3/19/2024
Today from Hiiraan Online:  _
Wararka Maanta- Sabti, Feb 23, 2013
Hay’adda Samafalka ee HRD oo haween barakacayaal ah uga furtay Muqdisho Tababar lagu barayo Ganacsiga (SAWIRRO)


Sabti, Feberaayo 23, 2013 (HOL) —  Hay’ada samafalka maxaliga ah ee HRD Horn for Relief & Development ayaa 20 haween barakacayaal ah uga furmay maanta xarunta Xaawo-taako ee ururka SSWC ee magaalada, iyagoo la barayo haweenkan horumarinta ganacsiga iyo maaliyadda, waxaana gacan ka geysanaya tababarkan ururka shaqaalaha adduunka ee ILO.

Tababarka ku saabsan xirfad-abuuridda ganacsiga, maamulka, maaliyada iyo dajinta qorshayaasha ganacsi (Entrepreneurship, Financial Management and Business Plan Development Training) ayaa wuxuu socon doonaa muddo saddex toddobaad ah.

Haweenka loo qabanayo tababarka ayaa waxay ku nool yihiin xeryo qaxooti oo ku yaala degmooyinka Hodan iyo Dharkeenleey waxayna da’adoodu u dhexeysaa 18-jir illaa 39-jir.

“Ujeeddada tababarkan loo qabanayo haweenkan waa in looga kaalmeeyo inay noqdaan hal-abuurayaal ganacsi isla markaana loogu abuuro fursado shaqo. Markii uu tababarkan dhammaado haweeney walba waxaa la siinayaa laca 300 oo doollar ah si ay ganacsi yar ugu furato. Sidoo kale haweenka waxay heli doonaan taageero farsamo inta ay ku gudo jiraaan abuurista ganacsiga iyo maamuliddiisa,” ayuu yiri C/llaahi Yuusuf Maxamed oo ah madaxa hay’adda HRD oo ka hadlayay furitaanka tababarka.

Sidoo kale, C/llaahi Yuusuf wuxuu sheegay in tababarkan uu socon doono maalmaha toddobaadka oo dhan marka laga reebo maalmaha Jimcaha ah, isagoo rajo wanaagsan ka muujiyah in tababarkan uu noqon karo mid wax weyn ka bedela fikirka haweenka loo furay.

Hinda Axmed Faarax oo iyaduna ku hadlaysay magaca hay’adda SSWC ayaa soo dhaweysay tababarkan waxayna ku tilmaantay mid ahmiyada weyn u leh haweenka Soomaaliyeed, gaar ahaan kuwa tababarka loo furay maanta. 

Madaxa furlinta ee SSWC, Aamina Xaaji Cilmi oo iyaduna hadal ka jeedisay furintaanka tababarka ayaa faahfaahisay taariikhda haweenka Soomaaliyeed iyo u dhabar-adaygooda waqtigii aadkaa ee dalku soo maray iyadoo xustay in sidoo kale uu ahmiyad gaar ah u leeyahay barnaamijka haweenka danta yar si ay noloshooda u maareeyaan.

Ugu dambeyn, waxaa si rasmi ah tababarka u furay Cabdi Isaaq Maxamed oo ah madxa hay’adda ILO ee Koonfurta iyo Bartamaha Soomaaliya, isagoo ku nuux-nuuxsaday in tababarkan uu yahay fursad weyn, wuxuuna kula dardaarmay haweenka nasiibka u yeeshay inay tababarkan qaataan inay si wanaagsan uga faa’iideystaan oo kaalitooda ay kasoo baxaan si hay’adda ku bixisay dhaqaalaha iyo midda fulinaysaba ay ugu farxaan natiijada soo baxda.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/23/2013 12:37 PM EST
Sabti, Feberaayo 23, 2013 (HOL) — AMISOM ayaa sheegtay in ciidamada dowladda Soomaaliya iyo kuwa AMISOM oo iskaashanaya ay saakay la wareegeen laba deegaan oo ka tiran gobolka Bay, kuwaasoo kala ah Dardan iyo Juuro-kuuloow.

2/23/2013 10:48 AM EST
Sabti, Feberaayo 23, 2013 (HOL) —Wararka aynu ka heleyno magaalada Kismaayo ayaa sheegaya in uu istaagay dagaal xooggan oo saaka gudaha degmadaasi ku dhexmaray ciidamo beeleedyo ka tirsan dowaldda Soomaaliya iyo ururka raaskaambooni.

2/23/2013 9:47 AM EST
Sabti, Feberaayo 23, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta soo saaray baaq ku aadan dagaalka kasoo cusboonaaday magaalada Kismaayo ee xarunta gobolka Jubbada Hoose.

