3/28/2024
Today from Hiiraan Online:  _
Wararka Maanta- Khamiis, Jan 10, 2013
Maayarka cusub ee Degmada Saylac oo xilka la wareegay Iyo Gaari uu lahaa oo lagu gubay Xafiiska Barasaabka Gobolka Selel

Khamiis, Jannaayo 10, 2013 (HOL) — Wararka naga soo gaaraya degmada Saylac ayaa sheegaya in munaasabadii xil-wareejinta Maayarka cusub ee degmadaas ay si wanaagsan ugu dhacday xarunta barasaabka gobolka Selel waxaana kasoo qayb-qalay xil-wareejintan saraakiil ka socotay wasaaradda arrimaha gudaha Somaliland iyo mas’uuliyiin kale.

Magaalada Saylac ayaa sidoo kale waxaa dab la qabadsiiyay baabuur ay dowladu leedahay oo uu wadan jiray maayarkii hore ee Saylac, maantana la rabay in lagu wareejiyo maayarka cusub ee xilka lagu wareejiyay.
Baabuurkan dabka la suray ayaa dhex-yaallay xarunta barasaabka gobolka Salal, illaa haddana madaxda amniga kama soo bixin wax faahfaahin ah oo ku saabsan cidda dabka surtay gaariga.

Wararku waxay intaasi ku darayaan in gaariga la gubay intii ay socootay xafladdii uu xilka kula wareegayay guddoomiyaha cusub ee degmada Saylac, waxana la sheegayaa in arrintan ay salka ku hayso koox diiddanaa xil-wareejin oo dalka dibaddiisa ka yimid kuwaasoo damacsanaa inay qalqal geliyaan dawladnimada iyo nabadgalyada.

Sidoo kale, waxaa jira warar sheegaya in falkan lagu xiriirinayo inuu ka dambeeyay barasaabka gobolka Salal oo baabuurku ku xeraysnaa xaruntiisa oo ciidammo boolis ahi ay ku hareereysnaayeen, waxaana dadka lagu tuhunsan yahay ka mid ah darawalka baabuurka barasaabka laf ahaantiisa oo ay hay’adaha sirdoonku sheegayaan in maalmihii u dambeeyay ay afkiisa kasoo baxayeen hadallo wacad mar ah oo uu baabuurkaasi rabo inuu ku gubo.

Arrintan oo xukuumadda dhexe si weyn uga careysan tahay ayaa waxaa la rajaynayaa inay soo dedejiso xil-ka-qaadis lagu sameeyo barasaabka Salal, Muuse Cismaan oo ku fashilmay inuu dowladnimada u hoggaansamo, nabad-galyadana dhawro, maadaama ay horay u jirtay eedeymo sheegaya inuu gacan-saar la leeyahay kooxaha nabad-xumada kawada magaalada Saylac.

Khadra Xasan Nuux, Hiiraan Online
[email protected]
Mogadishu, Somalia













Click here
1/10/2013 2:16 PM EST
Khamiis, Jannaayo 10, 2013 (HOL) —Isbitaalka lagu daweeyo cudurka qaaxada (TB-da) ee magaaladda Laascaanood ee xarunta gobolka Sool ayaa maanta la gaarsiiyay deeq lacageed oo loogu talo-galay in lagu quudinta dadka lagu daweynayo isbitaalkaas.

1/10/2013 10:06 AM EST
Khamiis, Jannaayo 10, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xarunta madaxtooyada Soomaaliya wafdi ka socday Bankiga Adduunka, isagoo u sheegay inay diyaar u yihiin inay qayb ka noqdaan Bankiga Adduunka kaddib labaatan sano oo colaado ah.

1/10/2013 10:05 AM EST
Khamiis, Jannaayo 10, 2013 (HOL) — Ciidamada ammaanka Jabuuti ayaa ku dilay toogasho wiil 14-jir ah kaddib markii ay rasaas ku fureen mudaaharaad nabadeed oo ka dhacayay magaalada Obokh, iyadoo rasaastaas ay tiro kale oo dad ah ku dhaawacmeen, sida ay shaacisay hay’ad u doodda xuquuqda aadanaha oo magaceeda loosoo gaabiyo FIDH.

1/10/2013 9:11 AM EST
Khamiis, Jannaayo 10, 2013 (HOL) — Afhayeenka AMISOM, Col. Cali Aadan Xumud oo u dhashay dalka Jabuuti ayaa sheegay maanta oo Khamiis ah in ciidamada Midowga Afrika ee howgallada kawada gudaha Soomaaliya ay guulo la taaban karo ka gaareen, isagoo sidoo kale sheegay in ciidamada dowldda Soomaaliya hadda kaddib lagu tababari doono gudaha dalka.

1/10/2013 8:59 AM EST
Khamiis, Jannaayo 10, 2013 (HOL) — Dowladda Maraykanka ayaa shan milyan oo doollar dul-dhigtay laba ruux oo u dhashay dalka Suudaan oo la rumeysan yahay inay ka barbar dagaalamaan Al-shabaabta Soomaaliya, iyadoo saraakiil Mareykanka u hadlay ay sheegeen in ruuxii xogta labadan qof keena ay siinayaan lacagtaas.

1/10/2013 3:49 AM EST
Khamiis, Jannaayo 10, 2013 (HOL) —Magaalada Kismaayo ayaa waxaa ka socoto qabanqaabadii ugu danbeeysay oo loogu jiro in dib loo ambaqaado shirkii maamul u sameynta gobollada Jubooyinka kaasoo mudooyinkii u danbeeyay uu hakad ku yimid.

1/10/2013 3:44 AM EST
Khamiis, Jannaayo 10, 2013 (HOL) — Ciidamada Midowga Afrika ee AMISOM ayaa sheegay inay tababarro siinayaan shaqaalaha rayidka ah ee dowladda si ay sare ugu qaaddo aqoonta shaqaalaha kala duwan ee hay’adaha dowladda Soomaaliya, iyagoo sheegay inay tani qayb ka tahay howlaha ay u joogaan Soomaaliya.

1/10/2013 3:07 AM EST
Khamiis, Jannaayo 10, 2013 (HOL) — Kooxo hubeysan islamarkaasina ku labisan dareeska ciidamada dowladda federaalka Soomaaliya ayaa dhibaatooyin ba’an ku haya gaadiidka rakaabka ee isticmaala qeybo katirsan gobolka Shabeelaha hoose.