3/19/2024
Today from Hiiraan Online:  _
Wararka Maanta- Jimco, Feb 22, 2013
Ciidammo gaar ah oo Magaalada Hageysa ka Billaabay xilliyada Habeenkii ah Howgallo lagu sugayo Ammaanka


Jimco, Feberaayo 22, 2013 (HOL) — Ciidamo gaar ah oo loo yaqaan RRU iyo kuwa nabadsugidda Somaliland ayaa ka billaabay xilliyada magaalada Hargeysa xiliyada habeenkii ah howgallo lagu sugayo ammaanka, kuwaasoo ay ku qab-qabteen dad badan oo shacab ah.

Howgalladan ayaa la sheegay in ciidamadu ay ku raadinayaan kooxo ay uga shakisan yihiin falal argagaxiso, iyadoo la sheegay in goobaha qaarkood ay u dhacaan habeenkii saqda dhexe ogeysiis la’aan.

Ganacsade Sharma’arke Cabdi Cabdullaahi oo la hadlayay VOA-da ayaa sheegay in dukaan iyo maqaayad uu lahaa la jabsaday, lagana baxay saddex dhallinyaro ah oo ku sugnaa goobahaas.

“Dukaan iyo hoteel laga cunteeyo oo isku dhaggan oo aanigu lahaa ayay u dhaceen ciidamada Somaliland habeen hore, waxayna halkaas kala baxeen saddex dhallinyaro ah, inkastoo aan la iga qaadan wax hanta ah, haddana waxay isaga tageen iyagoo furan oo aan ilaalo lahayn,” ayuu yiri Sharma’arke.

Sidoo kale, ganacsadahan wuxuu sheegay in markii lagu soo wargeliyay in ciidamadu ay jabiyeen meheradihiisa uu soo aaday, balse loo diiday inuu u gudbo intii uu howgalku socday, isagoo sheegay inaan lagu wargelin waxa laga baarayo meheradihiisa.

Ciidamada Somaliland ayaa waxay sidoo kale dhowrkii habeen ee lasoo dhaafay u dhaceen guryo ay dad shacab ah deggen yihiin iyo goobo ganacsi, iyagoo raadinaya dad ay uga shakisan yihiin inay xiriir la leeyihiin kooxaha argagaxisada ah.

Taliyaha ciidamada booliiska Somaliland, Jen. C/llaahi Fadal Iimaan ayaa ka gaabsaday inuu ka hadlo howgalladan iyo sababta loo xirxiray dadka ay ciidamadu kala baxeen guryahooda iyo goobaha ganacsi. Balse wuxuu xusay nay dhawaan ka warbixin doonaan howgalladan.

Howgalkan ayaa wuxuu imaanayaa iyadoo dowladda Britain ay horraantii bishan sheegtay in Somaliland ay kusoo wajahan tahay khatar argagxiso, iyagoo uga digay muwaadiniintooda u safraan deegaanada uu maamulkaas ka taliyo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/22/2013 2:00 PM EST
Jimco, Feberaayo 22, 2013 (HOL) — Doorashadii baarlamaaniga ee dalka Jabuuti ayaa lasoo gabgabeeyay fiidnimadii caawa, kaddib markii hal saac oo dheeri lagu kordhiyay codbixinta oo lagu waday inay soo xiranto 6:00 maqribnimo ee maanta.

2/22/2013 12:42 PM EST
Jimco, February 22, 2013(HOL): Ibraahim Nuur Qalinle oo ka mid ah Soomaalida ku nool waddanka Sweden, gaar ahaan Magaalada Goteborg ayaa isagoo ku sugan magaalada Muqdisho ee caasimadda dalka Soomaaliya waxaa uu la hadlay TV-ga Sweden ee SVT, wuxuuna sheegay in Soomaali badan oo caalamka daafihiisa ku nool ay ku fekerayaan in ay ku laabtaan dalkooda hooyo ee Soomaaliya.

