3/19/2024
Today from Hiiraan Online:  _
Wararka Maanta- Isniin, July 1 , 2013
Munaasabad lagu weynaynayay 53-guuradii xorriyada Soomaaliya oo xalay lagu qabtay Magaalada Muqdisho (SAWIRRO)


Isniin, July 01, 2013 (HOL) — Munaasabad ay ka qaybgaleen madaxda sare-sare ee dowladda Soomaaliya oo lagu maamuusayay sannad-guuradii 53-aad ee kasoo wareegtay markii ay gobollada Koonfureed ee Somalia ka xoroobeen gurmeysigii Talyaaniga iyo midowgii labada gobol ayaa waxaa  xalay lagu qabtay Muqdisho.

Xuskan ayaa waxaa sidoo kale goobjoog ka ahaa wasiirro, xildhibanno iyo wafdi ka socday dalka Jabuuti, iyadoo fannaaniinta kala duwan ee Qaranka ay kusoo bandhigeen halkaas heeso ka tarjumaya xorriyadda iyo dhibkii loo soo maray, kuwasoo ay si weyn ugu riyaaqeen dadkii kasoo qaybgalay oo dhan.

Wasiirka arrimaha gudaha iyo amniga Qaranka, Cabdikariin Xuseen Guuleed oo ku hadlayay magaca guddiga qaban-qaabada munaasabadda ayaa kasoo qaybgalayaashii uga mahadceliyay kasoo qaybgalkooda xafladda, isagoo ka sheegay halkaas inay muddo laba toddobaad ah ku howlanaayeen qaban-qaabada xuskan iyo kii ka horreeyay ee 26-ka Juun.

Cabdi Xaaji Goob-doon oo ka mid ahaa dadkii joogay markii xorriyadda dalka laga qaadanayay gumeysigii Talyaaniga ahna khabiir saxaafadeed oo hadal ka jeediyay munaasabadda ayaa sheegay in xorriyadda dalka, isagoo xusay inay hormuud u ahaayeen xoriyadda dhallinyaro waddaniyiin ah oo diidanaa hagar-daamooyinka gumeystaha.

Guddoomiyaha guddiga warfaafinta ee baarlamaanka Soomaaliya, xildhibaan Cabdi Xaashi Cabdullaahi oo isaguna ka hadlay Munaasabadda ayaa sheegay in sida munaasabaddan ay muujinayso sida ay Soomaalidu guud ahaan uga go’an tahay inay xornimadooda muujiyaan, balse la doonayo in la difaaco.

Wasiirka owqaafta, diinta iyo dhaqanka jamhuuriyadda Jabuuti, Aadan Xasan Aadan (Bebelo) ayaa sheegay in shacabka iyo dowladda Jabuuti ay garab-taagnaan doonaan shafcabka Soomaaliyeed iyo dowladdooda si ay uga caawiyaan dib u dhiska iyo nabadeynta dalkooda.

Ra’iisul wasaaraha Soomaaliya, Cabdi Faarax Shirdoon (Saacid) oo isaguna ka hadlay munaasabadda ayaa ugu horreyn uga mahad-celiyey gudiggii soo abaabulay munaasabadda, isagoo sidoo kale hambalyo u diray guud ahaan shacabka Soomaaliyeed.

“Runtii gobonimada iyo midnimada Somalia maanta maalin ay ka wanaagsan tahay ma jirto, waxaan rabaa inaan ummadda Soomaaliyeed xusuusiyo inay ku timid xorriyadda midnimo ay Soomaalidu muujiyeen, sidaa daraadeed waxaan doonayaa inaan shacabka Soomaaliyeed xusuusiyo in dowldda keliya aysan ku halayn sugidda ammaanka ee lawada difaacdo,” ayuu yiri Saacid.

Madaxweynaha Soomaaliya, Xasan Sheekh Maxamuud oo ugu dambeyn ka hadlay munaasabadda ayaa tilmaamay inuu aad ugu faraxsan yahay sida qiimaha leh ee munaasabadda loosoo qaban-qaabiyay wuxuuna shacbka Soomaaliyeed ugu baaqay inay xoojiyaan midnimadooda iyo xorriyadooda.

“Waxaan rabaa inaan qof kasta oo Soomaali ah oo adduunka ku nool inuu u shaqo guri u qaato hal su’aal taasoo ah ‘Qof walba oo Soomaaliyeedoow maxaad ogoshahay inaad bixiso si aan u helno dowladnio buuxo? Illeen inta aan dunida ku nool nahay dowladnimo ayaa keeni karta inaan cisi iyo sharaf ku noolaanno,” ayuu yiri madaxweynaha oo intaas ku daray inuu hambalyo guud u dirayo shacabka Soomaaliyeed oo dhan.

Markii la gaaray 12:00 habeenimo ee saqda dhexe ayaa ciidamada xoogga dalka waxay saareen calanka jamhuuriyadda Soomaaliya ee buluugga ah oo dhexda ku leh xiddigta shanta gees leh, iyadoo halkaas lagu garaacay astaanta calanka Soomaaliyeed.

Ugu dambeyn, munaasabado la mid ah tii xalay ayaa waxaa lagu wadaa in maanta lagu qabto magaalada Muqdisho, kuwaasoo ay ka qayb-galayaan madaxda dowladda Soomaaliya sida madaxweynaha, ra’iisul wasaaaraha iyo guddoomiyaha baarlamaanka Soomaaliya.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/1/2013 4:05 PM EST
Isniin, July 01, 2013 (HOL) — Madaxweynaha Maamulka Jubbaland, Sheekh Axmed Madoobe Islaam (Sheekh Axmed Madoobe) oo haatan ku sugan dalka Itoobiya ayaa eedeyn u jeediyay ciidamada Kenya ee qaybta ka ah kuwa AMISOM, isagoo sheegay inuu wadahadallo la yeeshay mas’uuliyiin ka tirsan dowladda Soomaaliya.

