3/18/2024
Today from Hiiraan Online:  _
Wararka Maanta- Isniin, Jun 3 , 2013
Xarakada Al-shabaab oo Magaalada Jilib ee Gobolka Jubbada Dhexe kusoo ban-dhigtay Maxaabiis Kenyan ah

Isniin, Juun 03, 2013 (HOL) — Xarakada Al-shabaab ayaa degmada Jilib ee gobolka Jubbada dhexe laba qof oo Kenyan ah, kuwaasoo ay bishii hore ka soo qafaasheen gudaha dalka Kenya, kaddib markii ay weerar lama filaan ah ku qaadeen xilli habeen ah.

Boqolaal qof ayaa isugu soo baxay halkii lagu soo bandhigay labadan qof, waxaana Al-shabaab ay sheegtay in dadkan ay yihiin maxaabiis ay Kenya kasoo qabsadeen.

“Dadweyne badan ayaa isugu yimid halka lagu soo bandhigay labadan qof oo Kenyan ahaa,” ayuu yiri mid ka mid ahaa dadkii halkaas joogay, wuxuuna ku daray hadalkiisa in saraakiil sarsare oo Al-shabaab ka tirsan ay goobtaas ku sugnaayeen.

Xoogag taabacsan Al-shabaab ayaa dhamaadkii bishii hore ee May weerar ku qaaday deegaan ku dhow soohdinta ay wadaagaan Soomaaliya iyo Kenya halkaasoo ay ku dileen shan qof oo isugu jira ciidammo iyo shacab, waxayna soo qafaasheen labadan qof.

“Labadan qof ee lasoo bandhigay waxay ahaayeen kuwo madluunsan,” ayuu yiri goobjooge kale oo magaciisa kusoo koobay C/rxmaaan, isagoo intaas ku daray in goobtaas lagu soo bandhigay hub ay Al-shabaab sheegtay inay ku soo qabsadeen weerarkaas.

Al-shabaab oo dagaal kula jirta dowladda Soomaaliya iyo ciidamada AMISOM ee taageera ayaa waxay weli ka taliyaan deegaanno badan oo Koonfurta iyo bartamaha Soomaaliya ku yaalla.

Dalka Kenya ayaa tan iyo markii ay ciidamada u soo direen Soomaaliya bishii Oktoobar ee sannadkii 2011 waxay la kulmaysay weeraro argagaxiso oo kaga imaanaya xoogagga Al-shabaab oo dad badan ku dilay gudaha dalkaas.

Ciidamada Kenya oo qayb ka ah howgalka Midowga Afrika ee AMISOM ayaa waxay ka howgalaan deegaanno ka tirsan gobolka Jubbada Hoose oo ay ka mid tahay magaalada Kismaayo ee xarunta Jubbada Hoose.

Dowladda Kenya ayaan weli ka hadlin la haystayaasheeda ay Al-shabaab kusoo bandhigtay gudaha Soomaaliya, iyadoo saraakiiil Kenyan ah ay horay u sheegeen inay ka maqan yihiin laba qof.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/3/2013 12:56 PM EST
Melbourne, June 3 (HOL) - shalayto oo taariikhdu ahayd 2nd June 2013, ayaa waxaa magaalada Melbourne ee dalka Australia kulan ku dhex-maray R/Wasaaraha Australia Julia Gillard iyo R/Wasaarihii hore ee Somalia mudane Prof C/Weli Maxamed Cali Gaas.

6/3/2013 12:46 PM EST
Isniin, Juun 03, 2013 (HOL) — Dad tiradoodu ahayd 10,000 ayaa dibadbaxyo ay ku dalbanayaan in maxaabiista ku jira xabsiyada Itoobiya lasii daayo ka dhigay magaalada Addis Ababa ee xarunta dalka Itoobiya, iyadoo dadkaas ay cambaareyn u jeediyeen xisbiga talada dalkaas haya ee EPRDF.

6/3/2013 11:37 AM EST
Isniin, Juun 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) isla markaana ah sii hayaha xilka madaxweynimo ee Soomaaliya ayaa maanta kula kulmay Muqdisho ergayga cusub ee Qaramada Midoobay ay u soo magacowday Soomaaliya, Nicholas Key.

6/3/2013 11:26 AM EST
Isniin, Juun 03, 2013 (HOL) — Gaadiid sida in ka badan 150 tan oo raashin ah qaybna ka gargaar dowladda Turkigu ugu deeqday dadka Soomaaliyeed ayaa gaaray magaalada Widhwidh oo 100-km dhinaca galbeed kaga beegan magaalada Laascaanood ee xarunta gobolka Sool.

6/3/2013 10:56 AM EST
Isniin, Juun 03, 2013 (HOL) — Shir jaraa’id oo uu Muqdisho ku qabtay ku-simaha xoghayaha joogtada ah ee wasaaradda arrimaha dibadda iyo iskaashiga caalamiga ah ee Soomaaliya, danjire Cabdisalaam Xaaji Axmed Liibaan ayaa wuxuu ugu baaqay dowladda Koonfur Afrika inay ka shaqeyso badbaadinta nafta iyo hantida dadka Soomaaliyeed ee dalkeeda ku nool.

6/3/2013 8:43 AM EST
Isniin, Juun 03, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in xukuumaddiisu aysan kula dagaalsanay Kenyan xal u helidda ammaanka iyo dib u soo celinta nabadda Soomaaliya 20-sano oo colaado ah kaddib.

6/3/2013 8:01 AM EST
Isniin, Juun 03, 2013 (HOL) — Ergayga cusub ee Qaramadda Midoobay u soo magacowday Soomaaliya, Nicholas Kay ayaa maanta yimid Muqdisho si uu ula wareego xilkiisa ergaygii hore ee Qaramada Midoobay u qaabilsanaa arrimaha Soomaaliya, Augustine Mahiga.

6/3/2013 3:32 AM EST
Isniin, Juun 03, 2013 (HOL) — Ciidamada dowladda Soomaaliya iyo kuwa AMISOM ayaa saakay howlgallo xooggan kawada degmada Xamar-jajab ee gobolka Banaadir, iyagoo xayiran dhammaan waddooyinka gala degmadaas.

6/3/2013 2:20 AM EST
Waxaa sannad waliba dhammaadka bisha May ku kulma magaalada Ashland ee Gobolka Oregon (USA) cayaartooydii hore ee Kubadda Kulayga uuna marti-galiyo Cabdi Xalwo.