3/19/2024
Today from Hiiraan Online:  _
Wararka Maanta- Talaado, Feb 19, 2013
Ergeyga Midowga Yurub u qaabilsan Soomaaliya iyo Wafdi uu Hoggaaminayo oo maanta Garoowe soo gaarey (SAWIRRO)

Talaado, Feberaayo 19, 2013 (HOL) — Wafdi uu horkacayo ergeyga gaarka ah ee Midowga Yurub u qaabilsan arimaha Soomaaliya  Michele Cervone oo maanta soo gaarey magaalada Garoowe ayaa la kulmay madaxda sare ee dowladda Puntland.

Michele Cervone oo ay weheliyaan mas’uuliyiin ka tirsan safaaradaha Norway iyo Denmark ee Soomaaliya iyo weliba xubno ka tirsan guddiga EU u qaabilsan Dimuqraadiyadda ayaa xarunta madaxtooyada kulan kula qaatay madaxweynaha Puntland Cabdiraxmaan Maxamed Faroole.

Kulanka kaddib ayaa waxaa saxaafadda si wada jir ah ula hadlay madaxweyne Faroole iyo  Michele Cervone, waxayna ka warbixiyeen waxyaabihii ugu muhiimsanaa ee ay labada dhinac shirkooda iskula soo qaadeen.

Dr. Faroole oo ugu horeyn hadalka qaatay ayaa sheegay in qodobada ugu muhiimsan ee ay wefdiga EU isla soo qaadeen uu kamid yahay sidii loo dardar gelin lahaa geedi socodka Dumuqraadiyadda ee Puntland iyo Nidaamka siyaasadeed ee axsaabta badan.

Madaxweynaha ayaa intaas raaciyey in sidoo kale ay ka wada hadleen sidii kor loogu qaadi lahaa xoriyatul-qowlka, kaas oo sanadihii u danbeeyey ay dhinacyada siyaasadda xukuumadda Dr. Faroole dhaleeceeyaa tilmaamayeen in lagu xadgudbo.

Michele Cervone oo intaas kadib hadalka qaatay ayaa sheegay in ay si weyn ugu faraxsan yihiin booqashada ay xiligan kusoo gaareen caasimadda Puntland ee Garoowe iyo weliba heerka uu xiligan marayo geedi socodka Dimuqraadiyadda ee Puntland.

Isagoo hadalkiisa sii wata ayuu xusay in EU ay Puntland horay uga taageeri jirtey dhinacyo badan, islamarkaana ay xiligan ka taageeri doonto dhinaca ammaanka, si kor loogu qaado xasiloonida guud ahaan deegaanada Puntland.

Michele Cervone oo dhowaan loosoo magacaabay ergeyga gaarka ah ee Midowga Yurub u qaabilsan arimaha Soomaaliya, ma ahan markii ugu horeysey ee uu booqasho ku yimaado Puntland, haseyeeshee wuxuu magaalada Garoowe yimid dhowr mar oo hore.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
2/19/2013 1:37 PM EST
Talaado, Feberaayo 19, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) oo ku sugan dalka Itoobiya ayaa la kulmay maanta ardayda wax-ka-barta jaamacadda Addis Ababa, isagoo uga jawaabay su’aalo ay weydiiyeen.

2/19/2013 8:28 AM EST
Talaado, Feberaayo 19, 2013 (HOL) — Wasaarada waxbarashada iyo adeegga bulshada ee xukuumadda Soomaaliya ayaa maanta soo bandhigtay qorshe waxbarasho ee sanadka 2013, kaasoo loogu talo-gashay inay ka faa’iideystaan ardayda Soomaliyeed ee aan heysan fursadaha waxbarasho kaddib markii ay saameyn ku yeesheen duruufaha adag ee dalka ka jiray 22-kii sano ee lasoo dhaafay.

2/19/2013 7:22 AM EST
Talaado, Feberaayo 19, 2013 (HOL) — Saddex askari oo ka tirsan ciidamada dowladda Soomaaliya ayaa ku dhintay qarax maanta baqadii ka dhacay suuqa weyn ee Bakaaraha, gaar ahaan qaybta qudaarta.

