3/18/2024
Today from Hiiraan Online:  _
Wararka Maanta- Jimco, July 5 , 2013
Dalalka Soomaaliya iyo Koonfur Afrika oo Kawada Hadlay sidii xal loogu heli lahaa dhibaatooyinka lagu hayo Soomaalida

Jimco, July 05, 2013 (HOL) — Xukuumadaha Soomaaliya iyo Koonfur Afrika ayaa kawada hadlay sidii xal loogu heli lahaa dhibaatooyinka Soomaalida ku nool dalkaas loo geysto, iyadoo kulan arrintaas ku saabsan ay magaalada Pretoria ay ku yeesheen wasiirro ka kala tirsan labada dowladood.

Wasiir ku xigeenka wasaaradda arrimaha dibadda ee Soomaaliya, Jamaal Maxamed Barroow oo ku sugan dalka Koonfur Afrika ayaa ka dalbaday wasiir ku xigeenka wasaaradda xiriirka caalamiga ah ee dalka Koonfur Afrika Ibraahim Ibraahim in dowladdiisu ay qaaddo tallaabooyin lagu badbaadinayo Soomaalida dalkaas ku nool, gaar ahaan dukaanleyda oo si gaar ah loo beegsado.

“Waxaa in badan ka hadalnay sidii loo dhammeyn lahaa dhibaatada lagu hayo Soomaalida Koonfur Afrika ku nool… waxaana isku waafaqnay in la qaado tallaabooyin dhaqso ah si aanay dhibaatooyin kale u dhicin,” ayuu yiri Jamaal Barrow oo la hadlayay warbaahinta Koonfur Afrika, kaddib kulankii uu Ibraahim Ibraahim kula yeeshay magaalada Pretoria.

Soomaalida ku nool iyo kuwa ganacsiga ku haysta deegaannada ku dhow-dhow magaalooyinka waaweyn ee dalka Koonfur Afrika ayaa inta badan la kulma dhibaatooyin ay u geystaan kooxo hubeysan oo burcad ah, iyadoo deegaannada ugu badan ee falalkaan ay ka dhacaan ay yihiin kuwo ka tirsan Johannesburg, Port Elizabeth in the Eastern Cape.

Booliiska Koonfur Afrika ayaa markii ay falal dhibaateyn ah dhacaan waxay soo qabqabtaan dad lagu tumayo, inkastoo la sheegay inay xilli dambe iska sii daayaan, taasoo aad uga careysiisay bulshada Soomaaliyeed ee dalkaas ku nool.

“Soomaalida halkan ku nool waan la kulmay waxayna ii sheegeen inay dib ugu laabanayaan dalkooda oo ay halkan isaga cararayaan,” ayuu Barrow u sheegay warbaahinta Koonfur Afrika, isagoo intaas ku daray in Soomaalidu ay sheegayaan dhibaatooyin badan oo lagu hayo.

Beegsiga ganacsatada Soomaalida ah ayaa lagu macneeyay inay sabab u tahay iyagoo dukaamo ku haysta deegaannada ay daggan yihiin dadka aan waxba haysan ama faqriga ah ee dalkaas ku nool, taasoo keenta in weerar lala beegsado in hantida looga dhaco.

Wasiir ku xigeenka wasaaradda xiriirka caalamiga ah ee dalka Koonfur Afrika Ibraahim Ibraahim oo isaguna saxaafadda la hadlay ayaa sheegay inay ka heleen xukuumadda Soomaaliya qoraal ay ku dalbanayso in Soomaalida ku nool Koonfur Afrika la siiyo sharciyo ay dalka ku joogaan si ay goobaha uu ka jiro amniga uga shaqeystaan.

“Aad ayaan uga xunnahay in dhibaato loo geysto Soomaalida dalkan u timid inay helaan nolol wanaagsan… waxaan codsanayaa in walaalaheenna halkan yimid ee Soomaalida ah la badbaadiyo, waayo iyaguna waxay na tageereen xilligii aan ku jirnay maalmaha xilliyadii madoobaa ee midab-kala-sooca,” ayuu yiri Ibraahim Ibraahim.

Sidoo kale, Ibraahim Ibraahim ayaa yiri: “dowladda Koonfur Afrika waxaa ka go’an inay taageerto dowladda federaalka ah ee Soomaaliya… si dhow ayaana ula shaqeynaynaa, waxaana diyaar u nahay inaan ka qaybqaadanno fulinta lixda qodob ee uu horay ugu dhawaaqay madaxweynaha Somalia.”

Dhanka kale, wasiir ku xigeenka arrimaha dibadda Soomaaliya ayaa sidoo kale la kulmay wasiirka arrimaha gudaha Koonfur Afrika, Naledi Pandor iyo sidoo kale ku xigeenka wasiirka booliiska, Maggie Sotyu, isagoo kala hadlay sidii wax looga qaban lahaa dhibaatooyinka Soomaalida lagu hayo.

