3/19/2024
Today from Hiiraan Online:  _
Wararka Maanta- Jimco, July 5 , 2013
Al-shabaab oo xukun ka tuuristii Mursi ku tilmaamay inay caddeyn u tahay in Ururrada Islaamka aan loo ogoleyn Xukun

Jimco, July 05, 2013 (HOL) — Xarakada Al-shabaab ee Soomaaliya oo ka hadasha xukun ka tuuristii madaxweynihii Masar, Maxamed Mursi ayaa sheegay inay tusaale u tahay in awoodda dalkaas oo dhan ay gacanta ugu jirto ciidamada, ururrada Islaamiga ah aan loo ogoleyn inay xukun qabtaan.

War ay Al-shabaab ku daabacday bogga ay ku leedahay Twitter-ka ayay ku sheegtay in arrintan ay caddeyn buuxda u tahay in urrurada Islaamiyiinta ah ee dunida ka jira aan loo ogoleyn inay xukun qabtaa, xitaa haddii ay ku yimaadaan si dimuqraadiyad ah.

“Tallaabada ay ciidamada Masar qaadeen waa mid ay dunida ku tusayaan in xaqiiqadu ay tahay sida ay sameeyeen, waxay uun yaqaanaan inay wax ku bedelaan xabbad, laakiin ma yaqaanaan cod,” ayay Al-shabaab ku tiri war ay ku daabacday boggeeda Twitter-ka.

Madaxweynihii hore ee Masar, Maxamed Mursi ayaa wuxuu ka socday xisbi ay leeyihiin ururka ikwaanul muslimiin, isagoo markii uu xukunka ka tagayay ku boorriyay taageerayaashiisa inaysan xukunka laga eryay uga jawaabin rabashado iyo dagaal.

Al-shabaab ayaa weli ka talisa deegaanno ku yaalla bartamaha iyo koonfurta Somalia, tan iyo markii ciidamada AMISOM iyo kuwa dowladda Soomaaliya ay ka saaray magaalada Muqdisho muddo laga joogo 22-sano.

“Walaalaha muslimiinta waxaa looga baahan yahay inay tusaale ku qaataan casharkan oo qayb ka ah taariikhda, sida in xukunka laga tuuray qof si cad oo dimuqraadiyad ah lagu soo doortay, waxaana ka horreeyay xukuumadii Al-Jeeriya iyo Hamaasta Falastiin,” ayay kooxda ku sheegtay warka ay soo daabaceen.

Ururka Xamaas oo ka taliya marinka Gaza ee dhulka Falastiin ayaa waxay dunida kala kulmeen go’doomin, kaddib markii ay ku guuleysteen doorasho laga qabtay Falastiin. Sidoo ururka Islaamiga ah ee Al-jeeriya ayaa 1992-kii ku guuleystay doorashadii dalkaas ka dhacday, taasoo keentay in loo diido inay xukunka qabtaan.

“Markii ururka ikhwaanul muslimiin ah ay ka tooseen hurddo muddo dheer ay ku jireen oo ay xaqiijiyeen kaalintooda ay wax kaga bedelayeen dalka Masar ayaa xukunka laga tuuray. Hoggaamiyahoodiina maalin dambe arki maayo ifka nolosha,” ayay kooxda Al-shabaab ku sheegtay qoraalkeeda.

Madaxweynihii dalka Masar, Mursi ayaa xukunka laga tuuray Arbacadii lasoo dhaafay isagoo xafiiska ku sugnaa muddo sannad ah, iyadoo xilka madxnimo ee dalkaas si KMG ah loogu dhaariyay guddoomiyihii maxkamadda sare ee dastuuriga ah ee dalkaas, Cadli Mansuur.

Mursi ayaa ahaa madaxweynihii ugu horreeyay ee dalka Masar oo dadku ay si xor ah u soo doortaana, waxaana go’aanka xukunka looga tuuray kasoo horjeestay dalal badan oo uu Mareykanka ka mid yahay, sidoo kalena waxaa kasoo horjeestay ururka Midowga Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/5/2013 5:30 PM EST
Jimco, July 5, 2013(HOL)—Waxaa lagu qabtay Magaalada Wuhan ee Dalka Shiinaha xaflad ballaaran oo lagu maamusayay arday ka qalinjebisay afar Jaamacadood oo ku yaal Magaaladaas, taasoo ahayd tii ugu badneyd arday mar kaliyah ka qalin jabisay jaamacadaha waddanka Shiinaha. Ardayda qalin-jebisay ayay tiradoodu ahayd 78 arday oo kala ahaa 59 Dhakhtar, 18 Engineer iyo Arday bartay luuqadda Shiinaha.

