3/28/2024
Today from Hiiraan Online:  _
Wararka Maanta- Khamiis, Jan 10, 2013
Dowladda Mareykanka oo Malaayiin lacag ah dul-dhigtay dad u dhashay dalka Suudaan oo la safan Al-shabaab

Khamiis, Jannaayo 10, 2013 (HOL) — Dowladda Maraykanka ayaa shan milyan oo doollar dul-dhigtay laba ruux oo u dhashay dalka Suudaan oo la rumeysan yahay inay ka barbar dagaalamaan Al-shabaabta Soomaaliya, iyadoo saraakiil Mareykanka u hadlay ay sheegeen in ruuxii xogta labadan qof keena ay siinayaan lacagtaas.

Labadan ruux oo kala ah: Cabdul-baasid Al-Xaaj iyo Maxamed Makaawi ayaa lagu eedeyey inay ka dambeeyeen dilka labo qof oo u shaqeynayey hay’adda Maraykanka ee USAID loogu geystay gudaha dalka Suudaan, kuwaasoo mid ka mid ah uu ahaa ruux u dhashay Suudaan.

Sarkaal u hadlay waaxda arrimaha dibadda ee Mareykanka ayaa sheegtay in soo qabashada raggan ay si weyn ula kaashanayso dowladda Suudaan, si loo helo xogta la xiriirta halka ay ku sugan yihiin labadan ruux.

Inkastoo saraakiishan aysan sheegin halka ay ku sugan yihiin raggan ayaa haddana waxay sheegeen inay rumeysan yihiin inay ka tirsan yihiin xubnaha Ajnabiga ah ee la safan Al-shabaab oo dagaal kula jirta ciidamada dowladda Soomaaliya iyo kuwa AMISOM.

“Dowladda Maraykanka si weyn ayay uga taxadari doonto ammaanka qof walba oo soo gudbiya xogta labada ruux la doon-doonayo,” ayaa lagu yiri warsaxaafadeed kasoo baxay wasaaradda arrimaha dibadda ee Mareykanka.

Tallaabadan ayaa noqonaysa tii ugu horreysay oo Mareykanka uu ku lacag ku-dul-dhigo ciddii soo sheegta ajaanib uu doon-doonayo oo ku sugan gudaha dalka Soomaaliya.

Tan iyo markii ay dowladda Mareykanku billowday abaal-marinta ay siinayso dadka u soo gudbiya xogta dadka ay raadinayso ayaa waxay abaal-marin ahaa u bixisay lacag dhan 125 milyan oo doollar, waxaana lagu abaal-mariyay lacagtaan 80 qof oo gacan ka geystay sidii loosoo qaban lahaa dadka la raadinayay.

Maxamed Xaaji Xuseen, Hiiraan Online
[email protected]
Muqdisho, Soomaailya













Click here
1/10/2013 2:17 PM EST
Khamiis, Jannaayo 10, 2013 (HOL) — Wararka naga soo gaaraya degmada Saylac ayaa sheegaya in munaasabadii xil-wareejinta Maayarka cusub ee degmadaas ay si wanaagsan ugu dhacday xarunta barasaabka gobolka Selel waxaana kasoo qayb-qalay xil-wareejintan saraakiil ka socotay wasaaradda arrimaha gudaha Somaliland iyo mas’uuliyiin kale.

1/10/2013 2:16 PM EST
Khamiis, Jannaayo 10, 2013 (HOL) —Isbitaalka lagu daweeyo cudurka qaaxada (TB-da) ee magaaladda Laascaanood ee xarunta gobolka Sool ayaa maanta la gaarsiiyay deeq lacageed oo loogu talo-galay in lagu quudinta dadka lagu daweynayo isbitaalkaas.

1/10/2013 10:06 AM EST
Khamiis, Jannaayo 10, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xarunta madaxtooyada Soomaaliya wafdi ka socday Bankiga Adduunka, isagoo u sheegay inay diyaar u yihiin inay qayb ka noqdaan Bankiga Adduunka kaddib labaatan sano oo colaado ah.

1/10/2013 10:05 AM EST
Khamiis, Jannaayo 10, 2013 (HOL) — Ciidamada ammaanka Jabuuti ayaa ku dilay toogasho wiil 14-jir ah kaddib markii ay rasaas ku fureen mudaaharaad nabadeed oo ka dhacayay magaalada Obokh, iyadoo rasaastaas ay tiro kale oo dad ah ku dhaawacmeen, sida ay shaacisay hay’ad u doodda xuquuqda aadanaha oo magaceeda loosoo gaabiyo FIDH.

1/10/2013 9:11 AM EST
Khamiis, Jannaayo 10, 2013 (HOL) — Afhayeenka AMISOM, Col. Cali Aadan Xumud oo u dhashay dalka Jabuuti ayaa sheegay maanta oo Khamiis ah in ciidamada Midowga Afrika ee howgallada kawada gudaha Soomaaliya ay guulo la taaban karo ka gaareen, isagoo sidoo kale sheegay in ciidamada dowldda Soomaaliya hadda kaddib lagu tababari doono gudaha dalka.

1/10/2013 3:49 AM EST
Khamiis, Jannaayo 10, 2013 (HOL) —Magaalada Kismaayo ayaa waxaa ka socoto qabanqaabadii ugu danbeeysay oo loogu jiro in dib loo ambaqaado shirkii maamul u sameynta gobollada Jubooyinka kaasoo mudooyinkii u danbeeyay uu hakad ku yimid.

1/10/2013 3:44 AM EST
Khamiis, Jannaayo 10, 2013 (HOL) — Ciidamada Midowga Afrika ee AMISOM ayaa sheegay inay tababarro siinayaan shaqaalaha rayidka ah ee dowladda si ay sare ugu qaaddo aqoonta shaqaalaha kala duwan ee hay’adaha dowladda Soomaaliya, iyagoo sheegay inay tani qayb ka tahay howlaha ay u joogaan Soomaaliya.

1/10/2013 3:07 AM EST
Khamiis, Jannaayo 10, 2013 (HOL) — Kooxo hubeysan islamarkaasina ku labisan dareeska ciidamada dowladda federaalka Soomaaliya ayaa dhibaatooyin ba’an ku haya gaadiidka rakaabka ee isticmaala qeybo katirsan gobolka Shabeelaha hoose.