Koonfur Afrika ayaa waxaa ku nool boqolaal kun oo Soomaali ah, kuwaasoo u tagay halkaas si ay ganacsiyo uga sameystaan waxna uga bartaan, iyadoo tan iyo markii ay halkaas tageen la kulmayay dhibaatooyin isugu jira dilal fool xun, dhac joogto ah.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/5/2013 5:30 PM EST
Jimco, July 5, 2013(HOL)—Waxaa lagu qabtay Magaalada Wuhan ee Dalka Shiinaha xaflad ballaaran oo lagu maamusayay arday ka qalinjebisay afar Jaamacadood oo ku yaal Magaaladaas, taasoo ahayd tii ugu badneyd arday mar kaliyah ka qalin jabisay jaamacadaha waddanka Shiinaha. Ardayda qalin-jebisay ayay tiradoodu ahayd 78 arday oo kala ahaa 59 Dhakhtar, 18 Engineer iyo Arday bartay luuqadda Shiinaha.

7/5/2013 1:54 PM EST
Jimco, July 05, 2013 (HOL) — Xarakada Al-shabaab ee Soomaaliya oo ka hadasha xukun ka tuuristii madaxweynihii Masar, Maxamed Mursi ayaa sheegay inay tusaale u tahay in awoodda dalkaas oo dhan ay gacanta ugu jirto ciidamada, ururrada Islaamiga ah aan loo ogoleyn inay xukun qabtaan.

7/5/2013 1:54 PM EST
Jimco, July 05, 2013 (HOL) — Maxjarka xannaanada xoolaha ee Jasiira oo ku yaalla duleedka magaalada Muqdisho ayaa waxaa ku jira kumannaan xoolo ah oo loo diyaariyay in ganacsi ahaan dibadda loogu dhoofiyo, waana maxjarka keliya ee ku yaalla Koonfurta iyo Bartamaha Soomaaliya.

7/5/2013 9:56 AM EST
Jimco, July 05, 2013 (HOL) — Maamulka gobolka Hiiraan ayaa siweyn loogu amaanay isbadalka uu ka sameeyay amniga magaalada iyo dib u habeynta ciidamada kadib booqasho maalintii shalay ay ku tageen magaalada Baladweyne saraakiil ka tirsan booliiska AMISOM.

7/5/2013 9:48 AM EST
Jimco, July 05, 2013 (HOL) — Hay’adda caafimaadka adduunka ee WHO ayaa sheegtay in dagaalladii ka dhacay Kismaayo ay ku dhinteen 71-qof ayna ku dhaawacmeen 300 oo qof oo kale, kuwaasoo intooda badan ay ahaayeen shacabkii magaaladaas ku noolaa.

7/5/2013 8:24 AM EST
Jimco, July 05, 2013 (HOL) - Wasiirka warfaafinta, Boostada iyo gaadiidka Soomaaliya C/laahi Ciilmooge Xirsi ayaa shaaciyay in Xayiraad saarnayd ayraboorka Aadan cadde intii dagaallada sokeeye socdeen si rasmi ah loo qaaday.

7/5/2013 8:10 AM EST
Jimco, July 05, 2013 (HOL) — Waxaa garoonka kubadda cagta ee Central High School ee magaalada Saint Paul ee gobolka Minnesota lagu soo gaba-gabeeyay ciyaar kubadda cagta ah oo lagu maamuusayay toddobaadka xorriyadda Soomaaliya iyo Mareykanka.

7/5/2013 2:51 AM EST
Jimco, July 05, 2013 (HOL) — Wasiirka Maaliyadda iyo qorsheynta dowladda Soomaaliya, Maxamuud Xasan Suleymaan oo markii ugu horreysay ka hadlay warbixin ay kooxda la socodka arrimaha Soomaaliya iyo Eriteriya ay ku sheegeen in lacago badan oo sharci-darro ah laga baxay bangiga dhexe ee Soomaaliya ayaa sheegay inaysan jirin lacago lagala baxay bangiga dhexe ee Soomaaliya.

7/5/2013 2:49 AM EST
Jimco, July 05, 2013 (HOL) — Xildhibaan Maxamed Cumar Dalxa oo ka mid ah xubnaha baarlamaanka Soomaaliya ayaa ku taliyay in dowladda Soomaaliya ay magacowdo guddi baaris ku sameeya dagaalladii ka dhacay magaalada Kismaayo, kuwaasoo u dhexeeyay rag isku haysta xilka madaxweynenimo ee maamulka Jubbaland.

7/5/2013 2:46 AM EST
Jimco, July 05, 2013 (HOL) — Ugu yaraan saddex qof ayaa ku dhintay tiro intaas ka badanna way ku dhaawacmeen dagaal culus oo xalay ciidamada dowladda Soomaaliya iyo xoogagga Al-shabaab ku dhexmaray deegaanka Ow-diinle oo ku dhow degmada Baydhabo ee xarunta gobolka Bay.