3/28/2024
Today from Hiiraan Online:  _
Wararka Maanta- Talaado, Jan 8 , 2013
Go’aanno kasoo baxay kulammo lagu Qaboojinayay Xiisad u dhexeysay beelo isku khilaafsan deegaan la magaaleeyay


Talaado, Jannaayo 08, 2013 (HOL) — Kulan cashooyinkii lasoo dhaafay uga socday deegaanka Dan-dan madaxdhaqameed ku kala dhex-jirey beelo isku maan-dhaafay dhul daaqsimeed la magaaleeyay oo lagu magacaabo Xamar-lagu-xidh oo 40-km dhinaca Koonfur-bari kaga beegan Degmada Buuhoodle ayaa ga`aammo lagaga soo saaray.

Madaxdhaqameedka halkaasi ku sugnaa oo uu shirkooda gudoominayay guddoomiyaha golaha dhaqanka, Garaad Jaamac Garaad Cali ayaa sheegay inay u qaateen go`aamnnadan si loo joojiyo colaadda labada beelood oo uu ugu dhaartay inaanay kala guurayn weligood.

Go`aammada laga soo saaray kulanka ayaa waxaa ka mid ahaa: in beesha degaankaa samaysay ay leedahay oo aanay jirin beel ahaan dhul la kala leeyahay, beesha kalena inay meel u jirta 4-km ugu dhawaan ay degaan ka samaystaan taasoo ay madax-dhaqameedku ku macneeyeen inay isku magaalo noqdaan mustaqbalka soo socda.

Garaad Abshir Saalax oo ku hadlayay magaca beeshiisa ayaa sheegay inay qaateen go`aankan isagoo ka codsaday beesha Guuleed-garaad inay meel kasta oo ay joogaan la qaataan maadaama go`aankii iyaga laga xukumay oo ay waayeen wixii ay doonayeen ayna fulinayaan go`aanka madaxda dhaqanku ay gaareen.

Garaad Cabdullaahi Garaad Soofe oo ah madax-dhaqameedka beesha reer Cali-geri oo ah beesha degaanka cusub sameysay ayaa wuxuu ku sheegay inay beel ahaan raalli ka yihiin go`aanka madax-dhaqameedku soo saareen.

Go`aankan oo ay soo saareen afar ka mid ah madax-dhaqameedka beesha Dhul-bahante lehna gole u dhexeeya ayaa sida uu sheegay Garaad Jaamac Garaad Ismaaciil ay inta kalena kula socdeen khadka telefoonka marka laga reebo labada beelood ee is-hayay madaxdooda.

Si kastaba ha ahaatee, waxaa dad badani dhawrayaan sida go`aanada ay soo saareen madax-dhaqameedka loo fuliyo iyo sidii loo kala furdaamin lahaa ciidammo isku kulaalaya halka la magaaley ee lagu magcaabo Geed-Xamadh ama Caraweyn iyadoo ay wilba jiraan rabitaanno siyaasadaysan oo ku wajahan degaamaynta oo ka imaanaysa maamullo.

Saynab Cabdi Warsame, Hiiraan Online
[email protected]
Laascaanood, Gobolka Sool













Click here
1/8/2013 4:54 PM EST
Talaado, January 08, 2013(HOL): Wiil Soomaali ah oo ku jiray xabsi ku yaalla magaalada Lecce ee dalka Talyaaniga, halkaasi oo loogu xiray in uu ku soo qaato ciqaabta dembi xatooyo ah oo lagu helay ayaa isdaldalay kaddib markii ay xaalad nolol xumo ah ay xabsiga kula soo gudboonaatay.

1/8/2013 12:12 PM EST
Talaado, Jannaayo 08, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi ayaa sheegay in dalal kasoo horjeeda nabad ka dhalata Soomaaliya ay taageeraan burcadbdeedda Soomaaliya, kuwaas oo raadinaya inaysan Soomaaliya weligeed xasilin oo aanay deggenaasho ka dhicin.

1/8/2013 12:11 PM EST
Talaado, Jannaayo 08, 2013 (HOL) — Ergayga xoghayaha guud ee Qaramada Midoobay uga wakiilka ah arrimaha Soomaaliya, Danjire Augustine Mahiga oo kulan la qaatay madaxweynaha Soomaaliya, Xasan Sheekh ayaa sheegay in Qaramada Midoobay ay qaab cusub kula shaqeyn doonto dowladda federaalka Soomaaliya.

