3/19/2024
Today from Hiiraan Online:  _
Wararka Maanta- Jimco, July 5 , 2013
Ciyaarihii Kubadda Cagta ee lagu xusayay Maalmaha Xorriyada Somalia oo lagu soo gaba-gabeeyay Gobolka Minnesota


Jimco, July 05, 2013 (HOL) — Waxaa garoonka kubadda cagta ee Central High School ee magaalada Saint Paul ee gobolka Minnesota lagu soo gaba-gabeeyay ciyaar kubadda cagta ah oo lagu maamuusayay toddobaadka xorriyadda Soomaaliya iyo Mareykanka.

Ciyaarahan ayaa ahaa kuwii 10-aad ee lagu xusayay toddobaadka xoriyadda Soomaaliya iyo Mareykanka, taasoo uu mar walba uu soo qaban-qaabiyo ururka horumarinta dhalinyaradda oo loo yaqaan SAYEC oo xaruntiisu tahay gobolka Minnesota.

Ciyaartii finalka ahayd oo shalay oo Khamiis ah dhacday ayaa waxaa isaga horyimid kooxaha TC iyo Halgan, kuwaasoo kasoo dhex-baxay 16 kooxood oo tartankan ka qaybqaadanayay.

Kooxaha ayaa waxay garoonka lasoo galeen ciyaar aad u wanaagsan, iyadoo kooxba kooxda kale ay iska difaacaysay inay goolal ka dhaliso, iyadoo ay ku soo gabgabowday qaybtii hore ee ciyaarta 1-0, iyadoo goolka ay lahayd kooxda Halgan.

Markii la isugu soo laabtay qaybta labaad ee ciyaarta ayaa koox walba waxay soo bandhigtay ciyaar wanaag aad loo jeclaystay, waxaana iyadoo ay kooxda TC keensatay gool, taasoo ciyaarta ka dhigtay bar-barro 1-1 ah.

Gabagabadii ciyaarta oo lix daqiiqo ka dhinnayd ayaa waxaa kooxdii TC ay la heshay goolka kooxda Halgal goolkii guusha, waxaana ciyaarta ay noqotay 2-1 ay guushu ku raacday kooxda TC, halka kooxda Halgan ay kala baxday garoonka goolkii ay dhalisay qaybtii hore ee ciyaarta.

Kooxda TC oo ciyaarahan ka qaybgeli jirtay ayaa waxay guushan u noqotay tii ugu horreysay oo ay koobka ku hanato, waxaana garoonka ay ka dhigeen dabaal-dag ay ku muujinayaan inay koobkii ku guuleysteen.

“Farxad ayay noo tahay hanashada koobkan, waana Alle mahaddii inaan ku guuleysannay koobkan, waayo dadaal badan ayaan u soo galnay,” ayuu yiri tababaraha kooxda TC, Macallin Carab oo warbaahinta la hadlay markii ay ciyaartu dhammaatay.

Ciyaarta kubadda kacgta waxaa bar-bar socday ciyaaro kale oo kala duwan oo ay ku tartamayeen dhalinyaro ay da'duudu u dhaxayso 14 ilaa 7  jir, tartankaas oo kala ahaa  orodka 100 mitir, 400 mitir, Jawaan ku orod iyo xarig Jiitan

Hay'adahii gacanta ka gaystay qabsoomidda tartankan ayaa waxaa goobta lagu guddoonsiiyay abaalmarinno kala duwan, sidoo kale waxaa abaal-marinno kala duwan la guddoonsiiyay goolhayahii, ciyaaryahankii iyo tababarihii ugu wanaagsanaa intii ay ciyaartu socotay.

Sannadkan ayaa waxaa ciyaarahan kasoo qaybgalay macallimiin iyo gar-soorayaal laga xusi karo, Macallin Suudaani, Qolof, Aways Fuundi, Macallin Qariidi, C/samad Minishiibiyo, Cabdi Cali, Cabdi Yuusuf iyo Maxamed Muuse, oo dhammaantood ahaa dad magac ku lahaa isboortiga Soomaaliya.

