3/19/2024
Today from Hiiraan Online:  _
Wararka Maanta- Sabti, Feb 23, 2013
Dib u dhac ku yimid shirkii maamul u sameynta Jubooyinka ee la filayay in uu maanta ka furmo magaalada Kismaayo

Sabti, Feberaayo 23, 2013 (HOL) —Gudiga farsamada shirka maamul u sameynta gobollada Jubooyinka ayaa ku dhawaaaqay in uu maanta baaqday shirkii maamul u sameynta gobollada Jubooyinka ee loo ballansanaa in uu maanta si rasmi ah uga furmo gudaha magaalada Kismaayo ee xarunta gobolka jubada hoose.

Gudoomiyaha gudiga farsamada shirka maamul u sameynta Jubooyinka Macalim Max’ed Ibraahim oo shalay gelinkii danbe shir jaraa’id ku qabtay magaalada Kismaayo ayaa ku dhawaaqay in uu baaqday shirkii la filayay in uu furmo maanta, isagoona baaqashada shirka sabab uga dhigay wafdi ka socda dowladda oo la filayay in uu shirka furo oo aan weli iman.

“Sidaad ula socotaan oo aan hore u iclaaminnay 23-da ayaan go’aansannay in shirka la furo oo maalinta beri ah, anagoo tixgelineyna isku-xirnaashaha dalka, masuuliyadda dowladda iyo kala danbeynta iyo isxurmeynta ayaa waxaan warqad rasmi ah u dirnay madaxweynaha dalka iyo ra’isul wasaaraha, jawaabna maan helin laakiin jawaab baan sugeynaa  in ay shirka furan oo ay iyagu halkaasi ka hogaamiyaan maamul u sameynta gobollada jubooyinka,” ayuu gudoomiyuhu hadalkiisiii raaciyay.

Masuulkani ayaa sheegay in dalka Soomaaliya ay imika ka jirto dowlad rasmi ah islamarkaasina loo baahanyahay in dowladda ay furto ayna maamusho shirka maamulka loogu sameynayo gobollada Jubooyinka, wuxuuna intaa ku daray in madaxda dowladda ay ka rajeynayaan in ay sida ugu dhaqsaha badan ay uga soo jawaabi doonaan codsiga ay u direen.

Sidoo kale waxa uu sheegay in dhamaan ergadii ka qeybgali lahayd shirka in ay xaadir ku tahay magaalada islamarkaasina aysan jirin caqabad kale oo baajisay shirkii la filayay in uu manata furmo.

Masuulkani ayaan si rasmi ah u shaacin  waqtiga rasmiga ah ee uu dib u furmi doono shirka, haseyeeshee wuxuu xusay in ay ka warsugi doonaan codsiga ay u direen dowladda Soomaaliya.

Shirka maamul usameynta gobollada Jubooyinka ayay mudooyinkii u danbeeyay ka taagnaayeen khilaafaadyo xooggan, iyadoona qaar kamid ah masuuliyiinta maamulka dowladda ee gobolka Gedo ay sheegeen in ay kasoo horjeedaan shirka maamul u sameynta gobolladaasi,ee ka soconaya magaalada Kismaayo, waxayna sheegeen in shirkani uu yahay mid lagu deg-degayo, iyagoona ku baaqay qodobo ay kamid yihiin in shirka dib loo dhigo inta gacanta looga dhigayo guud ahaan gobollada uu maro webiga jubba ee la isku yiraahdo Jubooyinka oo qeybo badan oo kamid ah ay gacanta ku hayaan xoogagga Al-shabaab.

 

……………
Xasan Nuur, Hiiraan Online
[email protected]
Muqdisho, Soomaaliya













Click here
2/23/2013 12:37 PM EST
Sabti, Feberaayo 23, 2013 (HOL) — AMISOM ayaa sheegtay in ciidamada dowladda Soomaaliya iyo kuwa AMISOM oo iskaashanaya ay saakay la wareegeen laba deegaan oo ka tiran gobolka Bay, kuwaasoo kala ah Dardan iyo Juuro-kuuloow.

2/23/2013 10:48 AM EST
Sabti, Feberaayo 23, 2013 (HOL) —Wararka aynu ka heleyno magaalada Kismaayo ayaa sheegaya in uu istaagay dagaal xooggan oo saaka gudaha degmadaasi ku dhexmaray ciidamo beeleedyo ka tirsan dowaldda Soomaaliya iyo ururka raaskaambooni.

2/23/2013 9:47 AM EST
Sabti, Feberaayo 23, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta soo saaray baaq ku aadan dagaalka kasoo cusboonaaday magaalada Kismaayo ee xarunta gobolka Jubbada Hoose.