7/5/2013 1:54 PM EST
Jimco, July 05, 2013 (HOL) — Maxjarka xannaanada xoolaha ee Jasiira oo ku yaalla duleedka magaalada Muqdisho ayaa waxaa ku jira kumannaan xoolo ah oo loo diyaariyay in ganacsi ahaan dibadda loogu dhoofiyo, waana maxjarka keliya ee ku yaalla Koonfurta iyo Bartamaha Soomaaliya.

7/5/2013 9:56 AM EST
Jimco, July 05, 2013 (HOL) — Maamulka gobolka Hiiraan ayaa siweyn loogu amaanay isbadalka uu ka sameeyay amniga magaalada iyo dib u habeynta ciidamada kadib booqasho maalintii shalay ay ku tageen magaalada Baladweyne saraakiil ka tirsan booliiska AMISOM.

7/5/2013 9:48 AM EST
Jimco, July 05, 2013 (HOL) — Hay’adda caafimaadka adduunka ee WHO ayaa sheegtay in dagaalladii ka dhacay Kismaayo ay ku dhinteen 71-qof ayna ku dhaawacmeen 300 oo qof oo kale, kuwaasoo intooda badan ay ahaayeen shacabkii magaaladaas ku noolaa.

7/5/2013 8:24 AM EST
Jimco, July 05, 2013 (HOL) - Wasiirka warfaafinta, Boostada iyo gaadiidka Soomaaliya C/laahi Ciilmooge Xirsi ayaa shaaciyay in Xayiraad saarnayd ayraboorka Aadan cadde intii dagaallada sokeeye socdeen si rasmi ah loo qaaday.

7/5/2013 8:10 AM EST
Jimco, July 05, 2013 (HOL) — Waxaa garoonka kubadda cagta ee Central High School ee magaalada Saint Paul ee gobolka Minnesota lagu soo gaba-gabeeyay ciyaar kubadda cagta ah oo lagu maamuusayay toddobaadka xorriyadda Soomaaliya iyo Mareykanka.

7/5/2013 3:37 AM EST
Jimco, July 05, 2013 (HOL) — Xukuumadaha Soomaaliya iyo Koonfur Afrika ayaa kawada hadlay sidii xal loogu heli lahaa dhibaatooyinka Soomaalida ku nool dalkaas loo geysto, iyadoo kulan arrintaas ku saabsan ay magaalada Pretoria ay ku yeesheen wasiirro ka kala tirsan labada dowladood.

7/5/2013 2:51 AM EST
Jimco, July 05, 2013 (HOL) — Wasiirka Maaliyadda iyo qorsheynta dowladda Soomaaliya, Maxamuud Xasan Suleymaan oo markii ugu horreysay ka hadlay warbixin ay kooxda la socodka arrimaha Soomaaliya iyo Eriteriya ay ku sheegeen in lacago badan oo sharci-darro ah laga baxay bangiga dhexe ee Soomaaliya ayaa sheegay inaysan jirin lacago lagala baxay bangiga dhexe ee Soomaaliya.

7/5/2013 2:49 AM EST
Jimco, July 05, 2013 (HOL) — Xildhibaan Maxamed Cumar Dalxa oo ka mid ah xubnaha baarlamaanka Soomaaliya ayaa ku taliyay in dowladda Soomaaliya ay magacowdo guddi baaris ku sameeya dagaalladii ka dhacay magaalada Kismaayo, kuwaasoo u dhexeeyay rag isku haysta xilka madaxweynenimo ee maamulka Jubbaland.

7/5/2013 2:46 AM EST
Jimco, July 05, 2013 (HOL) — Ugu yaraan saddex qof ayaa ku dhintay tiro intaas ka badanna way ku dhaawacmeen dagaal culus oo xalay ciidamada dowladda Soomaaliya iyo xoogagga Al-shabaab ku dhexmaray deegaanka Ow-diinle oo ku dhow degmada Baydhabo ee xarunta gobolka Bay.