3/19/2024
Today from Hiiraan Online:  _
Wararka Maanta- Jimco, July 12, 2013
Ergadii shirkii Kismaayo oo Muddada u kordhiyay Madaxweynaha Jubbaland si uu Maamulka u dhameystiro (SAWIRRO)



Jimco, July 12, 2013(HOL) :- Shir maanta ka dhacay xarunta jaamacadda Kismaayo islamarkaana ay goobjoog ka ahaayeen madaxda ugu sareeysa maamulka Jubbaland iyo ergadii soo dhistay maamulka ayaa waqti kordhin loogu sameeyay madaxweeynaha maamulka si uu u soo dhameystiro qeybaha ka dhisman maamulka.

Madaxweeyne ku xigeenka maamulka Jubbaland C/laahi Sheekh Ismaaciil Fartaag oo goobta ka hadlay ayaa ugu horeyn ka warbixiyay wadahadalladii u dhexeeyay dowladda iyo maamulka Jubbaland, wuxuuna sheegay in wadahadalladaasi ay marayaan meel wanaagsan, isagoona  xusay in ay ka rajo qabaan in dowladda Soomaaliya ay aqoonsato maamulka Jubbaland ee uu hogaamiyo Sheekh Axmed Max’ed Islaam (Axmed Madoobe).

Masuulkan ayaa intaa kadib ergadii soo dhistay maamulka ka codsaday in waqti kordhin loo sameeyo madaxweeynaha si uu usoo dhameystiro qeybaha ka dhiman maamulka, wuxuuna codsaday in mudo 30 maalmood ah loo kordhiyo, isagoona sheegay in dib u dhacan uu sabab u yahay wadahadallo u soconayo dowladda Soomaaliya iyo maamulka Jubbaland iyo weliba madaxweeynaha maamulka oo safar ku maqan.

Dastuurka maamul goboleedka Jubbaland ayaa waxa ku xusan in madaxweeynaha maamulka uu mudo 30 maalmood gudahooda ah uu kusoo dhameystiro dhismaha maamulka, haseyeeshee arintaasi ayaa waxa ku yimid dib u dhac, waxaana 13-ka bishii June ee aynu kasoo gudubnay ay masuuliyiinta maamulka ka codsadeen ergadii shirka in waqti kordhin loo sameeyo, waxaana loogu daray mudo 27 maalmood oo ku ekeyd maanta.

Madaxweeyne ku xigeenka ayaa goobta ka sheegay in caqabado badan ay soo wajaheen maamulka, balse wuxuu xusay in caqabadahaasi intoodi badnayd lagu guuleystay, isagoona carabka ku adkeeyay in maamulka Jubbaland uusan ahayn mid gooni isu taag ah balse uu hoos tagayo dowladda federaalka Soomaaliaya, wuxuuna intaa ku daray in uu aad usoo dhawaanayo isfahanka dowladda Soomaaliya iyo maamulka Jubbaland.

Ergadii shirka ayaa si gacan taag ah waxay ku  ogolaadeen waqti kordhinta mudada 30-ka maalmood ee dheeriga ah ee laga codsaday, waxaana intaas kadib madaxweeyne ku xigeenku uu ergada u gudbiyay codsi kale oo ahaa in tirada baarlamanka oo sida dastuurka ku xusan ahayd 65 xildhibaan in loogu kordhiyo ilaa 10 xildhibaan kale oo dheeri ah, tiro kordhintaas oo madaxweeyne ku xigeenku sheegay in ay uga gon leeyihiin in ay ku xalliyaan wixii cabasho ah ee ka yimaada beelaha dega gobollada Jubooyinka ee ku aadan habka loo qeybinayo xildhibaanada.

Ergada ayaa markale si gacan taag ah ku ogolaatay tiro kordhinta baarlamanka ee laga codsaday, waxaana intaasi kadib goobta ka hadlay salaadiin, ugaasyo  iyo nabadoonno, kuwaasoo ka codsaday masuuliyiinta maamulka in mudada la siiyay ay kusoo dhameystiraan dhismaha labada gole ee maamulka Jubbaland.

15-ka bishii May ee aynu kasoo gudubnay ayay ahayd markii xarunta jaamacadda magaalada Kismaayo ay ka dhacday doorashadii madaxweeynaha maamulka Jubbaland, taasoo uu ku guuleystay gudoomiyihii hore ee ururka Raaskaambooni Sheekh Axmed Max’ed Islaam (Axmed Madoobe).