Siyaad Siciid Saalax
[email protected]
Minneapolis, Minnesota













Click here
7/5/2013 5:30 PM EST
Jimco, July 5, 2013(HOL)—Waxaa lagu qabtay Magaalada Wuhan ee Dalka Shiinaha xaflad ballaaran oo lagu maamusayay arday ka qalinjebisay afar Jaamacadood oo ku yaal Magaaladaas, taasoo ahayd tii ugu badneyd arday mar kaliyah ka qalin jabisay jaamacadaha waddanka Shiinaha. Ardayda qalin-jebisay ayay tiradoodu ahayd 78 arday oo kala ahaa 59 Dhakhtar, 18 Engineer iyo Arday bartay luuqadda Shiinaha.

7/5/2013 1:54 PM EST
Jimco, July 05, 2013 (HOL) — Xarakada Al-shabaab ee Soomaaliya oo ka hadasha xukun ka tuuristii madaxweynihii Masar, Maxamed Mursi ayaa sheegay inay tusaale u tahay in awoodda dalkaas oo dhan ay gacanta ugu jirto ciidamada, ururrada Islaamiga ah aan loo ogoleyn inay xukun qabtaan.

7/5/2013 1:54 PM EST
Jimco, July 05, 2013 (HOL) — Maxjarka xannaanada xoolaha ee Jasiira oo ku yaalla duleedka magaalada Muqdisho ayaa waxaa ku jira kumannaan xoolo ah oo loo diyaariyay in ganacsi ahaan dibadda loogu dhoofiyo, waana maxjarka keliya ee ku yaalla Koonfurta iyo Bartamaha Soomaaliya.

7/5/2013 9:56 AM EST
Jimco, July 05, 2013 (HOL) — Maamulka gobolka Hiiraan ayaa siweyn loogu amaanay isbadalka uu ka sameeyay amniga magaalada iyo dib u habeynta ciidamada kadib booqasho maalintii shalay ay ku tageen magaalada Baladweyne saraakiil ka tirsan booliiska AMISOM.

7/5/2013 9:48 AM EST
Jimco, July 05, 2013 (HOL) — Hay’adda caafimaadka adduunka ee WHO ayaa sheegtay in dagaalladii ka dhacay Kismaayo ay ku dhinteen 71-qof ayna ku dhaawacmeen 300 oo qof oo kale, kuwaasoo intooda badan ay ahaayeen shacabkii magaaladaas ku noolaa.

7/5/2013 8:24 AM EST
Jimco, July 05, 2013 (HOL) - Wasiirka warfaafinta, Boostada iyo gaadiidka Soomaaliya C/laahi Ciilmooge Xirsi ayaa shaaciyay in Xayiraad saarnayd ayraboorka Aadan cadde intii dagaallada sokeeye socdeen si rasmi ah loo qaaday.

7/5/2013 3:37 AM EST
Jimco, July 05, 2013 (HOL) — Xukuumadaha Soomaaliya iyo Koonfur Afrika ayaa kawada hadlay sidii xal loogu heli lahaa dhibaatooyinka Soomaalida ku nool dalkaas loo geysto, iyadoo kulan arrintaas ku saabsan ay magaalada Pretoria ay ku yeesheen wasiirro ka kala tirsan labada dowladood.

7/5/2013 2:51 AM EST
Jimco, July 05, 2013 (HOL) — Wasiirka Maaliyadda iyo qorsheynta dowladda Soomaaliya, Maxamuud Xasan Suleymaan oo markii ugu horreysay ka hadlay warbixin ay kooxda la socodka arrimaha Soomaaliya iyo Eriteriya ay ku sheegeen in lacago badan oo sharci-darro ah laga baxay bangiga dhexe ee Soomaaliya ayaa sheegay inaysan jirin lacago lagala baxay bangiga dhexe ee Soomaaliya.

7/5/2013 2:49 AM EST
Jimco, July 05, 2013 (HOL) — Xildhibaan Maxamed Cumar Dalxa oo ka mid ah xubnaha baarlamaanka Soomaaliya ayaa ku taliyay in dowladda Soomaaliya ay magacowdo guddi baaris ku sameeya dagaalladii ka dhacay magaalada Kismaayo, kuwaasoo u dhexeeyay rag isku haysta xilka madaxweynenimo ee maamulka Jubbaland.

7/5/2013 2:46 AM EST
Jimco, July 05, 2013 (HOL) — Ugu yaraan saddex qof ayaa ku dhintay tiro intaas ka badanna way ku dhaawacmeen dagaal culus oo xalay ciidamada dowladda Soomaaliya iyo xoogagga Al-shabaab ku dhexmaray deegaanka Ow-diinle oo ku dhow degmada Baydhabo ee xarunta gobolka Bay.