3/19/2024
Today from Hiiraan Online:  _
Wararka Maanta- Isniin, July 1 , 2013
Shir looga hadlayey sharci u dajinta Isgaarsiinta Soomaaliya oo maanta lagu soo Gaba-gabeeyay Dalka Imaaraatka Carabta


Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSMA ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.

Waa shirkii lixaad oo ay isugu yimaadaan shirkadaha isgaarsiinta Soomaaliyeed iyo dowladda iyadoo ujeedku yahay in sharci loo dajiyo ku dhaqanka isgaarsiinta oo aan sharci la hayn tan iyo intii ay burburtay dowladdii dhexe ee Soomaaliya. Waxaynka shirkoodii ugu dambeeyay ku dhexmaray magaalada Mudisho.

Prof. Maxamed Ibrahim oo ah qabanqaabiyaha shirkan ayaa si weyn uga warbixiyay muhiimadda ay leedahay in dalka Soomaaliya uu yeesho sharci kala haga isgaarsiinta, wuxuuna ka codsaday ka qaybgalayaasha inay fikirkooda ku darsadaan sharcigan dhawaan la hor-dhigi doono baarlmaanka Soomaaliyeed si loo ansixiyo.

Wasiirka warfaafinta, boostada iyo isgaarsiinta Soomaaliya, C/laahi Ciilmooge Xirsi oo u waramayay Hiiraan Online (HOL) ayaa ku ammaanay sharikadaha isgaarsiinta Soomaaliyeed horumarka ay ku tallaabsadeen intii uu dalka burbursanaa.

“Horumar weyn ayay sharkadaha Iigaarsiinta gaareen, laakin sharci kala haga oo aanan jirin daraadeed waxaa dhacday in si xun loo isticmaalay waxa loo yaqaana “SPECTRUM MANAGEMENT” oo ah sharci u dajinta maamulka (Radio frequency) ama mowjadaha idaacadaha. Sharci loo dajiyo Isgaarsiinta wuxuu daryeelayaa danaha isticmaalayaasha (Customers) iyo sharikadaha isgaarsiinta, dowladduna waa in u dhexeeysaa labadaba. Qorshaha dowladdana ma ah inay faraha la gesho isgaarsiinta,” ayuu yiri Ciilmooge.

Labo khabiir oo ka socda hay’adda isgaarsiinta adduunka ayaa soo dhaweeyay shirkan waxayna ballan-qaadeen in dowladda Soomaaliya ka kaalmeyn doonaan sidii ay u wada-shaqeyn lahaayeen dowladda iyo hay’adaha isgaarsiinta. Dowladda Soomaaliya ayaa waxay bishii December ee sannakii hore xubin buuxda ka noqotay hay’adda isgaarsiinta adduunka ee loo yaqaano INTERNATIONAL TELECOMMUNICATION UNION (ITU).

Qareen u hadlayay sharikadaha isgaarsiinta ayaa ka digay in sharciga waqti hadda jira loo dajiyo sharikadaha isgaarsiinta, isagoo sheegay in sharciyada oo loo dajiyo ay dib u dhac u keeni karto horumaka ay asgaarsiinta Soomaaliyeed sameeyeen, taasoo uu ku tilmaamay tan ugu horumarsan Afrika, isagoo intaa ku daray in si taxaddar leh looga fiirsado sharci u dajinta isgaarsiinta.

Madaxda isgaarsiinta qaarkood oo iyaguna hadlay ayaa sheegay in dowladda Soomaaliya aysan wada maamulin dalka oo dhan taasna ay dhibaato ka immaan karto haddii la rabo in sharciga laga wada hirgalyo dhammaan dalka oo dhan, iyagoo tusaale u soo gaatay goobaha ay ka taliyaan Al-shabaab.

Peter Lange oo madax ka ah sharikadda “Intelligent Network” ee uu fadhigeedu yahay dalka Australia ayaa sheegay inay muhiim tahay in sharci loo dajiyo isgaarsiinta Soomaaliyeed, wuxuuna sheegay in tartan xoogan ee dhanka isgaarsiinta uu maanta ka jiro geeska Afrika. Sharikadaha Isgaarsiinta Soomaaliyana uu dib u dhac ku immaan karo haddii aysan dowladda u dajin sharci kala haga.

Waxaa la qayaasay in ka badan 4.7 million Soomaali ah inay isticmaalaan adeega isgaarsiinta Soomaaliya. Sharikadaha isgaarsiinta Soomaaliyeed ayaana lagu tilmaamaa inay halkaas kasoo galo dhaqaale baaxadle, lana soo gaaray waqtigii ay dowladda ka qaadi lahayd canshuur.

Ugu dameyn, sharikadaha isgaarsiinta Soomaaliyeed ayaa si wadajir ah ugu mahadceliyey wasiirka warfaafinta, boostada iyo isgaarsiinta, Ceelmooge iyagoo ku ammaanay heerka uu soo gaarsiiyay sharci u sameynta isgaarsiinta Soomaaliya. Waxayna hoosta ka hariiqeen inay muhiim tahay in la helo sharci ay ku dhaqmaan isgaarsiinta. Waxayna isku wada af-garteen in muddo gaaban gudahood la meel mariyo sharci ay kuwada dhaqmaan dhammaan isgaarsiinta Soomaaliyeed meel kast oo ay joogaan.



















Click here
7/1/2013 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

7/1/2013 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

7/1/2013 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

7/1/2013 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

7/1/2013 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

7/1/2013 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

7/1/2013 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

7/1/2013 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

7/1/2013 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

7/1/2013 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

7/1/2013 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

7/1/2013 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

7/1/2013 2:34 AM EST
Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa xalay lagu qabtay Muqdisho.