2/19/2013 7:14 AM EST
Talaado, Feberaayo 19, 2013 (HOL) — Guddoomiye ku xigeenka koowaad ee xisbiga talada haya ee KULMIYE, Maxamed Kaahin Axmed ayaa sheegay inay qabteen laba nin oo lagu xidhiidhinayo dilkii loo geystay Sheikh Cabdiqaadir Gacamay oo dhowaan lagu dilay magaaladda Garowe ee Puntland.

2/19/2013 7:07 AM EST
Talaado, Feberaayo 19, 2013 (HOL) — Ugu yaraan toddoba qof ayaa ku dhintay sideed kalena way ku dhaawacmeen shil gaari oo xalay gellinkii dambe ka dhacay deegaanka Cadaan-laxeey oo ka tirsan gobolka Shabeellada dhexe.

2/19/2013 6:24 AM EST
Talaado, Feberaayo 19, 2013 (HOL) — Tan waa qeyb ka mid ah qorshaha ciidamada Jabuuti ee ka howlgalka midowgga Africa AMISOM ay ku hormarinayaa adeegyada kala duwan ee aas-aasiga u ah nolasha iyo sidii sare loogu qaadi lahaa aqoonta iyo wacyiga bulshada iyada loo sii marayo dhinaca waxbarashada.

2/19/2013 6:15 AM EST
Talaado, Feberaayo 19, 2013 (HOL) — Sida caadadda ah shaqo maalmeedka dadweynaha kala duwan ee magaaladda Hargeysa waxay bilaabantaa afarta subaxnimo ka hor saaladda subax ee aroortii, waxaanay wakhtigaasi rasmiyan u bilaaba adeegsiga gaadiidka dadweynaha ee loo yaqaan Basaska, waxaana wakhtigaa u badan oo raaca haweenka ka ganacsada khudaarta, hilibka iyo maqaayadaha, waxa kale oo iyana adeegsada baabuurtaasi raga farsamo yaqaaniinta ah ee guryaha dhisa oo iyagana aroorta hore kalaha.

2/19/2013 6:11 AM EST
Talaado, Feberaayo 19, 2013 (HOL) — Madaxweynaha Soomaaliya ayaa kulan qaatay muddo 45-daqiiqo ah wuxuu garoonka diyaaradaha ee Muqdisho kula yeeshay xildhibaanka, Keith Ellison oo ah mudanaha keliya ee muslimka ah ee ku jira golaha senate-ka Mareykanka, lagana soo doorto gobolka Minnesota oo ay daggan yihiin Soomaalida ugu badan ee ku nool Mareykanka.

2/19/2013 2:12 AM EST
Talaado, Feberaayo 19, 2013 (HOL) — Ciidamada maamulka KMG ee Kismaayo ayaa howlgallo ballaaran oo ay xalay ka sameeyeen qaar ka tirsan xaafadaha magaalada kusoo qab-qabtay rag hubeysan oo la sheegay in ay ka tirsanyihiin xarakada Al-shabaab.

2/19/2013 1:00 AM EST
Talaado, Feberaayo 19, 2013 (HOL) — Ciidamada dowladda Soomaaliya iyo kuwa AMISOM oo iskaashanaya ayaa shalay gellinkii dambe la wareegay deegaanno dhinaca waqooyi kaga beegan degmada Jowhar ee xarunta gobolka Shabeellada dhexe oo uu ku jiro garoonka diyaaradaha.

2/19/2013 12:58 AM EST
Talaado, Feberaayo 19, 2013 (HOL) — Kulan looga hadlayay horumarka iyo xeerka suxufiyiinta Soomaaliyeed ayaa waxaa lagu qabtay magaalada Muqdisho ee xarunta Soomaaliya, kaasoo ay kasoo qayb-galeen ku dhawaad konton saxafi oo ka kala howl-gala warbaahinta dalka, gaar ahaan kuwa gobolka Banaadir sida Idaacadaha,TV-yada iyo Websiteyada.