3/19/2024
Today from Hiiraan Online:  _
Wararka Maanta- Khamiis, Jan 3 , 2013
Wasiirka Ammaanka Puntland oo sheegay inay la dagaalamayaan Xoogagga Al-shabaab ee ku sugan Puntland

Khamiis, Jannaayo 03, 2013 (HOL) — Wasiirka Amniga Puntland, Col. Khaliif Ciise Mudan ayaa ka sheegay kulan uu kaga qaybgalay magaalada Boosaaso inay wadaan qorshe ay kula dagaalamayaan Al-shabaab oo uu sheegay inay kusoo jabeen kaddib markii looga adkaaday Koonfurta Soomaaliya.

Col. Khaliif Mudana ayaa xaqiijiyay in Al-shabaab ay khatar ku hayso Puntland, isagoo xusay inay diyaariyeen ciidammo weerarro ku qaada buuraleyda Galgala oo ay Al-shabaab ka dhigatay saldhigyo waaweyn.

“Puntland waxay u diyaar-garowday dagaal ay la gasho Al-shabaab si looga hortago khatarta ay la damacsan yihiin maamulka iyo shacabka ku nool deegaannada Puntland ay ka taliso,” ayuu yiri wasiirka amniga Puntland.

Kulanka uu wasiirku ka hadlay ayaa waxaa goob-joog ka ahaa saraakiisha ciidamada ammaanka iyo oday dhaqameedyada Boosaaso, waxaana inta badan kulanka looga hadlayay sidii la isaga kaashan lahaa sugidda amniga Puntland.

Sidoo kale, wasiirku wuxuu u digay siyaasiyiin uu sheegay  inay Puntland ka wada ololayaal ay ku carqaladeynayaan ammaanka, isaggoo sheegay inay kuwaas ka hortagayaan laamaha ammaanka Puntland, isagoo shacabka iyo maamullada deegaannada Puntland ka dalbaday dhankooda inay gacan ka geystaan sidii looga hortegi lahaa.

Dhawaanahan ayaa waxaa Puntland ka jiray muran ku saabsan in maamulka xilka haya uu doonayo inuu muddo hal sano ah ku kororsado xilligii loo doortay inuu xilka hayo, inkastoo madaxweynaha Puntland uu arrintaas iska fogeeyay kuna tilmaamay mid aanay waxka ka jirin.

Ugu dambeyn, wasiirka ammaanka Puntland wuxuu sheegay inaan cidna lagala tashan doonin ammaanka Puntland, ciddii loo arko inay khatar ku tahayna ay gacan bir ah ku qaban doonaan ciidamada ammaanka Puntland.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/3/2013 5:14 PM EST
Khamiis, January 03, 2013(HOL): Shirweynihii lixaad ee Guddiga Olambikada Soomaaliyeed ayaa lagu qabtay Hotel Jaziira magaalada Muqdisho, iyadoo shirweynahanna uu ahaa lagu dooranayay hoggaanka sare ee guddiga olombikada Soomaaliyeed.

1/3/2013 3:07 PM EST
Video: Kulankii Wasiirada Arrimaha dibadda ee Soomaaliya iyo Britain oo ka dhacay magaalada London

1/3/2013 1:16 PM EST
Khamiis, Jannaayo 03, 2013 (HOL) — Wasiirradda arrimaha dibadda ee Soomaaliya, Fowziyo Yuusuf Xaaji Aadan iyo wasiirka arrimaha dibadda ee Ingiriiska, William Hague ayaa maanta kulan ku yeeshay magaalada London ee xarunta dalka Britain, waxayna kulankooda kaga hadleen xoojin xiriirka labada dal iyo arrimo kale.

1/3/2013 6:51 AM EST
Khamiis, Jannaayo 03, 2013 (HOL) — Ugu yaraan 40-qof ayaa ku dhintay shilal kala duwan oo ka dhacay dalka Kenya, kuwaasoo laba ka mid ah ay ka dhaceen gobolka Galbeedka Kenya ku yaalla ee Rift Valley kaddib markii ay wadayaasha gaadiidkaas oo ahaa basaska loo yaqaan matatuuga ay lumiyeen koontaroolka gaadiidka.

1/3/2013 6:22 AM EST
Khamiis, Jannaayo 03, 2013 (HOL) — Ganacsatada ku dhaqan magaalada Gaalkacyo ee gobolka Mudug, gaar ahaan Koonfurta Gaalkacyo oo uu ka taliyo maamulka Galmudug ayaa bilaabay dayactir ay ku sameynayaan qaar ka mid ah wadooyinka magaaladaas oo burbursan.

1/3/2013 4:31 AM EST
Khamiis, Jannaayo 03, 2013 (HOL) — Qof dumar ah ayaa ku dhimatay saddex ruux kalana dhaawac ayaa ka soo gaaray kadib markii rag hubeysan oo ka tirsanaa Al-shabaab ay rasaas ku fureen goob ay ka socotay xaflad aroos oo ku taal deegaanka Booco ee gobolka Hiiraan galinkii danbe ee maalintii shalay.

1/3/2013 3:51 AM EST
Khamiis, Jannaayo 03, 2013 (HOL) — Madaxweeynaha Jamhuuriyadda federaalka Soomaaliya Mudane Xasan Sheekh Max’uud iyo wafdigii uu hogaaminayay oo ku sugan dalka Sudan ayaa kulan la qaatay dhigiisa dalka Sudan Mudane Cumar Xassan Al-shabaab oo ay wehlinayeen xubno katirsan golihiisa wasiirada.

1/3/2013 1:12 AM EST
Khamiis, Jannaayo 03, 2013 (HOL) — Saraakiisha ciimada Itoobiya iyo kuwa AMISOM ee ku sugan degmada Baydhabo ee xarunta gobolka Bay ayaa sheegay inay ka go’an tahay adkeynta ammaanka deegaannada uu ka kooban yahay gobolkaas.