7/1/2013 3:50 PM EST
Isniin, July 01, 2013 (HOL) — Saddex ka mid ah madaxweynayaashii is-magacaabay ee maamulka Jubbaland ayay maanta ciidamada Kenya ee ka tirsan AMISOM waxay kasoo dajiyeen magaalada Muqdisho, sidoo kalena ciidamada Kenya waxay Muqdisho keeneen dhaawacyada in ka badan 60-qof oo ku dhaawacmay dagaalladii Kismaayo ka dhacay.

7/1/2013 1:26 PM EST
Isniin, July 01, 2013 (HOL) — Iyadoo xilliga maamulka gobolka Bay oo lix bilood ahayd uu sii dhammaanyo ayaa waxaa magaalada Baydhabo labadii maalmood ee ugu dambeeyay ka socday kulammo lagu doonayo in la soo doorto maamulka bedeli doona maamulka xilligiisu sii dhammaanayo.

7/1/2013 12:10 PM EST
Isniin, July 01, 2013 (HOL) — Madaxweynaha Somaliland Mudane Axmed Maxamed Maxamud (SiLlaanyo) ayaa Maanta Xadhiga ka jaray Xafiiska Shaqo doonka Dhalinyarada oo ay wasaaradda Qarshaynta Qaranku ay soo abaabushay, kaasi oo laga Furay Wasaarada Caafimaadka Gudeheeda halkaas oo madaxweynuhu uu soo kormeeray Guud ahaan Shaqaalaha iyo Agabka ka ay ku shaqaynaayaan iyo adeegyada ay u qabanayaan Bulshada iyo Dhalinyaradaba.

7/1/2013 11:47 AM EST
Isniin, July 01, 2013 (HOL) — Xaflad ay soo qaban-qabiyeen ururka KAJOOG oo ay leeyihiin dhallinyarada Soomaaliyeed ee ku nool magaalada Minneapolis ee gobolka Minnesota ee dalka Mareykanka.

7/1/2013 11:33 AM EST
Isniin, July 01, 2013 (HOL) — Madaxweynaha Soomaaliya oo maanta ka hadlayay munaasabad lagu xusayay 01-da Luuliyo oo ka dhacday garoonka kubadda cagta ee Koonis Istaadiyum ee magaalada Muqdisho ayaa amaanay horumarka iyo nabadda ay ku taallabsadeen maamullada Somaliland iyo Puntland, isagoo sheegay in loo baahan yahay in looga daydo.

7/1/2013 11:11 AM EST
Isniin, July 01, 2013 (HOL) — Afhayeenka ciidamada Kenya, Col. Cyrus Oguna ayaa sheegay isagoo ku sugan Nairobi in ciidamadooda qaybta ka ah howgalka Midowga Afrika ee ku sugan Kismaayo ay la safteen dhinac ka mid ah dhinacyadii ku dagaalamay Kismaayo.

7/1/2013 10:49 AM EST
Isniin, July 01, 2013 (HOL) — Munaasabad si qurux badan loo soo agaasimay islamarkaana lagu mamuusayay 53 sano guuradii ka soo wareegatay waqtigii ay ka xorroobeen gobollada Koonfureed ee Soomaaliya gumeystihii Talyaaniga iyo Is raaciin labada gobol W/qooyi iyo Koonfur ayaa lagu qabtay magaalada Muqdisho.

7/1/2013 9:08 AM EST
Isniin, July 01, 2013 (HOL) — Egayga Midowga Afrika ee Soomaaliya, dajire Maxamed Saalax Aanaadiif ayaa hambalyo ku aaddan maalinta xorriyadda Soomaaliya ee 01-da Luuliyo u diray shacabka Soomaaliyeed iyo dowaldda.

7/1/2013 8:55 AM EST
Isniin, July 01, 2013 (HOL) — Dibadbax ay ka qaybgaleyeen dadweyne isugu jira haween, caruur iyo dhallinyaro loogana soo horjeedo xariga Sheekh Xasan Daahir iyo xubno la socday oo dowladda Soomaaliya u xiran ayaa maanta ka dhacay qaybo ka mid ah magaalada Muqdisho.

7/1/2013 7:40 AM EST
Isniin, July 01, 2013 (HOL) — Madaxweynaha dalka Mareykanka, Barack Obama oo safar shaqo ku maraya dalal ka tirsan Qaaradda Afrika ayaa u soo diiray shacabka Soomaaliyeed iyo dowladdooda hambalyo ku aaddan 01-da Luuliyo oo ah maalintii ay Soomaaliya ka xorowday gumeystihii Talyaaniga.

7/1/2013 6:40 AM EST
Isniin, July 01, 2013(HOL) :- Waxaa dagan xaaladda magaalada Kismaayo kadib mudo afar maalmood ah oo ay ka jireen xiisado dagaal, waxaana jawiga magaalada uu maanta yahay mid xasiloon iyadoona sidoo kale ay dib usoo noqdeen dhaqdhaqaaqyadii bulshada.

7/1/2013 4:46 AM EST
Isniin, July 1, 2013 (HOL) - Shir ay kasoo qaybgaleen dhammaan shirikadaha Isgaarsiinta Soomaaliyeed, wafdi ka socda dowladda Soomaaliyeed iyo xubno ka socda hay’adda Isgaarsiinta adduunka ee ITU iyo GSM ayaa maanta lagu soo gabagabeeyey xaruunta isgaarsiinta ee dalka isku-tagga Imaaraadka Carabta.