3/19/2024
Today from Hiiraan Online:  _
Wararka Maanta- Talaado, Feb 19, 2013
Guddoomiyaha Baarlamaanka Soomaaliya oo la kulmay Ardayda Jaamacadda Addis Ababa wax-ka-barta (SAWIRRO)


Talaado, Feberaayo 19, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) oo ku sugan dalka Itoobiya ayaa la kulmay maanta ardayda wax-ka-barta jaamacadda Addis Ababa, isagoo uga jawaabay su’aalo ay weydiiyeen.

Prof. Jawaari ayaa si gaar ah ula kulmay ardayda wax ka barta kulliyadda barashada nabadda iyo ammaanka, waxaana uu ardayda u jeediyay hadal soo jiitay dareenkooda, isagoo uga warramay isbedelka dhinaca nabadda ah ee ka jira Soomaaliya.

“Soomaaliya waxay gashay xilligan isbedel weyn, kaasoo ay shacbiga iyo dowladduba ay u diyaarsan yihiin; waxaana taas ugu wacan in dadku ay kasoo daaleen dhibaatadii ay muddada dheer kusoo jireen, haddana waxay diyaar u yihiin inay wax wada-qabsadaan, waana taas midda horseeddday isbedellada dalka ka jira, sida doorashadii madaxda dalka,” ayuu Jawaari u sheegay ardaydii uu kula kulmay jaamacadda Addis Ababa.

Ardayda jaamacadda Addis Ababa dhigta oo ay ku jiraan kuwo Soomaali ah ayaa weydiiyay guddoomiyaha baarlamaanka su’aalo ay ka mid ahaayeen sida ay Soomaaliya u wajahayso argagaxisada, maadaama ay Soomaaliya ku sugan yihiin kooxo argagaxiso ah.

“Hadda Soomaaliya way ka adkaatay argigixisada sida kooxda Al-shabaab, isla markaana inta badan dalka waa laga saaray, waxaana si weyn uga soo horjeestay shacabka, taasoo sahashay in laga saaro deegaanno ay horay uga talin jireen. Sidaa daraadeed dowladdu waxay wadaa sidii ay qorshe ugu dejin lahayd howlaha horumarineed ee dalka,” ayuu Jawaari kaga jawaabay su’aashii la weydiiyay.

Sidoo kale, guddoomiyaha ayaa waxaa la weydiiyay su’aal ahayd fursadaha ay dowladdu u diyaarisay dhallinyarada Soomaaliyeed, isagoo su’aashaas kaga jawaabay: “Dowladda waxay ahmiyad siinaysaa sidii ay dhallinyarada Soomaaliyeed u heli lahaayeen fursadaha dhinaca horumarka ah, sida dib u dhiska dalka. Waayo baarlamaanka Soomaaliya wuxuu dhallinyarada u soo bandhigay furasado shaqo oo ka bannaan, gaar ahaan kuwa jaamacadaha dalka kasoo qalin-jabiyay; taasna waa qayb ka mid ah isbedelka aan dalka ka hirgelinayno.”

Afhayeenka baarlamaanka ayaa lagu wadaa inuu berri kulan la yeesho Soomaalida ku nool magaalada Addis Ababa ee xarunta dalka Itoobiya, iyadoo kulankan ay qabanqaabinayso safaaradda Soomaaliya ay ku leedahay dalka magaalada Addis Ababa.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/19/2013 1:04 PM EST
Talaado, Feberaayo 19, 2013 (HOL) — Wafdi uu horkacayo ergeyga gaarka ah ee Midowga Yurub u qaabilsan arimaha Soomaaliya Michele Cervone oo maanta soo gaarey magaalada Garoowe ayaa la kulmay madaxda sare ee dowladda Puntland.

2/19/2013 8:28 AM EST
Talaado, Feberaayo 19, 2013 (HOL) — Wasaarada waxbarashada iyo adeegga bulshada ee xukuumadda Soomaaliya ayaa maanta soo bandhigtay qorshe waxbarasho ee sanadka 2013, kaasoo loogu talo-gashay inay ka faa’iideystaan ardayda Soomaliyeed ee aan heysan fursadaha waxbarasho kaddib markii ay saameyn ku yeesheen duruufaha adag ee dalka ka jiray 22-kii sano ee lasoo dhaafay.

