo la socday, inkastoo saddex ka mid ah shantaasi qof laga badbaadiyey.

3/31/2013 2:32 AM EST
Axad, Maarso 31, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saakay u amabaxay magaalada Garbahaarey ee gobolka, iyadoo si weyn loogu diyaar-garoobay soo dhaweyntiisa.