1/8/2013 8:50 AM EST
Talaado, Jannaayo 08, 2013 (HOL) — Kulan ay magaalada Muqdisho ku yeesheen ergayga Midowga Afrika u qaabilsan Soomaaliya iyo madaxda dowladda Soomaaliya ayaa waxaa lagu gaaray go’aan lagu dalbanayo in la kordhiyo xilliga howgalka ciidamada Midowga Afrika ee AMISOM.

1/8/2013 7:54 AM EST
Talaado, Jannaayo 08, 2013 (HOL) — Golaha aqoonyahannada Koonfurta Soomaaliya oo mudooyinkii ugu dambeeyay wadday barnaamij la magac baxay [qiimee qofkaaga] ayaa munaasabad uu soo qaban-qaabiyey golaha kana dhacday hoteel Manchester ee magaalada Baydhabo waxaa shahaadooyin lagu guddoonsiiyay shirkado iyo hay’ado wadani ah oo ka jira gobolka Bay.

1/8/2013 6:59 AM EST
Talaado, Jannaayo 08, 2013 (HOL) — Guddiga cadaalladda Somaliland ayaa isku shaan-dheyn ballaaran ku sameeyay guddoomiyeyaasha maxkamaddaha goboladda Somailland qaarkood.

1/8/2013 6:52 AM EST
Talaado, Jannaayo 08, 2013 (HOL) — Mudanayaasha golaha Wakiiladda Somaliland, ayaa maanta cod aqlabiyad ah ku ansixiyey wasiirka Dib u jinta Somaliland Mr: Saleebaan Ciise Axmed (Xaglo Toosiye) iyo wasiir ku xigeenka macdanta, Tamarta iyo biyaha Somaliland Mr: Cabdisalaan Maxamed Xasan.

1/8/2013 6:47 AM EST
Talaado, Jannaayo 08, 2013 (HOL) — Iyadoo madaxweynaha Soomaaliya, Xasan Sheekh Maxamuud uu dhawaan sheegay in askarigii kufsi lagu helo uu xukunkiisu noqonayo dil toogasho; ayaa haddana haweenka ku jira xeryaha barakacayaasha ee Muqdisho ku yaalla waxay ka cabanayaan kufsi ay u geystaan ciidamada dowladda Soomaaliya iyo dad xiran dharka ciidamada.

1/8/2013 5:57 AM EST
Talaado, Jannaayo 08, 2013 (HOL) —Maamulka culumaa’udiinka Ahlusunna Wal-jameeca ee gobolka Gedo ayaa sheegay in dagaalladii ugu danbeeyay ee ka dhacay gobolkaasi ay ku guuleysteen in ay xoogagga Al-shabaab kala wareegaan dhul ballaaran oo ay uga sugnaayeen gobolkaasi.

1/8/2013 5:46 AM EST
Talaado, Jannaayo 08, 2013 (HOL) — Dowladda Talyaaniga oo muddo dheer gumeysanaysay gobollada Koonfureed ee Soomaaliya ayaa shaacisay inay ka caawin doonto dowladda cusub ee Soomaaliya tababarka ciidamada iyo wax-soo-saarka.

1/8/2013 1:21 AM EST
Talaado, Jannaayo 08, 2013 (HOL) — Ciidamada AMISOM ee ku sugan magaalada Baydhabo ee xarunta gobolka Bay ayaa lagu wareejiyay garoonka diyaaradaha ee Baydhabo, halkaasoo tan iyo bishii Feberaayo ee sannadkii hore ay gacanta ku hayeen ciidamada Itoobiya ee caawinaya kuwa dowladda Soomaaliya.

1/8/2013 1:20 AM EST
Talaado, Jannaayo 08, 2013 (HOL) — Afar qof oo ay ku jiraan saddex sarkaal oo ka tirsan saraakiisha booliiska Kenya iyo qof rayid ah ayaa ku dhaawacmay bambaano lagu weeraray xalay gaari ay wateen booliiska Kenya oo marayay bartamaha magaalada Gaarisa ee xarunta gobolka Waqooyi-bari-Kenya.