2/23/2013 7:57 AM EST
Sabti, Feberaayo 23, 2013 (HOL) — Magaaladda Berbera waxaa ku taalla goob ku qaali ah ummadda soomaaliyeed, isla markaana bishii mar ay booqasho ku tagaan boqolaal qof oo u soo daawasho taga, isla markaana sawirro qurux badan kusoo galla.

2/23/2013 7:19 AM EST
Sabti, Feberaayo 23, 2013 (HOL) — Idaacadda STAR FM ee codka gobolka Waqooyi-bari ee dalka Kenya ayaa xarun idaacadeed oo cusub ka furtay magaalada Guriceel ee gobolka Galguduud, taasoo loogu talogalay inay wararka ka dhageystaan dadka Soomaaliyeed ee ku nool gobollada dhexe.

2/23/2013 6:29 AM EST
Sabti, Feberaayo 23, 2013 (HOL) — Madaxweynaha Soomaaliya, Xasan Sheekh Maxamuud iyo ra'iisul wasaare, Cabdi Faarax Shirdoon (Saacid) ayaa maanta la kulmay wafdi ka socda dowladda Turkiga oo uu hoggaaminayay raiisal wasaare ku xigeenka dalkaas, Bekir Bozdag oo uuna ka mid ahaa wasiirka horumarinta Turkiga, Cevdet Yilmaz.

2/23/2013 5:54 AM EST
Sabti, Feberaayo 23, 2013 (HOL) — Kulan ballaaran oo ay isugu yimaadeen culumaa'uddiinka Ahlusunna Waljameeca loogana hadlayay dhibaatooyinka Al-Shabaab u geysteen diinta Islaamka ayaa maanta lagu qabtay magaalada Muqdisho, iyadoo gaba-gabadii kulankan laga soo saaray bayaan.

2/23/2013 5:49 AM EST
Sabti, Feberaayo 23, 2013 (HOL) — Wasiirka Arrimaha Gudaha iyo Taliyaha guud ee Booliska, ayaa, sheegay in hawl-galaddii ay toddobaadkan wadeen kug uuleysteen, isla markaana ku soo qabqabteen dad lagu tuhmayo inay yihiin dambiileyaal.

2/23/2013 5:46 AM EST
Sabti, Feberaayo, 23, 2013 (HOL) – Kadib dhaq dhaqaaq Isboorti oo si xowli ah uga socday bilihii ugu danbeeyay magaalada Baladweyne ee xarunta gobollka Hiiraan ayaa hadda waxaa muuqata in guddiga Olanbikada Soomaaliya uu u soo jeestay sidii uu loo taageeri lahaa howlaha Isboorti ee sida wanaagsan uga soconaya gobollka.

2/23/2013 4:37 AM EST
Sabti, Feberaayo 23, 2013 (HOL) — Iska-horimaad u dhexeeya ciidamo ka wada tirsan maamulka KMG ee degmada Kismaayo ayaa lagu soo waramayaa in saaka aroortii uu ka qarxay gudaha degmadaasi, iyadoona la sheegayo in labada dhinac ay isu adeegsanayaan hubka noocyadiisa kala duwan.

2/23/2013 2:54 AM EST
Sabti, Feberaayo 23, 2013 (HOL) —Gudiga farsamada shirka maamul u sameynta gobollada Jubooyinka ayaa ku dhawaaaqay in uu maanta baaqday shirkii maamul u sameynta gobollada Jubooyinka ee loo ballansanaa in uu maanta si rasmi ah uga furmo gudaha magaalada Kismaayo ee xarunta gobolka jubada hoose.

2/23/2013 12:33 AM EST
Sabti, Feberaayo 23, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Baker Buzdag ayaa saakay soo gaaray Muqdisho, iyadoo garoonka diyaaradaha ay kusoo dhaweeyeen wasiirro ka tirsan dowladda Soomaaliya oo ay ka mid yihiin ra’iisul wasaare ku xigeenka ahna wasiiradda arrimaha dibadda, Fowziyo Yuusuf Xaaji Aadan, wasiirka maaliyadda, Maxamuud Xasan Suleymaan, taliyaha booliiska, Jen. Shariif Sheekhunaa Maye iyo xubno kale.

2/23/2013 12:19 AM EST
Sabti, Feberaayo 23, 2013 (HOL) — Natiijadii hordhaca ahayd ee doorashada baarlamaaniga dalka Jabuuti ayaa 5:00 aroornimo ee saakay lagu dhawaaqay, iyadoo xisbiyada talada haya iyo kuwa mucaaradka ah ay aad isugu dhawaayeen.

2/23/2013 12:16 AM EST
Sabti, Feberaayo 23, 2013 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga Dhadhaab ee dalka Kenya, kaasoo billowday xalay fiidkii socday illaa gellinkii dambe.