Xasan Nuur, Hiiraan Online
[email protected]
Kismaayo-Soomaaliya.













Click here
7/12/2013 3:15 PM EST
Jimco, July 12, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa xadhiga ka jaray idaacad cusub oo FM ah oo khaas u ah quraanka karriimka iyo Axaadiista Nabiga NNKHA oo lagu soo kordhiyay idaacadda Radio Hargeysa.

7/12/2013 2:14 PM EST
Jimco, July 12, 2013 (HOL) — Urur-siyaasadeedka Wadajir oo kamid ah 6-da urur-siyaasadeed ee Puntland ayaa maanta shaaciyey in uusan ka qayb geli doonin doorashada goleyaasha deegaanka ee Isniinta soo socota la filayo in ay ka qabsoonto deegaanada Puntland.

7/12/2013 1:20 PM EST
Jimco, July 12, 2013 (HOL) — Sideed sano ayaa kasoo wareegtay markii kooxo hubeysan ay xalay oo kale ku toogteen gurigiisa oo ku yaalay degmada Wadajir C/qaadir Yaxye Sheekh Cali oo ka mid ahaa mas’uuliyiintii hay’adda cilmi-baarista iyo wadashiga CRD.

7/12/2013 12:40 PM EST
Jimco, July 12, 2013 (HOL) — Ra,iisal wasaaraha Soomaaliya, Cabdi Faarax Shirdon (Saacid) ayaa cambaareeyay weerarkii is-miidaaminta ahaa ee lala beegsaday gellinkii dambe ee maanta gaadiid ay wateen ciidamada AMISOM, isagoo tacsi u diray dhamaan qoysaskii dadkii rayidka ahaa ee wax-yeelladu kasoo gaartay weerarkaas.

7/12/2013 11:47 AM EST
Jimco, July 12, 2013(HOL)—Suxufiyiinta Soomaaliyeed ayaa sheegay in Dowladda Soomaaliya ay meel marisay sharci qabyo qoraal ah, kaasi oo ay u arkayaan in uu yahay mid xaaladda ku sii adkeyn doona warfidiyeennada Soomaaliyeed oo xaalado ka dhan ah xuquuqdooda aas-aasiga ah la kulmayay sanadihii aynu ka soo gudubnay.

7/12/2013 9:12 AM EST
Jimco, July 12, 2013 (HOL) — Inta la ogyahay shan ruux oo ka mid ah kuwii uu dagaalku u dhexeeyay ayaa ku dhintay sagaal kalena dhaawacyo ayaa ka soo gaaray dagaal ciidamada dowladda Soomaaliya iyo kuwa Al-shabaab ku dhexmaray manta degmada Awdheegle ee gobolka Shabeellada Hoose.

7/12/2013 8:47 AM EST
Jimco, July 12, 2013 (HOL) — Weerar Ismiidaamin ah ayaa goor dhow lala beegsday gaadiid ay wateen ciidamada AMISOM oo marayay agagaarka xarunta hay’adda UNDP ay ku leedahay Muqdisho, iyadoo weerarkaas ay ka dhasheen khasaarooyin isugu jira dhimasho iyo dhaawac.

7/12/2013 8:42 AM EST
Jimco, July 12, 2013 (HOL) — Koox dabley ah ayaa xalay abbaare 12:kii habeennimo jidka u galay gaari nooca xamuulka qaada ah oo ka tegey magaalada Boosaaso, kaas oo marayey inta u dhexeysa tuulooyinka Kalabery iyo Kob-dhexaad oo qiyaastii 70km magaalada Boosaaso bariga ka xiga.

7/12/2013 4:57 AM EST
Jimco, July 12, 2013 (HOL) — Jaaliyadda Soomnaaliyeed ee ku nool xarunta labaad ee dalka Britain ee Birmingham ayaa xaflad soo dhaweyn ah xalay u sameeyay wafdi xildhibaanno ah oo uu hoggaaminayay guddoomiye ku xigeenka labaad ee baarlamaanka Soomaaliya, Mahad Cabdalla Cawad oo socdaal shaqo ku jooga Britain.

7/12/2013 4:13 AM EST
Jimco, July 12, 2013 (HOL) — Madaxweynaha Puntland C/raxmaan Sheekh Maxamed Faroole ayaa ugu baaqay shacabka ku nool Puntland inay ka qayb-qaataan doorashooyinka golaha deegaanka oo billaaban doona Isniinta soo socota oo ku beegan 15-ka bishan July.