3/19/2024
Today from Hiiraan Online:  _
Wararka Maanta- Jimco, July 12, 2013
Jaaliyadda Soomaaliyeed ee Birmingham oo xalay xaflad soo dhaweyn ah u Sameeyay Wafdi Xildhibaanno ah (SAWIRRO)


Jimco, July 12, 2013 (HOL) — Jaaliyadda Soomnaaliyeed ee ku nool xarunta labaad ee dalka Britain ee Birmingham ayaa xaflad soo dhaweyn ah xalay u sameeyay wafdi xildhibaanno ah oo uu hoggaaminayay guddoomiye ku xigeenka labaad ee baarlamaanka Soomaaliya, Mahad Cabdalla Cawad oo socdaal shaqo ku jooga Britain.

Xafladda oo ahayd mid si heer sare ah loosoo agaasimay ayaa waxaa hadallo ka jeediyay xubnihii soo abaabulay kuwaawsoo sheegay in farxad weyn ay u tahay inay soo dhaweeyaan wafdigan ka socda baarlamaanka.

Kulankan soo dhaweynta ah ayaa waxaa sidoo kale ka qaybgalay Soomaali kale oo ka timid magaalooyin kale, waxaana halkaas warbixnno ku saabsan xaaladda dalka iyo isbedellada dhacay looga dhageystay xildhibaannadii uu horkacayay guddoomiye ku xigeenka labaad ee baarlamaanka Soomaaliya.

“Baarlamaanka Soomaaliya xilligan wuxuu ku shaqeeyaan si ka duwan sidii ay ku shaqeyn jireen baarlamaannadii hore ee KMG ahaa, waxaana howlaha aan kala tashanaa shacabka Soomaaliyeed oo ay quseyso,” ayuu yiri Cawad oo ka hadlay kulanka, isagoo ku dheeraadaaday habka uu baarlamaanku u shaqeeyo xilligan.

Sidoo kale, guddoomiye ku xigeenku wuxuu ka warbixiyay horumarka uu ku tallaabsaday dalka tan iyo markii laga baxay xiligii KMG ahaa, isagoo xusay in dowladda hadda jirta ay guulo badan gaartay ayna rajeynayaan in dalka uu u soo ceshto kaalintii uu kaga jiray caalamka 22-sano ka hor.

Ugu dambeyn, Mahad Cabdalla Cawad ayaa ku boorriyay jaalliyadda inay ka qaybqaataan hormarka dalka ka socda iyo soo celinta dowladnimadii hore ee Soomaaliya, isagoo xasuusiyay jaaliyadda inay waajib tahay in qof kasta uu ka qaybqaato horumarka dalka.

Caawa ayaa lagu wadaa in guddoomiye xigeenka baarlamaanka iyo wafdiga uu horkacayo ay la kulmaan jaaliyadda Soomaaliyeed ee magaalada London ee xarunta dalka Britian, iyagoo u faahfaahin doona howlaha dowaldda iyo kuwa baarlamaanka.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/12/2013 3:15 PM EST
Jimco, July 12, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa xadhiga ka jaray idaacad cusub oo FM ah oo khaas u ah quraanka karriimka iyo Axaadiista Nabiga NNKHA oo lagu soo kordhiyay idaacadda Radio Hargeysa.

7/12/2013 2:14 PM EST
Jimco, July 12, 2013 (HOL) — Urur-siyaasadeedka Wadajir oo kamid ah 6-da urur-siyaasadeed ee Puntland ayaa maanta shaaciyey in uusan ka qayb geli doonin doorashada goleyaasha deegaanka ee Isniinta soo socota la filayo in ay ka qabsoonto deegaanada Puntland.

7/12/2013 1:20 PM EST
Jimco, July 12, 2013 (HOL) — Sideed sano ayaa kasoo wareegtay markii kooxo hubeysan ay xalay oo kale ku toogteen gurigiisa oo ku yaalay degmada Wadajir C/qaadir Yaxye Sheekh Cali oo ka mid ahaa mas’uuliyiintii hay’adda cilmi-baarista iyo wadashiga CRD.

7/12/2013 12:40 PM EST
Jimco, July 12, 2013 (HOL) — Ra,iisal wasaaraha Soomaaliya, Cabdi Faarax Shirdon (Saacid) ayaa cambaareeyay weerarkii is-miidaaminta ahaa ee lala beegsaday gellinkii dambe ee maanta gaadiid ay wateen ciidamada AMISOM, isagoo tacsi u diray dhamaan qoysaskii dadkii rayidka ahaa ee wax-yeelladu kasoo gaartay weerarkaas.

7/12/2013 11:47 AM EST
Jimco, July 12, 2013(HOL)—Suxufiyiinta Soomaaliyeed ayaa sheegay in Dowladda Soomaaliya ay meel marisay sharci qabyo qoraal ah, kaasi oo ay u arkayaan in uu yahay mid xaaladda ku sii adkeyn doona warfidiyeennada Soomaaliyeed oo xaalado ka dhan ah xuquuqdooda aas-aasiga ah la kulmayay sanadihii aynu ka soo gudubnay.

7/12/2013 10:29 AM EST
Jimco, July 12, 2013(HOL) :- Shir maanta ka dhacay xarunta jaamacadda Kismaayo islamarkaana ay goobjoog ka ahaayeen madaxda ugu sareeysa maamulka Jubbaland iyo ergadii soo dhistay maamulka ayaa waqti kordhin loogu sameeyay madaxweeynaha maamulka si uu u soo dhameystiro qeybaha ka dhisman maamulka.

7/12/2013 9:12 AM EST
Jimco, July 12, 2013 (HOL) — Inta la ogyahay shan ruux oo ka mid ah kuwii uu dagaalku u dhexeeyay ayaa ku dhintay sagaal kalena dhaawacyo ayaa ka soo gaaray dagaal ciidamada dowladda Soomaaliya iyo kuwa Al-shabaab ku dhexmaray manta degmada Awdheegle ee gobolka Shabeellada Hoose.

7/12/2013 8:47 AM EST
Jimco, July 12, 2013 (HOL) — Weerar Ismiidaamin ah ayaa goor dhow lala beegsday gaadiid ay wateen ciidamada AMISOM oo marayay agagaarka xarunta hay’adda UNDP ay ku leedahay Muqdisho, iyadoo weerarkaas ay ka dhasheen khasaarooyin isugu jira dhimasho iyo dhaawac.

7/12/2013 8:42 AM EST
Jimco, July 12, 2013 (HOL) — Koox dabley ah ayaa xalay abbaare 12:kii habeennimo jidka u galay gaari nooca xamuulka qaada ah oo ka tegey magaalada Boosaaso, kaas oo marayey inta u dhexeysa tuulooyinka Kalabery iyo Kob-dhexaad oo qiyaastii 70km magaalada Boosaaso bariga ka xiga.

7/12/2013 4:13 AM EST
Jimco, July 12, 2013 (HOL) — Madaxweynaha Puntland C/raxmaan Sheekh Maxamed Faroole ayaa ugu baaqay shacabka ku nool Puntland inay ka qayb-qaataan doorashooyinka golaha deegaanka oo billaaban doona Isniinta soo socota oo ku beegan 15-ka bishan July.