3/29/2024
Today from Hiiraan Online:  _
Wararka Maanta- Khamiis, Feb 21, 2013
Maxkamadda Ciidamada Dowladda Soomaaliya oo xukunno dil iyo xabsi ah ku ridday Askar ka tirsan Ciidamada Dowladda

Khamiis, Feberaayo 21, 2013 (HOL) — Maxkamadda ciidamada dowladda Soomaaliya ayaa saddex askari ku xukuntay dil iyo xabsi kaddib markii lagu helay inay geysteen falal dil ah, iyadoo mid ka mid ah askarta la xukumay uu dilay wiil yar oo dugsi qur’aan dhiganayay.

C/llaahi Maxamed Muuse (Keyse) ayaa sheegay in afar ka mid ah dadkii lasoo taagay maxkamadda lagu waayay dambigii lagu soo eedeeyay taas oo keentay in dib xorriyadooda loogu celiyo.

“Maxkamadda ciidamada qalabka sida ee Soomaaliya waxay dil iyo xabsi ku xukuntay saddex ruux oo ka mid ahaa ciidammo loo haystay dacwooyin kala duwan, waxaana ka mid ahaa C/llaahi Cabdi Maxamed oo 29-jir ah oo ku dilay deegaanka Suuqa Xoolaha wiil yar oo toddoba sano jir ah, kaasoo lagu magacaabi jiray Faarax Cabdi Cumar, waxayna maxkamaddu ku xukuntay dil toogasho,” ayuu yiri C/llaahi Keyse.

Sidoo kale, sarkaalkan wuxuu sheegay in maxkamaddu ay tacsiir ahaan ugu xukuntay xabsi laba sano ah C/llaahi Tifoow Maxamed oo 19-jir, kaasoo dil u geystay marxuum lagu magacaabi jiray, C/kaamil Maxamed Cali Xasan, taas oo ay ka heshiiyeen qoysaskii ay labada qof ka dhasheen.

Qofka saddexaad ee la xukumay ayaa isagu magaciisa la sheegin, balse waxay maxkamaddu ku xukuntay dil toogasho, kaddib markii lagu helay dambigii lagu eedeeyay.

Maxkamadda ayaa sheegtay in xukunnada ay u cuskatay diinta Islaamka. xeerarka ciidamada iyo midka dalka, iyadoo aysan ahayn markii ugu horreysay oo xukunno noocan oo kale ah ay riddo maxkamadda ciidamada qalabka sida ee dowladda Soomaaliya.

Xukunkan ayaa wuxuu kusoo beegmay iyadoo saddex askari oo ciidamada dowladda ka tirsan lagu fuliyay xukun dil ah, kuwaasoo lagu helay dambiyo dilal ah oo ay u geysteen shacab iyo askar ciidamada dowladda ka tirsan.

Maxamed Xaaji Xuseen, Hiiraan Online
[email protected]
Muqdihso, Soomaaliya













Click here
2/21/2013 12:55 PM EST
Khamiis, February 21, 2013(HOL): Tartan isboorti oo ay ka qeyb galayeen 8 kooxood mudo todobaad ahna ka soconayay Garoonka kubada Cagta lamagalaay ee Magaalada beledweyne ayaa lasoo gaba gabeeyay.

2/21/2013 12:46 PM EST
Khamiis, Feberaayo 21, 2013 (HOL) — Shacabka degmada Saylac ayaa ugu baaqay xukuumadda Somaliland inay sugto ammaanka deegaankooda oo koox yar ay isku dayayso inay qalqal geliyaan, haddii kale ay iyagu u istaagi doonaan inay ammaankooda sugtaan.

2/21/2013 10:56 AM EST
Khamiis, Febraayo,19 2013(HOL): Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Villa Soomaaliya ku qaabilay Safiirka cusub ay dowladda Japan u soo magaacwday Soomaaliya.

2/21/2013 9:55 AM EST
Khamiis, February 21, 2013 (HOL) - Keith Ellison oo ah xildhibaan kamid ah congresska waddanka Maraykanka oo dhawaan booqday magaalada Muqdisho ayaa shalay galinkii dambe soo gaaray magaalada Nairobi.

2/21/2013 7:25 AM EST
Khamiis, Feberaayo 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta la kulmay madaxa hay’adda samfalka ee Mareykanka USAID, Mr. Rajiv Shah. Kulanka ayaa waxaa ka qaybgalay safiirka Maraykanka ee Soomaaliya, Mr. James Swan iyo wasiir-u-dowlaha madaxtooyadda Soomaaliya, Faarax Sheekh Cabdulqaadir.

2/21/2013 6:55 AM EST
Khamiis, Feberaayo 21, 2013 (HOL) — Xaaladda magaalada Baydhabo ee gobolka Bay ayaa deggen maanta kaddib markii Talaadadii lasoo dhaafay laga kexeeyay degmadaas guddoomiyihii xilka laga qaaday ee gobolka Bay, C/fitaax Maxamed Geeseey oo horay uga soo horjeestay maamulka ay dowladdu u magacowday Gobolkaas.

2/21/2013 6:19 AM EST
Khamiis, Feberaayo 21, 2013 (HOL) — Kulan looga hadlayAY waxa diinta Islaamku ay ka qabto gabdhaha sida khasabka ah lagu guursado ayaa maanta ka dhacay magaalada Muqdisho, waxaana kulankan ka qayb-galay culumaa'uddiin, waxgarad iyo ururada bulshada rayidka ah Soomaaliyeed.

2/21/2013 6:18 AM EST
Khamiis, Feberaayo 21, 2013 (HOL) —Wararka aynu ka heleyno magaalada Liboyo ee ku taal soohdinta ay wadaagaan dalalka Soomaaliya iyo Kenya ayaa sheegaya in kooxo hubeysan ay saaka aroortii weerar ku qaadeen goob masaajid ah oo ku taal tuulo ku dhow magaaladaasi.

2/21/2013 1:20 AM EST
Khamiis, Feberaayo 21, 2013 (HOL) — Maxkamadda ciidamada Qalabka sida ee dowladda Soomaaliya ayaa saaka dil toogasho ah ku fulisay askar ka tirsan ciidamada dowladda oo horay loogu xukumay dilal toogasho.

2/21/2013 1:18 AM EST
Khamiis, Feberaayo 21, 2013 (HOL) — Gaadiid kolonyo ah oo ay wateen ciidamada dowladda AMISOM ayaa sarkaal ka tirsan ciidamada dowladda Soomaaliya ku jiiray gobolka Shabeellada Hoose, sida ay warbaahinta u sheegeen saraakiil ka tirsan dowladda Soomaaliya.

2/21/2013 12:52 AM EST
Khamiis, Feberaayo 21, 2013 (HOL) — Guddoomiyaha baarlamaanka Soomaalia, Prof. Maxamed Sheekh Cismaan (Jawaari) ayaa xalay fiidkii kulan kula yeeshay magaalada Addis Ababa ee xarunta dalka Itoobiya Soomaalida ku nool halkaas.