2/19/2013 7:22 AM EST
Talaado, Feberaayo 19, 2013 (HOL) — Saddex askari oo ka tirsan ciidamada dowladda Soomaaliya ayaa ku dhintay qarax maanta baqadii ka dhacay suuqa weyn ee Bakaaraha, gaar ahaan qaybta qudaarta.

2/19/2013 7:14 AM EST
Talaado, Feberaayo 19, 2013 (HOL) — Guddoomiye ku xigeenka koowaad ee xisbiga talada haya ee KULMIYE, Maxamed Kaahin Axmed ayaa sheegay inay qabteen laba nin oo lagu xidhiidhinayo dilkii loo geystay Sheikh Cabdiqaadir Gacamay oo dhowaan lagu dilay magaaladda Garowe ee Puntland.

2/19/2013 7:07 AM EST
Talaado, Feberaayo 19, 2013 (HOL) — Ugu yaraan toddoba qof ayaa ku dhintay sideed kalena way ku dhaawacmeen shil gaari oo xalay gellinkii dambe ka dhacay deegaanka Cadaan-laxeey oo ka tirsan gobolka Shabeellada dhexe.

2/19/2013 6:24 AM EST
Talaado, Feberaayo 19, 2013 (HOL) — Tan waa qeyb ka mid ah qorshaha ciidamada Jabuuti ee ka howlgalka midowgga Africa AMISOM ay ku hormarinayaa adeegyada kala duwan ee aas-aasiga u ah nolasha iyo sidii sare loogu qaadi lahaa aqoonta iyo wacyiga bulshada iyada loo sii marayo dhinaca waxbarashada.

2/19/2013 6:15 AM EST
Talaado, Feberaayo 19, 2013 (HOL) — Sida caadadda ah shaqo maalmeedka dadweynaha kala duwan ee magaaladda Hargeysa waxay bilaabantaa afarta subaxnimo ka hor saaladda subax ee aroortii, waxaanay wakhtigaasi rasmiyan u bilaaba adeegsiga gaadiidka dadweynaha ee loo yaqaan Basaska, waxaana wakhtigaa u badan oo raaca haweenka ka ganacsada khudaarta, hilibka iyo maqaayadaha, waxa kale oo iyana adeegsada baabuurtaasi raga farsamo yaqaaniinta ah ee guryaha dhisa oo iyagana aroorta hore kalaha.

2/19/2013 6:11 AM EST
Talaado, Feberaayo 19, 2013 (HOL) — Madaxweynaha Soomaaliya ayaa kulan qaatay muddo 45-daqiiqo ah wuxuu garoonka diyaaradaha ee Muqdisho kula yeeshay xildhibaanka, Keith Ellison oo ah mudanaha keliya ee muslimka ah ee ku jira golaha senate-ka Mareykanka, lagana soo doorto gobolka Minnesota oo ay daggan yihiin Soomaalida ugu badan ee ku nool Mareykanka.

2/19/2013 2:12 AM EST
Talaado, Feberaayo 19, 2013 (HOL) — Ciidamada maamulka KMG ee Kismaayo ayaa howlgallo ballaaran oo ay xalay ka sameeyeen qaar ka tirsan xaafadaha magaalada kusoo qab-qabtay rag hubeysan oo la sheegay in ay ka tirsanyihiin xarakada Al-shabaab.

2/19/2013 1:00 AM EST
Talaado, Feberaayo 19, 2013 (HOL) — Ciidamada dowladda Soomaaliya iyo kuwa AMISOM oo iskaashanaya ayaa shalay gellinkii dambe la wareegay deegaanno dhinaca waqooyi kaga beegan degmada Jowhar ee xarunta gobolka Shabeellada dhexe oo uu ku jiro garoonka diyaaradaha.

2/19/2013 12:58 AM EST
Talaado, Feberaayo 19, 2013 (HOL) — Kulan looga hadlayay horumarka iyo xeerka suxufiyiinta Soomaaliyeed ayaa waxaa lagu qabtay magaalada Muqdisho ee xarunta Soomaaliya, kaasoo ay kasoo qayb-galeen ku dhawaad konton saxafi oo ka kala howl-gala warbaahinta dalka, gaar ahaan kuwa gobolka Banaadir sida Idaacadaha,TV-yada iyo Websiteyada.