3/29/2024
Today from Hiiraan Online:  _
Wararka Maanta- Axad, Jun 30, 2013
Guddoomiyaha Gobolka Hiiraan oo Ganacsatada uga digay in ay Magaalada Baladweyne soo geliyaan lacago been abuur ah

Axad, Juun 30, 2013 (HOL) — Guddoomiyaha maamulka gobolka Hiiraan Cabdi Faarax Lanqayo oo shir jaraa'id ku qabtay maanta magaalada xafiiskiisa magaalada Baladweyne ayaa uga digay ganacsatada gobolka in ay soo galiiyaan magaalada lacago been abuur ah.

Maalmihii ugu danbeeyay waxaa lagu arkay suuqa safarka magaalada Baladweyne iyo goobaha ganacsiga magaalada lacago been abuur ah oo saameyn weyn ku yeeshay sarifka lacagta doolarka.

“Ganacsatada arrimahan ku lugta leh ee soo galinaya magaalada lacagaha been abuurka ah waxaa fareynaa in ay ka joogsadaan, sidoo kale ciidamada maamulka gobolka waa in ay la socdaan gadiidka xamuulka ah ee sida qarsoodiga ah loogu soo daabulo lacagaha, maamulka ayaa la wareegi doona gaari kasta oo lagu hello isaga oo soo galinaya lacagtaas magaalada,'' ayuu yiri Cabdi Faarax Laqanyo.

Guddoomiyaha waxaa uu sheegay in dowladda federaalka Soomaaliya ku howlan tahay sidii ay lacag cusub u keeni laheyd, isaga oo sheegay in aan lagu jahwareerin bulshada lacagaha been abuurka ah ee  farsameeyo.

Dhinaca kale, guddoomiyaha maamulka gobolka Hiiraan oo ka hadllayay arrimaha amniga ayaa faray makiilayaasha Hoteelada magaalada Baladweyne in ay soo gudbiyaan liiska macaamiisha Hoteeladooda, taasoo weyn ka tari karta sugida nabad-galyada, madaama ay dhici karto in ay ku soo dhuuntaan Hotelada sida uu sheegay kooxo ama shaqsiyaad doonaya in ay falal amaan darro geystaan.

Dhawaan ayeey aheyd markii ciidamada maamulka gobolka Hiiraan howlgal ay ka sameeyeen magaalada Baladweyne ku soo xir xireen dad kor u dhaafaya 100 ruux oo laga soo qab qabtay Hotelada magaalada, waxaana baaritaan kadib intoodii badneyd dadkaas dib u helleen xorriyadoodii.

Ugu danbeytii, guddoomiyaha maamulka gobolka Hiiraan ayaa uga mahad celiyay saraakiisha ciidamada Jabuuti lacagtii ay dhawaan ku deeqeen dib u dhiska xerrada ciidamada Lama-galaay ee magaalada Baladweyne, kadib markii uu taliyaha ciidamada Jabuuti ee gobolka Hiiraan ku dhawaaqay in lacag  dhan $100,000 oo doolar ugu deeqeen ciidamada Jabuuti dib u dhiska xerrada.

C/raxmaan Diini, Hiiraan Online
[email protected]
Baladweyne, Soomaaliya













Click here
6/30/2013 2:08 PM EST
Axad, Juun 30, 2013 (HOL) — Wasiir ku xigeenka wasaaradda wafaafinta xukuumadda Soomaaliya, C/shakuur Cali Mire oo maanta shir jaraa’id ku qabtay Muqdisho ayaa ciidamada Kenya ee qaybta ka ah howgalka AMISOM ku eedeeyay inay ka qaybgaleen dagaalkii Kismaayo ka dhacay.

6/30/2013 2:00 PM EST
Axad, Juun 30, 2013 (HOL) — Dowladda Somalia ayaa sheegtay in arrinta Sheekh Xasan Daahir Aweys ay u baahan tahay fursad si arritan xal looga gaaro, waxaana arrintaan sheegay afhayeenka madaxweynaha Soomaaliya, Inj. C/raxmaan Cumar Cismaan (Yariisow).

6/30/2013 1:16 PM EST
Axad, Juun 30, 2013 (HOL) — Madaxweynaha Soomaaliya, Xasan Sheekh Maxamuud ayaa maanta ka qaybgalay xirtaankii kalfadhigii labaad ee golaha baarlamaanka Soomaaaliya oo maanta lasoo xiray, waxaana sidoo kale goob-joog ka ahaa kulankaas guddoomiyeyaasha baarlamaannada Puntland iyo Galmudug.

6/30/2013 10:31 AM EST
Axad, Juun 30, 2013 (HOL) — Wasaaradda Qorsheynta Qaranka Somaliland, ayaa soo bandhigay daraasad ay afartii sannaba mar samayso oo lagu eego hab nololeedka bulshadda Somaliland sida arrimaha Hooyadda iyo dhalaanka, Caafimaadka, waxbarashadda, shaqada iyo isticmaalka biyaha nadiifadda ah.

6/30/2013 10:31 AM EST
Axad, Juun 30, 2013 (HOL) — Hay’adda horumarinta haweenka Soomaaliyeed ee SWDC ayaa Muqdisho ka qaybisay deeq dhar ah oo ay soo dhiibeen jaaliyadda Soomaaliyeed ee ku nool Magaalada London ee xarunta dalka Britain , iyadoo deeqdan ay ka koobnayd dharka haweenka, raga iyo kuwa caruurta, waxaaana la socday kabo iyo bustayaal.

6/30/2013 4:32 AM EST
Axad, Juun 30, 2013 (HOL) — Ciidamada Maamulka Axmed Maxamed Islaam (Axmed Madoobe) ayaa la wareegay gacan ku haynta magaalada Kismaayo ee xarunta gobolka Jubbada Hoose, kaddib dagaallo saddexdii maalmood ee ugu dambeeyay ka socday gudaha magaaladaas.

6/30/2013 3:49 AM EST
Axad, Juun 30, 2013 (HOL) — Wafdi uu hoggaaminayo wasiirka Owqaafta, arrimaha diinta iyo dhaqanka dalka Jabuuti ayaa Muqdisho u yimid saakay ka qaybgalka munaasabadda 01-da Luuliyo oo ku beegan 53-guuradii kasoo wareegtay markii gobollada Koonfureed ka xoroobeen gurmeysigii Talyaaniga iyo is-raacii labada gobol.

6/30/2013 2:52 AM EST
Axad, Juun 30, 2013 (HOL) — Dowladda Soomaaliya ayaa xabsiga dhigtay Sheekh Xasan Daahir Aweys iyo xubno taageerayaashiisa ah oo la socday, kuwaasoo xalay fiidkii laga soo dajiyay garoonka diyaaradaha ee Muqdisho.

6/30/2013 2:30 AM EST
Axad, Juun 30, 2013 (HOL) — Afhayeenka howgallada Al-shabaab, Sheekh C/casiis Abuu-Muscab ayaa war uu warbaahinta siiyay ku xaqiijiyay in laba ka mid ah saraakiishii sar-sare ee Al-shabaab lagu dilay degmada Baraawe ee gobolka Shabeellada Hoose, kaddib markii ay diideen inay is-dhiibaan.

6/30/2013 2:01 AM EST
Axad, Juun 30, 2013 (HOL) — Dagaal culus oo galay maalintii saddexaad ayaa saakay dib uga qarxay magaalada Kismaayo ee xarunta gobolka Jubbada Hoose, dagaalkan oo daba socda dagaalladii labadii maalmood ee lasoo dhaafay ka dhacayay degmadaas.