2/23/2013 7:57 AM EST
Sabti, Feberaayo 23, 2013 (HOL) — Magaaladda Berbera waxaa ku taalla goob ku qaali ah ummadda soomaaliyeed, isla markaana bishii mar ay booqasho ku tagaan boqolaal qof oo u soo daawasho taga, isla markaana sawirro qurux badan kusoo galla.

2/23/2013 7:22 AM EST
Sabti, Feberaayo 23, 2013 (HOL) — Hay’ada samafalka maxaliga ah ee HRD Horn for Relief & Development ayaa 20 haween barakacayaal ah uga furmay maanta xarunta Xaawo-taako ee ururka SSWC ee magaalada, iyagoo la barayo haweenkan horumarinta ganacsiga iyo maaliyadda, waxaana gacan ka geysanaya tababarkan ururka shaqaalaha adduunka ee ILO.

2/23/2013 7:19 AM EST
Sabti, Feberaayo 23, 2013 (HOL) — Idaacadda STAR FM ee codka gobolka Waqooyi-bari ee dalka Kenya ayaa xarun idaacadeed oo cusub ka furtay magaalada Guriceel ee gobolka Galguduud, taasoo loogu talogalay inay wararka ka dhageystaan dadka Soomaaliyeed ee ku nool gobollada dhexe.

2/23/2013 6:29 AM EST
Sabti, Feberaayo 23, 2013 (HOL) — Madaxweynaha Soomaaliya, Xasan Sheekh Maxamuud iyo ra'iisul wasaare, Cabdi Faarax Shirdoon (Saacid) ayaa maanta la kulmay wafdi ka socda dowladda Turkiga oo uu hoggaaminayay raiisal wasaare ku xigeenka dalkaas, Bekir Bozdag oo uuna ka mid ahaa wasiirka horumarinta Turkiga, Cevdet Yilmaz.

2/23/2013 5:54 AM EST
Sabti, Feberaayo 23, 2013 (HOL) — Kulan ballaaran oo ay isugu yimaadeen culumaa'uddiinka Ahlusunna Waljameeca loogana hadlayay dhibaatooyinka Al-Shabaab u geysteen diinta Islaamka ayaa maanta lagu qabtay magaalada Muqdisho, iyadoo gaba-gabadii kulankan laga soo saaray bayaan.

2/23/2013 5:49 AM EST
Sabti, Feberaayo 23, 2013 (HOL) — Wasiirka Arrimaha Gudaha iyo Taliyaha guud ee Booliska, ayaa, sheegay in hawl-galaddii ay toddobaadkan wadeen kug uuleysteen, isla markaana ku soo qabqabteen dad lagu tuhmayo inay yihiin dambiileyaal.

2/23/2013 5:46 AM EST
Sabti, Feberaayo, 23, 2013 (HOL) – Kadib dhaq dhaqaaq Isboorti oo si xowli ah uga socday bilihii ugu danbeeyay magaalada Baladweyne ee xarunta gobollka Hiiraan ayaa hadda waxaa muuqata in guddiga Olanbikada Soomaaliya uu u soo jeestay sidii uu loo taageeri lahaa howlaha Isboorti ee sida wanaagsan uga soconaya gobollka.

2/23/2013 4:37 AM EST
Sabti, Feberaayo 23, 2013 (HOL) — Iska-horimaad u dhexeeya ciidamo ka wada tirsan maamulka KMG ee degmada Kismaayo ayaa lagu soo waramayaa in saaka aroortii uu ka qarxay gudaha degmadaasi, iyadoona la sheegayo in labada dhinac ay isu adeegsanayaan hubka noocyadiisa kala duwan.

2/23/2013 12:33 AM EST
Sabti, Feberaayo 23, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Baker Buzdag ayaa saakay soo gaaray Muqdisho, iyadoo garoonka diyaaradaha ay kusoo dhaweeyeen wasiirro ka tirsan dowladda Soomaaliya oo ay ka mid yihiin ra’iisul wasaare ku xigeenka ahna wasiiradda arrimaha dibadda, Fowziyo Yuusuf Xaaji Aadan, wasiirka maaliyadda, Maxamuud Xasan Suleymaan, taliyaha booliiska, Jen. Shariif Sheekhunaa Maye iyo xubno kale.

2/23/2013 12:19 AM EST
Sabti, Feberaayo 23, 2013 (HOL) — Natiijadii hordhaca ahayd ee doorashada baarlamaaniga dalka Jabuuti ayaa 5:00 aroornimo ee saakay lagu dhawaaqay, iyadoo xisbiyada talada haya iyo kuwa mucaaradka ah ay aad isugu dhawaayeen.

2/23/2013 12:16 AM EST
Sabti, Feberaayo 23, 2013 (HOL) — Dab geystay khasaare maaliyadeed oo xoog leh ayaa xalay ka kacay xerada Xagar-dheer oo ka mid ah xeryaha qoxootiga Dhadhaab ee dalka Kenya, kaasoo billowday xalay fiidkii socday illaa gellinkii dambe.