2/22/2013 12:20 PM EST
Jimco, Feberaayo 22, 2013 (HOL) — Mudaharadayaal careysan ayaa cagta mariyay habeenkii xalay ahaa guriga uu degmada Boorame ka deggenaa guddoomiye ku xigeenkii gobolka Awdal, Cabdinuur Sugaal iyo guri uu deggenaa aabbihii oo labaduba ku yaalla hal xaafad.

2/22/2013 12:11 PM EST
Jimco, Feberaayo 22, 2013 (HOL) —Ciidammo boolis ah ayaa habeen hore fiidkii gudaha u galay xarunta telefsihinka RAYO-TV iyagoo albaabbada u laabay xaruntii telefishan uu ku lahaa magaalada Boorame, iyadoo shacab ka careysan xarigaas ay xalay mudaaharaad ka dhigeen magaaladaas.

2/22/2013 11:57 AM EST
Jimco, Feberaayo 22, 2013 (HOL) — Mas’uuliyiin u kala hadlay dowladda Soomaaliya iyo Turkiga ayaa shaaca ka qaaday in Soomaali badan oo doonaya inay galaan dalalka Yurub ay baasaboorro faalso ah ama la been abuuuray ay ku raacaan diyaaradda Turkish Airlines oo ah diyaaradda keliya ee duulimaadyo caalami ah ku tagta Muqdisho.

2/22/2013 11:20 AM EST
Jimco, Feberaayo 22, 2013 (HOL) — Wafdi uu hoggaaminayo ra’iisul wasaare ku xigeenka dalka Turkiga, Barker Buzdag oo uu ka mid yahay wasiirka horumarinta dalkaas, Cevdet Yilmaz ayaa berri safar ku imaanaya magaalada Muqdisho ee xarunta Soomaaliya.

2/22/2013 2:28 AM EST
Jimco, Feberaayo 22, 2013 (HOL) — Xukuumadda Federaalka Soomaaliya ayaa sheegtay in ammaanka magaalada Muqdisho ee caasimadda dalka Soomaaliya uu yahay mid aad uga wanaagsan sidii uu ahaan jiray, waxayna xukuumaddu Sheegtay in magaaladu uu ka soconayo horumar iyo ganacsi baaxad leh.

2/22/2013 1:46 AM EST
Jimco, Feberaayo 22, 2013 (HOL) — Safaaradda Soomaaliya ee Koonfur Afrika ayaa ku guuleystay inay fasaxdo dad doonayay inay dib ugu laabtaan dalkooda hooyo ee Soomaaliya, kuwaasoo xayirnaa muddo ka badan seddex bilood kaddib markii waaxda socdaalka ee dalka Koonfur Afrika joojisay safarkooda.

2/22/2013 1:11 AM EST
Jimco, Feberaayo 22, 2013 (HOL) — Hay’adda xuquuqda aadanaha ee Human Rights Watch oo fadhigeedu yahay dalka Mareykanka ayaa uga digtay xukuunadda Netherlands ama Holland in qoxootiga Soomaalida ah ee dalkeeda ku nool oo ay magangalyada u diidday inay dib ugu celiso Soomaaliya.

2/22/2013 1:06 AM EST
Jimco, Feberaayo 22, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan Jawaari ayaa safar shaqo oo qaadanaya muddo saddex maalmood ah ku tagay dalka Kenya, kaddib hal toddobaad oo uu booqasho ku joogay dalka Itoobiya, iyadoo lagu wado inuu la kulmo madaxda dalkaas.

2/22/2013 1:01 AM EST
Jimco, Feberaayo 22, 2013 (HOL) — Dalka Jabuuti ayaa waxaa saakay ka billowday doorashada baarlamaaniga ah ee dalkaas, iyadoo shacabku ay soo dooranayaan 65-ka xidhibaan ee uu ka kooban yahay baarlamaanka Jabuuti.